聞名不如見面

表妹 Y 自小牙齒不整齊, 早兩年到菲臘牙科箍牙, 邂逅了現任牙醫男友, 羨慕不已。

某日, 呀姐和媽媽在街上偶遇表妹與男友, 驚見牙醫男友竟有八成似 William Hung!!! 818 成員只得我一人未見其真身, 呀姐早已 warn 我, 若在街上偶遇表妹與男友, 一定要保持冷靜, 瞳孔和鼻孔不得擴張, 亦不得放聲大笑。

過年前, 我祈求表妹與男友今年一定要到我家拜年, 以一睹其廬山真面目。四姐:「如果呀 William (已經幫人起名) 真係上嚟拜年, 我會問佢叫咩名, 如果佢真係叫 William, 我一定會忍唔住噴飯!!! 仲有仲有, 我會問佢鍾唔鍾意食燒餅囉... 呵呵呵呵...」我諗我會同表妹講:「嘩! 你真係箍出個情緣來喎!!」

可惜, 呀叔呀嬸新春期間去了旅行, Willliam 當然也沒有來我家拜家。

直至初十四, 我們到呀叔家雀局, 正打緊東圈第一舖之際, 門鈴嚮起, 來訪者竟是 William!!! 大家二話不說即刻封局, 好在一早有心理準備, 沒有太大驚嚇, 也沒有失言失禮。

說真的, 的確有八成似 William Hung, 而且是梳 barcode hairstyle 的 William Hung...