wedding

昨晚又出席表姐婚宴, 這一對雖然高矮懸殊, 但絕對稱得上是俊男美女, 兩人在英國任腦科醫生, 真的才貌雙全。

表姐夫有點兒似斯文版郭耀明, 還有個非常似樣而且同樣高大的孖生哥哥, 可惜兩個都名草有主了。

這次婚宴又有 "ar" 時間的抽獎環節, 到底何時興起擺酒玩抽獎? 既唔好玩又無意義...

陶傑也愛...

這篇也是關於《我愛巴黎》, 節錄自 29.12.2006 陶傑的《黃金冒險號》-

聖誕新年小資產階級的熱門話題, 是有沒有看過《我愛巴黎》這部法國的集體創作小品。如果看過了, 最喜歡哪一個片斷?

五分鐘的小舞台, 怎樣講一個感人的故事? 像一盒錦繡巧克力, 我覺得最感人的一段是最後的壓卷篇: 一個美國女人, 從丹佛來巴黎學法文, 過著孤獨的生活。她以為巴黎人很浪漫, 其實巴黎的都市生活高傲而冷傲。她一個人住, 一個人進餐, 一個人在城市觀光, 她說: 有時候, 身邊有一個伴侶多好, 不過是在鐵塔上俯看壯麗的風景時, 可以對身邊這個人說:「多漂亮, 對嗎?」

但是她無悔來到巴黎, 因為她感到與巴黎的風景融為一體:「我覺得我愛上巴黎, 巴黎也愛上了我。」這是「昨夜西風凋碧樹, 獨上高樓, 望盡天涯路」的中國人文意境。一個中年美國女人, 用帶美語口音的淺易法文獨白她的心事, 這個片斷, 把全世界的寂寞有情人的心都溶化了, 不矯飾浮誇, 這是最容易拍的一個故事, 但編導沒有經歷過人生的長夜痛哭, 也拍不出來, 因此這個五分鐘的片斷也最難拍。

亞軍的選擇, 應該是默劇演員的故事。一個小孩接受採訪, 記者問他: 你的父母是怎樣認識的? 他答: 他們認識在監獄。一個小小的懸念, 由此展開, 編導訴說了一個快樂而不凡的傳說, 令觀眾心頭充滿歡欣。

還有朱麗葉貝諾芝演憶亡子的母親, 還有一個負心丈夫, 約了他的妻子在最初約會的餐廳見面, 準備向她提出離婚, 還沒開口, 太太告訴他, 自己患了末期癌症。

《我愛巴黎》的小小敗筆在最後, 把劇中人物在人海中串起來, 太過像《真的戀愛了》的機場一幕了。然而瑕不掩瑜, 好的電影, 雖然在邊緣的小戲院, 但天天客滿, 因為這是一份心靈的新年禮物。

Hardee's

Wendy's 和 Hardee's 是高中時代最愛的快餐店, 前者幾年前已消聲匿跡. 後者亦於昨天全線結業。

自從荃灣店關門大吉後, 已經很久沒幫襯 Hardee's, 三藩市芝士漢堡、德州肉醬意粉和粗身薯條是三大至愛。

忽然很懷念 Wendy's 的芝士醬薯格...

Paris Je t'aime

一個城市, 二十個導演, 拍出十八個小故事。

除了那段騎呢非常的 "疆屍情緣" 和杜可風所拍的唐人髮廊外, 其餘十六個故事都非常好看。

最喜歡是 Natalie Portman 主演的一段, 漂亮女演員透過電話與失明男友 "分手", 男友回憶起一幕幕相戀的片段, 一大堆快鏡及重覆畫面, 印象至深。

老夫婦對罵的一段也非常喜歡, 結局很無奈; 結尾的一段是美國旅客遊走巴黎, 原來是《酒佬日記》的導演所拍, 也是很好看的。

電影已上畫了好一段日子, 好友們要趕快捧場啊~

X'mas Collection

X'mas Collection 2006, 終於大功告成!!

Triple-O's

雖然價錢貴咗少少, 但真係好好味呀!! 一定要加 $20 轉 set drink 做 milkshake, 首推非常香滑的 strawberry 味。

Burger King 的地位不保了...

P.S. 圖為加了 cheese 的 mushroom burger combo, 超 heavy 的, 盛惠 $91。

傷城

失望之作。

沒有拿此片與《無間道》比, 因為根本無得比。故事一般、對白作狀, 氣氛不緊湊、佈局無新意、而且犯駁處處, 還加送花瓶一大個...

宣傳句 "三十年精心佈局", 到底有何精心?

昂坪360

莊友 F 說我們的活動每次都是食食食, 於是我們決定聖誕來一趟效遊, 地點選了昂坪 360。

朝早十一點半左右到達東涌, 纜車站已經擠滿人, 呆等了兩個小時才能踏上車廂, 一到達昂坪市集便到 Euro Go Go 醫肚, 之後漫遊只有食店和紀念品商店的市集, 再走到天壇大佛附近吃豆腐花, 主打活動依然係 "食"。

交換了聖誕禮物後, 莊友 F 先行離開, 這時才開始我們的郊遊活動。除了遊大佛, 還走到心經簡林, 幾十條刻上經文的大木牌, 以 infinity 的排列豎立在山坡上, 蠻有型的。

X'mas Eve

平安夜, 與橫丁和 44 走訪各大商場影 X'mas deco, 由太古城到金鐘, 再步行至中環, 最後搭船到尖東。

一天之內遊走 5 大景點, 筋疲力竭; 最鍾意是充滿童話 feel 的 IFC's Enchanted Christmas Village。

買給 44 的 City Super 罐頭 Noel Tree 竟然只有日文說明!! 弊, 唔識種添...

母校BBQ

一向不太愛舊同學聚會或母校活動, 最怕是見到那些久違了的同學, 沒甚麼共同話題, 還要客套地互訴近況。

但最終還是 join 了校友會的 X'mas BBQ party, 就當是好友們的自家 function 好了。

今年, 大家挑的禮物異常正經, 抽到 WC 的靚靚聖誕禮物, 謝天謝地!!

冬至

今年又是一個和暖的冬至。

一如以往早收工, 4 點正即走, 雖然有很多工作未做, 但 holiday mood 超濃, 還是過了 long weekend 後才算...

聖誕心水電影

1st :《我愛巴黎》, 終於搵到人陪我睇;
2nd:《傷城》, 必捧金城武;
3rd:《滿城盡帶黃金甲》, 希望不要比《夜宴》差...

電梯驚魂

上星期放工回家, 如常開信箱收信, 之後發現一個十來歲的男孩幫我擋住電梯門, 心想: 佢一定見到我開信箱, 知道我住邊層樓同搭邊架電梯...

(請以鳥瞰圖想像方位)
當按了 "8" 字鍵後, 便站在左上角, 男孩一直站在右下角, 電梯門徐徐關上, 隱隱覺得有點兒不對勁, 於是用眼尾斜看了右下角位置, 竟然看不到男孩, 再仔細看, 依然不見男孩蹤影!!! 唔係啩!?

鼓起勇氣回頭再看, 發現那個男孩竟然蹲在我的正後方!!!! 撞鬼啦, 真係嚇鬼死呀!!! 心中正暗罵那個死仔之際, 電梯門亦已打開...

後記: 一直覺得那個死仔只是想整蠱我, 但呀姐和 MY 皆認為此乃咸濕仔一名, 因為當時我正穿著一條短裙 (而且沒有打底)...

執手尾

發呆同事 K, 前日開始放大假, 07 年才復工。

此同事 filing 混亂, 文件錯漏百出, 還要幫她執手尾, 真氣人!!

X'mas Card

求學時期, 大家總愛親手寫聖誕咭給師生好友; 大學畢業後, 收到的聖誕咭一年比一年少...

雖然 e-card 既方便又免費, 但我還是堅持寫聖誕咭。打開信箱, 看到好友寄來的聖誕祝福, 即使未拆信封, 已經樂透。那份喜悅, 是 e-card 永遠不能給我的...

今年, 特地郵購了 "小馬聖誕咭" 送給家人好友, 希望大家喜歡。

做冬

昨晚提早和媽媽祝壽和做冬, 選了剛開張個多月的荃灣鳳城酒家。

大良炒鮮奶、大良野雞卷、鳳城炸大腸... 菜式雖獨特, 但卻不合我口味, 我應該不太愛順德菜。

擠

觀禮完畢, 離茶少喜宴還有三個多小時, 本想和橫丁去電影中心看 "我愛巴黎", 但只剩頭兩行位置, 唯有改變行程到尖東拍燈飾。

距離聖誕還有個多星期, 海港城已經擠滿人, 天星碼頭的出口被封了, 需繞道停車場才能到達。

我們還要堅持以尖沙咀作為平安夜的終點站嗎?

茶少大婚

一個開心又搞笑的婚禮。

貪玩的茶少, 在行禮最神聖的一刻, 竟然爆一句 : Yo! I Do!! 在場賓客沒有太大反應, 大概大家都很了解茶少的性格。

喜宴地點在星光行的北京樓, 當茶少挽著新娘進場時, 清唱了一曲 "向全世界說愛你", 場面溫馨感人, 博得全場掌聲。

這次的兄弟團非常賣力, 與新郎哥一起完成 21 個 tasks, 當中不乏騎呢要求, 包括: 唱 hall song、耍 LCH 拳、以新娘英文名作詩、唱 hip-hop 版 "向全世界說愛你"... 難得的是, 新郎和兄弟們皆全力以赴, 絕不欺場。

是日報紙除了大幅報導除子淇嫁入豪門外, 蘋果日報的副刊還登了一小段茶少的 "愛的宣言", 是全晚最欣賞的點子。

鬼馬新郎 + 端莊新娘, 很難想像他們會結成一對...

P.S. 北京樓的食物美味又特別, 有喜宴少見的宮保蝦球和北京填鴨, 甜品是豆沙鍋餅和碗豆黃, 最美味的當然是那碗超粗魚翅。

期待

今晚將出席本年度第四個喜宴, 亦是全年最期待的喜宴, 因為新郎哥玩得, 而且 MC、伴郎和兄弟團都是相熟的 hallmates, 一定好好玩!!!

第一次買銀行禮卷做賀禮, 張賀咭仲俾我劃到花哂添...

What's Going On...?

06 年至愛專輯, 特別鍾情《富士山下》和《不如不見》。Eason 唱得淡淡然的, 比那些還在標榜震音和假音的男歌手們, Eason 的聲線動聽百倍...

另外, 林夕似乎很偏心, 寫給 Eason 的詞好像寫得特別好, 短短百多字便道出一個無奈故事 -

頭沾濕　無可避免　倫敦總依戀雨點
乘早機　忍耐著呵欠　完全為見你一面

尋得到　塵封小店　回不到相戀那天
靈氣大概早被污染　誰為了生活不變

越渴望見面然後發現　中間隔著那十年
我想見的笑臉　只有懷念　不懂　怎去再聊天

像我在往日還未抽煙　不知你怎麼變遷
似等了一百年　忽爾明白　即使再見面　成熟地表演
不如不見

湊巧

早上還在跟 BB 說很久沒有標 news, 下晝便收到標來電。

再來一次 "生日快樂", timing 錯哂...

X'mas is coming!!

已經安排好 23/12 ~ 25/12 的慶祝活動, 希望:

23 號抽到份比較正常的聖誕禮物;
平安夜有個 well-planned 路線圖;
聖誕節不要刮大風...

P.S. 為了迎接至愛節日的來臨, 特地為我個 fotop album 換上聖誕新裝, 好有氣氛啊!!

英倫手信

好嘢~ 好嘢~ 收到非常喜愛的 Harrods 薑餅作手信!!!

煙煙韌韌的薑粒配厚厚曲奇, 甜度適中, 連一向不愛曲奇的我, 吃第一口已迷上這味道。

還未捨得開封, 待天氣再冷一點點, 便會泡杯紅茶慢慢品嚐...

My 5th 蟹宴

週日遠赴老闆家出席十人大閘蟹宴, 總共買了四十一隻蟹, 隻隻 over 七両重, 盛惠五千六百大元。

正坐在飯廳準備開餐之際, 赫然得知原來當日正是老闆生日, 一眾同事兩手空空的, 場面有點兒尷尬, 老板娘應該早點通知我們嘛!!

雖然感冒未癒, 依然拼了命食四隻大閘蟹, 喝了花膠雞湯, 還吃了古古力慕士和芝士蛋糕, 頓時病情惡化...

ill ill ill...

潤醫生唔多掂, 食完兩日藥依然痰多重感冒。

但唔幫襯潤醫生, 難道要幫襯出名咸濕的彬醫生麼!?

邪門

自從跟 admin 同事講咗句 :「我哋好似好耐無請 sick leave 啦...」, 之後就病咗兩次。

真係唔好亂講嘢呀...

病倒

今早醒來, 依然發燒喉痛鼻塞痰多, 最後還是要睇醫生。

傷風、退燒、氣管藥、咳藥水加五天劑量的抗生素, 除了令人混混沌沌外, 氣管藥還會令人心跳加速和手震, 真的很怕很怕食藥。

年多沒看醫生, 原來水銀探熱針已被紅外線探熱針取代; 梳 bar-code hairstyle 的醫生連僅存的 bar-code 也保不住了...

誣衊

即使飲大咗, 我都可以保持清醒, 絕對不會打電話臭罵人!!!

我 deny!!!

賀壽@夏雪

昨晚補祝 44 生日, 放工後趕至旺角買禮物, 20 分鐘內完成任務兼攞埋位食飯, very efficient!! 買了皮帶 + 銀包, 選了個跟自己銀包差不多款式的, 一黑一白, 別誤會, 絕對無意玩 "情侶銀包"。

晚飯地點選了 "夏雪", 卷物類非常美味, 但忍口沒吃天婦羅和炸物, 眼巴巴看著友人大吃大喝, 真掃興!!

最後還是抵不住橫丁和 Keith 的誘惑, order 了一杯冰凍的士多啤利梳打, 還嚐了兩口 cocktails。今朝醒來, 喉痛兼狂咳... 苦耶~

身子弱

年尾身子弱, 行完山又作感冒, 喉嚨劇痛, 沒法安睡...

吃了特效消炎藥, 喉痛舒緩了, 但開始有幾聲咳。噢, 我不要病啊!!!

秘密

又多一個要守著的秘密。

真是太巧合了...

元朗遊

一行六人, 興致勃勃的由良景邨出發, 行至下白泥看日落。可惜厚雲密佈, 太陽沒有露面便日落西山...

BB 沒跟我們一起晚飯, 決定回家大魚大肉, 不愧是下流之女!! 其餘五人到流浮山晚飯, 雞牛魷魚統統缺貨, 只好點海鮮和蔬菜類, 兩隻大瀨屎蝦, 盛惠 $300 個大洋, 被斬到一頸血。

心頭好

放工後到朗豪坊 shopping, 一心要買銀包和手挽袋, 可惜各大牌子的銀包款色依舊悶蛋。沒可能空手而回吧, 轉而逛新都會廣場, 希望覓得心頭好。

結果, 買了跟我的 Salad 白色鹿仔手機套同系列的銀包, 本人認為 30 歲前還可以裝 cutie, 便決定放棄 lady 的 Anna Sui。

還買了一早睇中的 Salad 手挽喱士袋 (又係 Salad...), 八折時忍手沒買, 現在減至半價, 真的好想在店舖內舞蹈起來喲~

CPR

今堂終於學 CPR 了, 練習前忘了抺去咀上的 lip gloss, 搞到假人塊臉閃令令。

CPR 比想像中難得多, 個口要擘到最大先包得住假人個咀; 搓了 30 下已手心冒汗, 筋疲力竭, 考試時最少要搓 150 下, 對於我們這些軟手軟腳的女生, 好 harsh 啫...

Thai Simple Kitchen

今年第八餐賀壽飯, 感謝茶少在趕緊張羅婚事之餘, 亦不忘安排飯局。

起初以為去 Simply Thai, 原來是 Thai Simple Kitchen。這家食店的環境非常好, 一半室內, 一半露天。室內有靚靚裝修和泰人 live band; 露天位置有森林 feel, 還有廚師即點即烤各類食物。

除了甜品和冬蔭功湯外, 咸點樣樣美味, 特別喜愛 "皮蛋釀蝦餅", 鮮甜脆蝦餅包著溏心皮蛋, 美味之極。

靚裝加美食, 難怪晚晚爆場。

上東莞記

昨天有大客驗廠, 但老闆不在港, 唯有單拖上東莞虎門。

朝早六點三起床, 天未亮便出門。乘小巴往沙田火車站, 登上往羅湖火車, 再搭大巴往虎門, 站在龍蛇混雜的黃河服裝城等司機接送到工廠, 幾經轉折, 十點才到達。

無無謂謂的跟個法國客人遊工廠, 那些夾雜法文口音的英語, 難聽之極。巡完一圈食過午飯, 才不過兩點, 便準備回港了。

回程時, 同樣有司機護送到客運站, 但今次竟乘摩托車!!! 頭頂沒頭盔, 長髮散亂; 左手護住手袋, 右手扶住車尾條鐵, 真狼狽!!

沒秩序可言的交通, 車輛左穿右插, 明明已經開得好快, 尾隨的私家車還要死命响按!! 短短十分鐘的車程, 也真夠難受...

蟹宴again & again...

今年第四 round 蟹宴, 兩星期內 total 食咗八隻大閘蟹落肚, 唔駛做 body check, 都知一定膽固醇偏高啦。

一年一次, 別管這些掃興事吧...

墨攻

影評毀譽參半, 結果是比預期中好。

沒有宏偉宮殿、華衣美服, 但有緊湊情節和精彩演繹。除了革離, 最令人印象深刻的角色是巷將軍, 雖然是敵軍首領, 卻正直豪邁, 充分表現出大將軍的氣魄, 更突顯出梁王昏庸無能。

這是繼《十面埋伏》後, 最喜愛的大製作古裝片。

莊友賀壽

看完死亡筆記, 走到奧海城外, 跟那棵年年老模樣的巨型聖誕樹合照。好端端的一棵聖誕樹, 中間掛了個 "Sino Group", 真礙眼...

晚上到 Tivoli 吃賀壽飯, 明明是意大利餐廳, 但我們竟然點了 "菠蘿炒飯"!! 那個羅宋湯, 味道還比不上茶餐廳的出品。

之前都有幫襯過這家餐廳, 味道好像不是那麼差的...

松山研一

一早知道 "L" 就是 《NaNa》裡的鼓手真一, 但萬萬估唔到原來《一公升眼淚》裡的河本學長都係 "L"!!!

三個截然不同的角色都演得好有型呀呀呀!!!

The Last Name

上映了三星期才進戲院看《死亡筆記2》, 影評一致向好, 果然沒有令人失望。

故事情節比漫畫更緊湊, 漫畫後半部的情節和人物差不多全被刪去, L 由頭帶到尾, 結局亦改得巧妙, 好睇!!

雖然好睇, 但中段還是小睡了一陣子, 由高田清美接手雷姆本筆記開始瞓, 到高田衝入電視台才睡醒, 幸好有看漫畫, 不然應該會看不明白...

歷奇MBA

赴美三個月的歷奇提前回港了, 即時相約聚會。說說笑笑至深夜一點, 大家都露出疲態, 呵欠頻頻; 但歷奇依然滔滔不絕其赴美生活, 好明顯仲係 jet-lagged。

相信歷奇真的很 proud of 自己的學歷, 否則不會在 email address 中加上 MBA 這個銜頭...

蟹lunch + GDMJ

週六放工後到同事家食大閘蟹, 選了兩乸一公作 lunch。雖說這個時段的蟹公比較羔香肥美, 但真的不愛那些又黏又糊口的白色蟹羔, 口感超核突, 還是比較喜歡吃蟹乸的黃羔。

Lunch後竹戰了八圈 GDMJ, 再次成為大輸家, 足足輸了成斤大閘蟹, 真肉痛...

2006 birthday gifts

驚喜

真的是驚喜浪接浪, 竟然收到一本未必用得著的 Lonely Planet 和粉紅公主喱士內衣!!! 我下次唔敢玩 surprise 嘞~

熱烈推舉 BB 以後負責所有人的生日禮物, 大家都要感受下收到 BB 挑的禮物的喜悅!!

婚宴 again

昨晚又出席婚宴, 新娘是舊公司同事, 新郎是 PTU。

很久沒參加過這麼熱鬧的婚宴, 賓客和新郎哥都異當亢奮, 成班 PTU 無啦啦以非常雄厚的聲線, 振臂高呼: "百年好合, 永結同心", 型喎!!

正在上炸子雞之際, 司儀突然話新郎哥好想高歌一曲, 新郎就攞起咪唱 "你的名字我的姓氏", 雖然走音兼甩咀, 依然掌聲如雷。新郎唱完, 有位呀叔無啦啦走上台話要代新娘高歌一曲贈予新郎哥, 呢位呀叔於是又再唱多次 "你的名字我的姓氏", 真攞命!!

今次的婚宴小禮物是一件印上日落圖畫的 tee, 這幅畫是新郎哥送給新娘子的第一份情人節禮物, so sweet~

相比起上週日的文華拘謹婚宴, 昨晚氣氛熱鬧得多...

扯平

今早, 怒氣全消。

嬲怒

昨天心情明明非常歡快的, 就是為了一句話 (即使是無心之失), 心情跌落谷底...

一覺睡醒, 依舊氣結。

My Big Day

正日生日, 例必不上班, 夜晚相約了 KM 和菇菇到天后慶祝。

晚飯地點是位於清風街, 富有歐陸色彩的 Poppy Restaurant。環境和食物都一流, 但服務差勁, 穿上格仔圍裙的店員, 個個木口木面, 仲夠膽死咀藐藐添, 真過份!!!

三人各自選了心水甜品, 我點的 Ginger Cake 竟然係伴橙汁!!! 有無搞錯!? Ginger 同 Orange 點都扯唔埋啩!?

P.S. 圖中是其中一份生日禮物 - GuGu, 佢啲手手腳腳可以扭, 對孖潤腸仲可以拆出嚟, 好好玩架!!!

面目全非

看了某中學同學的婚宴照片, 見到很多熟識的面孔...

真的是步入中年嗎? 大部份男生都發福了, 而且髮線上移, 真唏噓...

SMS

今年收到的第一個祝壽 SMS, 竟然係 "佢" send 來的, 十萬個 surprise 呀!!!

Birthday Eve

生日前夕, 舉家盛裝出席表姐的婚宴, 以為文華東方酒店的婚宴大堂必定瑰麗堂皇, 原來不外如是。

除了例牌的 "成長 slideshow" 外, 一對新人還拍了一段十多分鐘的 "the making of + 婚後狂想曲" 短片, 超強表演慾, 有點兒受不了...

新口味

Da Dolce Gelato 又有新口味, 第一啖食唔出係咩, 只覺得陣味好熟, 第二啖食出有焦糖味... 噢, 我知道啦!!

係爆谷味!!! 好 creative 喎!!!

Happy Nite

今晚橫丁帶路到亞士厘道的 Gaylord 吃印度菜, 環境和氣氛都不俗, 但食少少已經覺得好滯, 所以一向不太愛印度菜。

謝謝那副含自創口號的五合一旅行賭博工具和非常 cutie 的手機袋, 襯哂我部白色 T630。

當然, 還要感激橫丁專程到信和與一眾青春少艾爭買明星相; 少女在買 Rain & Seven 的照片之際, 有位呀姨正努力找劉華的照片。來來來, 別難為情, 我們一起唱: 喜歡我, 別遮面, 任由途人發現...

笨事

昨天上急救課, 又發生了一件笨事...

我們正練習各類骨折的包紮方法, 包紮完成後, 導師走過來檢查 -

導師 : 你呢個包紮方法用响咩類型骨折?
SK　: (唔識答, 唯有默不作聲...)
笨人 : (自動請纓) 胸部凹陷!!
導師 : (呆了兩秒, 忍住唔笑) 應該係 "胸部陷傷"...

我們倆當場笑到收唔到聲, 難得外表正直的導師忍得住唔笑, 但臉上好明顯出現黑色間間...

患上胸部凹陷, 你真可憐啊~

金

表姐後天擺酒, 媽媽從保險箱取了很多金飾回家, 挑了一套估價 $5000 的頸鏈連手鏈的金飾作賀禮。

昨天拿去金舖打價, 估唔到這套金飾重両半, 金價 over $10,000!!! 太厚禮吧!!! 原來單送手鏈已經夠哂體面。

都說我們這家人對金錢的觀念很弱...

無所事事

老闆和韓人這個星期出 trip 去了, 這幾天呆在公司沒事做, 好鬼悶啊!!

蟹宴

又是一年一度的 LCH 大閘蟹夜晏, 今年選了 "上樓"。

$32 一隻的大閘蟹質素不俗, 每人點了兩隻; 其他小菜點心也非常美味, 開埋一支超啃花雕酒, 六人埋單 $800, 好抵喎!!

全晚敗北之作, 乃食蟹必備的香醋和薑茶; 前者無味, 後者太甜, 可惜可惜...

P.S. 今晚終於識得點撩走個蟹心啦~

凱西壞心情

我上鏡呀!!

傍晚六時多, 茶少來電告知我剛剛上鏡, 還以為是上星期行 Orbis 慈善行時被攝入鏡, 估都估唔到原來係我幅玉照亮相亞記的宗教節目《星火飛騰》。

原來今集的主角是和我歐遊的 hallmate, TK 年前患上罕見的遺傳病 Wilson Disease, 他在節目中分享如何與主對抗病魔的經歷, 仲分享患病前的相片, 其中一張就是我和他的合照...

幸好 2/12 半夜 1:40am 重播, 一定唔會再錯過。

預祝

從未試過提早十多天慶祝生日, 有點兒感到意外。

今年的第一份禮物是 Swarovski 頸鏈, 好閃啊~

禮物

今年愛 surprise, 自己諗啦~

患上重感冒

只不過捱一晚通宵便病倒...

前晚吃了一粒令人神智不清的 piriton, 翌日起床依然迷迷矇矇, 決定請半日假繼續瞓。中午回到公司, 電腦還未開, 老闆便召我入房, 又問埋一啲無鬼謂的 Excel 和 Skype 的設定問題, 真氣結!!

有點兒後悔沒有豪多半日假俾公司...

盲俠行

終於到了 Orbis 慈善步行的日子, 中午回家小休了一小時, 便出發到灣仔會合其他組員到偏僻的 "囍囍" 晚飯。

十時多到達集合地點, 呆等了個多小時才起步, 大家未出發, 先眼瞓。正如菇菇呀姐所言, 是次活動的安排欠佳, 既超額, 又無封路。沿途大部份路線景觀欠奉, 只有中段往 QM 和尾段到淺水灣的景觀較佳。

如我們所料, BB 全程 keep 住亢奮狀態; 翌日六點半到達終點後, 大家都筋疲力竭, BB 還堅持獨自留在淺水灣, 精力太旺盛吧!!

行畢 20km, 多了一對超黑熊貓眼和兩條發軟蹄的腿。睡至中午三時半, 醒來後有少少發燒、鼻水長流、喉嚨劇痛... 弱 BB 之極!!

記得 KM 中途問我 :「你估我哋十年後仲捱唔捱得住呢類活動?」噢, 我依家已經涯唔住啦...

滇

下課後, 走到位於太子的 "川居" 吃米線, 大家又在爭論這個 "滇" 字的讀音, 我堅持讀 "田" 音, 但菇菇卻不敢苟同。問問 "東東讀音小字典" 吧 -

太平天國

昨晚又上了一堂非常有趣的急救課, 今堂玩包頭, 每個學員都要利用三角巾包 "太平天國頭", 一路包一路忍唔住爆笑, 這樣難得的搞笑場面, 當然要拍照留念啦。

其實, 遇上血流披面的傷者, 若果仲同佢玩 "太平天國頭", 只會死得更快...

碌冧

前晚和舊同事到雅蘭的 "Nuoc Mam" 晚飯, 她們三人一致認為食物美味, 唯獨是極度討厭以水果入饌的我, 覺得大部份菜式都非常難吃...

先說說那個蛋花魚湯, 味道怪怪的, 撩吓個碗底, 竟然發現有楊桃絲, 何其騎呢!!! 那個烤墨魚, 賣相唔錯, 以為會非常鮮味, 入口竟有極濃的青檸味, 為何不正正經經的烤呢!? 還有烤鴨胸, 配上可怕的橘子汁, 擺明 ignore 我啫!!

除了食物, 店內的特飲有 over 80% 是 "柚子 XXX", 或 "橘子 XXX", 很不容易才點了一杯諗住一定唔會出事的 "越南薑"。上枱後, 發現這杯 "越南薑" 竟然活像一杯西柚汁, 點解要趕絕我!?

全晚吃得最安心的, 只有咖喱雞和芒果黑糯米...

CC's gf

今早收到 CC 的 msg, 內容是想我幫忙打電話給其女友, 叫女友馬上同佢 msn, 此 request 都相當妙...

更妙不可言的是, 一心諗住要打長途到韓國找 Queenim, 點知其女友原來身在香港, 名叫 Annie... (嘩, 幾時由韓女變港女架!?)

電話接通, 此女子明顯在熟睡狀態, 以不太禮貌的語氣追問我是何許人, 當清楚我的身份和來電因由後, 態度即時來個 180 度轉變, 真係好想醒佢一句 :「Online 啦, 八婆!!」

新玩意

最近的新玩意, 是自製手機主題, 已經整了 5 個用於 T630 的 theme。最滿意是這個 :

老天聚會

昨晚是 "老天有眼" 成員第一次聚會, 一行八人去了 Comma Cafe 玩 Uno, 除了我、BB 和莎拉, 其他人的反應都很遲鈍啊, 呵呵呵...

玩完 Uno 玩 "心臟病", 最後只剩下我、BB & Chi 玩 Spelldown 至半夜兩點, 好耐無試過咁費神了...

台北遊記

我的台北遊記, 終於大功告成!! Yeah~

First Aid

今晚到非常唔就腳的九龍醫院上第一堂急救課程, 翻開 St. John 的急救手冊, 揭揭吓, 菇菇發現有個示範員的照片非常面善, 懷疑係其中一個 HF 同學的哥哥, 即刻揭去最後頁的 list 對人名, 真係佢呀!!

三個鐘頭的課程, 頭兩個鐘齋講書, 恰哂眼瞓 (仲要懶醒咁坐第一行); 最後一個鐘學三角巾包紮, 好好玩呀!! 不斷非禮我個 partner, 玩到落堂都唔捨得走...

大閘蟹宴

今晚和家人去了 "海天" 晚飯, 點了一個大閘蟹四人餐, 全包連加一只需 $520, 美味又抵食, 而且仲招呼殷勤添。

可惜每人只得一隻大閘蟹, 真係唔夠喉喎!!

給自己的明信片

來自天燈故鄉的祝福, 七天便收到了...

男女別管

遊台期間, 看了一個有點色情, 又有點胡鬧的搞笑節目 -《男女別管》。明明很睏, 但依然看到半夜三點幾才肯熄電視, 我和菇菇都睇到 V 嘩鬼叫。

這幾天, 忍不住上台灣雅虎尋找此節目的資料, 當然還要起 "潘若迪" 的底身啦...

Morning Call

一大清早便收到標來電, 萬料不到劈頭第一句竟然是 :「生日快樂!!」吓!? 錯哂喎!! 錯哂喎!!

標叔, 你真係妙到暈呀...

婚宴

臨近年尾, 特別多婚宴。台慶夜有表姐在文華東方的豪華婚宴, 22/11 有舊同事補擺喜酒, 還有 16/12 熱切期待的茶少喜宴。

要儲錢做人情了...

兒童不宜

回港後的第一個晚上, 去了伊館睇黃子華的最後一場棟篤笑《兒童不宜》。

未開場, 先驚嚇。在入場位置見到 LCH 漁夫, 立刻施展盲女神功, 咩都睇唔到...

上半 part 非常精彩, 無無聊聊但又串連得幾好, 完全道出打工仔心態, 笑到我流哂眼水。

下半 part 的最後一段明顯不夠流暢 (據黃子華所言, 這段是第一次演講), 連佢自己都講講吓忍唔住笑。

總的來說, 個 show 令人睇得好開心, 值回票價。

台北遊

第一次和菇菇外遊, 大家都一樣無聊白痴, 還以為自己去錯機場, 乜原來桃園國際機場 = 台北中正機場!!! 嚇鬼死人啦!!!

出發前還怕倒扁活動會影響台北市交通, 結果風平浪靜, 平安無事。除了在台北市吃喝逛書店外, 大部份時間都花在台北近郊, 最喜歡的地方是菁桐和十分, 兩日一夜的鐵路之旅真的很捧!!

多得台人 Pelly 帶路, 嚐了很多地道美食, 還駕車夜遊台北市, 感激不盡。還有照顧周到的東京民宿黃小姐、親切的泰雅媳婦、泰雅囡囡、汕頭爺爺...

這個星期要埋首整理遊記和相簿了。

返來

台北之旅完結, 在這六日裡走了很多路, 吃了很多美食, 耗了大量 energy...

旅伴病倒了, 真是弱 BB。我們被蚊子叮了很多口, 不會是登革熱吧!?

出發

搞完一大輪, 最後還是決定拖喼。今次玩捲衫, 慳位得嚟啲衫又唔會皺, 妙法妙法...

明早要六點起身, 是時候睡了...

放假啦

今早是放大假前的最後一個工作天, 急於把手頭上的工作 hand over 給同事, 忙得要命...

零食和燒焊太陽帽都準備好了, 明天就執拾行李, 好興奮呀~~~

Birthday Girls

跟兩個同年同月同日出世的 birthday girls 慶祝, 帶她們去了我喜愛的 Al Dente。可惜有人唔記得帶 SD 咭, 無得影相...

今晚點的前菜和 pizza 都不太合胃口, 受不了那些意式風乾肉片和乳酪粒粒。全晚的精髓必定是 "Mixed Berry Crumble", 很高興大家都喜歡這個甜品, 男孩子係唔會明有幾好味架啦!!

Book 位時已跟 manager 說了有兩個 birthday girls, 估唔到竟然會有 free drinks, 可惜 free 的是 fruit punch 類飲品, 無福消受...

送了 "Baikinman" schedule book 給 KM, 還 mark 低了幾個特別日子, 突然發現, 我竟然 mark 錯對方的生日日子, 真丟臉!!!

口號

某某無聊人提議我到台北時, 要混入倒扁群眾大叫 :「我愛劉德華!!」

但我還是比較喜歡大叫 :「巧克力! 巧克力! 你是我的巧克力!!」

蒲頭

久未聯絡的人, 這幾天統統蒲頭, 幹麼? 夾埋架?

沒見一段日子, 真係連樣都唔認得喎 (是有意忘掉的吧...)。

台食

台北美食似乎真的很受歡迎, 各路好友都有所求 -

橫丁 : 鳳梨酥
Keith : 義美蜂蜜蛋糕
44 : 老天祿鴨舌
PP : 烏來麻辣鐵蛋
前同事 J : 九份 "蕃薯芋仔" 茶餅 (未試過呢樣, 我都好有興趣)

好的好的, 我會盡量滿足大家架啦~~

老土韓人

公司新來的韓人真係好鬼死老土呀呀呀!!!!!!!!!!

話說我幫緊呢間把鬼公司申請環保證明書, 韓人一路催我, 隔日又問申請成點, 查實我欠其中一份資料, 份資料要老闆俾我, 但成兩個禮拜老闆都俾唔到我喎...

我已經同韓人講咗我申請緊, 但韓人好似唔信我咁, 還 send email 俾我, CC 俾我老闆, instruct 我點樣 apply 張 cert, 但我一早已經做哂所有嘢!!! 家陣係咪玩嘢先!?

哼, 我一定會同老闆告狀!!! 仲決定請多一日假, 24 號先返工, 以示我的不滿...

繼續賀壽

星期日又是賀壽 BBQ, 出發去大尾篤前, 先到沙田買 Sinomax 枕頭 & 枕套; 袋裡還藏著用 Hello Kitty 和菓子盒包裝好的 29 條 "媽媽腸"。

全場只得我一個唔識踩單車, 好彩 MY 陪我放風箏, 但被 "飛雲號" 挑釁, 還被誤會是不中用的 "Doraemon", 忍不住回了那個豆釘一句 : 喂, 我隻風箏飛到好高吓喎...

六點鐘到達人氣鼎盛的 "大尾篤燒烤王", 炭靚火猛, 燒了兩個鐘已差不多掃清枱上食物。

食飽飽當然又是送禮環節, 今次還加插了煙火效果和人浪表演, 很精彩吧!!

追月夜

難得正日跟莊友 G 賀壽, 即使山長水遠, 都堅持要運個蛋糕上大帽山。

除了蛋糕, 還特地帶了五個燈籠裝飾一番, 真要讚揚一下莊友 B, 裝備齊全, 大光燈、電筒、火機、萬用刀、連繩都有, 只欠 "S" 勾...

第一次模黑 BBQ, 一啲都唔好玩, 唔知食咗幾多炭灰落肚呢!?

中秋佳節

早兩年的中秋都在內地渡過, 今年是第一年在這間把鬼拉鍊公司過八月十五。中午飲茶至兩點半, 回到公司坐多個零鐘, 四點鐘就收工, 真好~~

夜晚沒有外出耍樂, 乖乖的留在家中做節和打牌, 沒心機打廣東牌, 結果成了大輸家。

倉頡的奧妙

來來來, 今日教大家打個 "揸" 字, 倉頡碼是 : 手木月一。

我都唔知點解會係 "月" 碼, 總之以後唔好再打木字邊個 "楂" 啦...

老天有眼

終於組成十人隊伍參加 Orbis 慈善行, 但欠了一個隊名, 經過幾日來的 email 討論, 候選隊名包括 WC 的 "老天有眼", 隊長莎拉的 "眼在心" 和 KM 的 "有眼無豬"。

KT 提議用投票方式選出隊名, 結果是 "老天有眼" 取得三票, 大熱勝出, 恭喜恭喜!!!

雖則 "有眼無豬" 都相當妙, 但還是對 "老天有眼" 情有獨鍾, 當初見到這個隊名時, 感覺真的非常震撼啊!!!

荀工

非常羨慕客人 N 找到份荀工, 五日工, 返朝九晚五, 而且人工仲唔錯添...

我都好想豁出去, 但最快也等到出年吧...

屈服

因為上一次的不愉快經歷, 說過以後不幫襯 "金潮小廚" 的, 但實在諗唔到葵青一帶有甚麼風味小店, 最後還是屈服了...

等了半個鐘頭才有位, 一張圓枱安置了三個 party, 家陣擠迫戶咩!?

兩個人點了胡椒蜆煲、避風塘炒鱔、黃金蝦和田雞粥 (堅持唔點菜類), 埋單只需 $175, 全部都非常惹味, 尤其是避風塘炒鱔, 連一向不愛魚類的我都覺得好好味。

下次要試試避風塘炒蟹同花甲蜆粥...

國慶日

國慶日和家人去了南丫島, 兩年幾無踏足此地, 除了串燒檔搬了去對面舖外, 此島並沒有甚麼大分別。

假日關係, 街道和海灘都擠滿遊人, 小攤檔也比平日多。三個加埋過百歲的人, 學人响海邊玩跳浪, 又唔帶衫換, 結果當然是濕淋淋地去食晚飯啦。

8:30pm 回程, 忘了當晚有煙花匯演, 去到碼頭才發現 8-10pm 無船出中環, 因為不想滯留在碼頭, 迫於無奈下, 搭了隻細船去香港仔, 搖搖晃晃的, 真難受...

請迅回

大家是否都忙著倒扁? 等了好幾天都還未收到台人的回覆...

上癊

一星期去兩次板前, 情況比以前迷上 "壽司亭" 更可怕。

臨走前還碰上橫丁和 Keith, 剛好正入座我們的座位, 其實一早食飽, 只是賴死唔走罷了...

Chococat

久聞 "阿貓地攤" 的大名, 得知海防道開了新分店, KM 又大力推介, 於是相約到此樓上 cafe 開旅行會議。

甫開門便聽到喵叫聲, 幾隻貓咪到處走來走去, 有些則懶洋洋的伏在梳化上, 店內還有一隻 king size 的加菲貓公仔和無數貓貓裝飾品, 甜品都畫上 cutie 貓樣, 愛貓之人非去不可。

今晚終於 firm 了行程和住宿, 抵不住 "愛順甜蜜套房" 的誘惑, 最終還是決定放棄 "河童屋" 了...

Ending

兩套一直追看的劇集都在今晚播大結局 -

Desperate Housewives : 估唔到四個靚太都是 sad ending, 到底呀 Paul 係咪死咗??? 播完 DH (II), 又輪到 Lip/Tuck (III), Pearl 逢星期四播的劇集特別好睇。

棟篤神探 : 又係 sad ending。雖則係重播, 依然晚晚捱夜追看, total 25 集只係 miss 咗兩集, 真神心。明天起, 可以早點睡覺了...

破紀綠

今晚又去板前食壽司, 兩個人食了四人份量, 22 碟壽司 + 一大碗湯, 埋單四百幾蚊, 癲架!!

連平時一定唔會 order 的蟹柳壽司 & 牛奶蝦湯都試埋, 兩樣都出奇地好味喎...

Super Lucky

MJ 後回家, 入屋後發現 818 成員好像很亢奮, 原來半個鐘前接了咪咪的電話 -

咪咪 : 中咗, 中咗呀, 媽媽中咗六合彩呀!!
五姐 : (冷淡地) 係咩, 中咗幾錢呀?
咪咪 : 中咗三千幾萬呀!!!
五姐 : (明知無人中頭獎) 係呀, 咁你媽媽聽日仲駛唔駛返工吖?
咪咪 : 要...
五姐 : 我唔得閒呀, 你叫你媽媽嚟聽啦...
咪咪 : (失望地) 哦...

二姐之後接過電話, 實情係中了三獎, 彩金三萬幾。雖然並非中了三千幾萬, 但已夠全家人歡天喜地一整晚。

局

差不多四個月無來 TWMJ, 大家的牌術都好像生疏了, 計番又慢, 花了兩個半鐘才打完四圈。今局我和輸小姐吐氣揚眉, MY 成了大輸家, 真後悔沒有堅持打 $1/番。

開局前, 和 MY 去了 "鍋貼大王" 充飢, 冷不防在這種地方都有大嬸搭訕, 家陣我哋個樣係咪真係咁蠢先!?

被 MY trap 了, 不得不承認, 此女子真是個言行得體的老實人...

還債

最後一期的 grant loan 亦已找數, 負債的日子終於結束, yeah~~

轉眼間已畢業五年, 真的是時間飛逝...

LCD TV

等待了多時的 Samsung 32" LCD 電視終於送貨, 其實之前部畫王都係 32", 但現在 16:9 寬螢幕, 又真係好睇好多喎。

電視機頂再無位放相架、放飾物, 點安置佢哋好呢?

赤柱遊

週六下晝去了久未踏足的赤柱, 原先打算到 Wildfire 食 dessert buffet, 但實在太餓, 好想食咸點, 最後幫襯了對面 King Ludwig Beerhall 的 tea buffet。

來了 2 round 咸點 + 半碟海鮮長通粉 + 1 round 甜點, 飽到不得了都只不過 $90, 好抵!! 圖中的果凍略帶酒味, 清清甜甜的, 是全場最令人驚喜的甜品。

飯後頂著飽滯的肚子, 散步到軍人墳場, 雖說這個墳場一點恐怖氣氛也沒有, 但還是入黑前離開比較好。之後順序途經聖士提反海灘、赤柱市集、赤柱正灘, 再折返美利樓, 每處地方都逗留了一陣子閒坐拍照, 好一個 relax 的週末...

回程時, 乘搭了 973 返尖沙咀, 赤柱至 HKU 的那段路, 九曲十三彎的, 再加上司機不濟的架駛技術, 令人頭暈兼想吐。

表揚

一心以為無得睇 "黃子華棟篤笑", MY 突來電告知有加場, 仲去緊買飛添, 梗係要搭單幫我買埋啦!!
Thanks Thanks Thanks...

政變

家人前日從曼谷返港, 不到 24 小時, 泰國無嗱嗱發生政變, 媽媽頻呼好彩可以安全回港。

據今日蘋果日報, "軍方將實施軍管戒嚴...。曼谷街頭一片肅殺, 在坦克群中, 是荷槍實彈的軍人。"

但根據 BBC News, Bangkok 19.09.2006 -

The soldiers posted around the city waved and smiled at people passing by, even posing with local people for photographs next to their tanks.

Supporters of the coup cheered, waving national flags and shouting "Thaksin out". Even local tourists joined in, treating the evening's events as an extra, unexpected photo opportunity.

"I found out about this when my parents rang and told me," said Danish tourist Jannick Bondrop. "They were worried for me, but I'm not afraid. To see this is a once in a lifetime opportunity."

若果我在場, 都有可能會衝出街同坦克車影相...

上當

很後悔接了個 "無法識別" 的電話, 接了, 就得幫人找咭數和手機月費, 很過份!!! (為何我不懂 say no!?)

人家效忠 HSBC 架嘛, 點會有渣打同中銀 A/C 喎, 煩死人啦~~~

Moonwalkers

早幾日, 莎拉 MSN 問有無興趣參加步行籌款, 一心以為講緊 5/11 的公益金百萬行, 一向對這團體沒甚好感, 所以未問詳情便斷言拒絕。

之後收到 email, 原來講緊 Orbis 的 Moonwalkers 2006, 身為奧比斯之友, 當然要踴躍參加。

非常滿意 KT 的私下分組安排, 希望真係可以搵齊八人組隊啦。

依然范特西

依然悅耳動聽, 但始終比不上五年前的《范特西》。

聽了 "菊花台", 才知道原來周杰倫都可以字正腔圓地唱歌, 有點兒唔慣...

太厚面皮吧!!

由於家人和總統府高官捲入連串貪污、受賄醜聞而受到下台壓力的總統陳水扁, 近日頻頻到地方視察, 以避開抗議聲浪, 早前更曾針對百萬人的靜坐回應說 :「不看電視報紙, 還是活得很快樂」。 --- 16.09.06 《蘋果日報》

到訪澎湖時, 澎湖縣長等地方四巨頭全部託辭缺席, 還有千名老百姓到場示威, 陳水扁致辭時的聲音都幾乎給「阿扁下台」的抗議聲所掩蓋, 但他反說 :「在過去的戒嚴時期, 有可能讓大家這樣嗎? 我們應該要珍惜, 對不對? 我們應該要感到欣慰跟驕傲才對」。--- 17.09.06 《蘋果日報》

************************************************************
遊台期間, 我一定不穿綠, 也盡量避免穿紅, 只希望倒扁行動快點結束, 別影響我的台北之旅!!!

夜宴

華衣美服、宏偉場景、動人歌聲、精湛演技... 樣樣都做足了, 又如何?

最大問題是故事薄弱, 而且節奏緩慢, 是教人有點兒失望的大電影。

一向不愛現實中的章子怡, 但不得不承認戲內的章子怡確實很有魅力, 除了葛優外, 其他角色統統給她比了下去, 周迅和吳彥祖亦淪為大配角。

P.S.: KT 口中的賣點 "吳彥祖肉搏周迅", 真的沒甚睇頭...

安心

起初還以為一定會無機位, 現在 E-ticket 到手, 放下心頭大石。

10:10 departure & 19:40 return, 個 flight schedule 靚到爆呀~~

Below $1400 就買到張 CX 來回台北機票, 真係好抵啊!!

思

睇完戲, 去了 Pacific Coffee 閒坐聊天。言談間, 啟發了兩個值得思考的問題 -

Q1: 畢咗業五年, 好歹也儲到啲積蓄, 10K, 50K, 100K, 200K or above?
Q2: 為何從未跟男友一起搭飛機旅行?

別耿耿於懷嘛...

Beyond the Sea

一早相約了 912 飯局, John 和 MY 竟然爽約, 糊裡糊塗地跟了 BB 睇《藉著歌聲說愛你》, 心想: 嘩, 個譯名咁爛, 唔慌好睇啦...

開場不到十分鐘, 已隱隱覺得不對勁, 男主角不型不帥, 童星老積得令人反感, 劇情老土, 節奏緩慢, 連主打的 "歌聲" 也不見得悅耳動聽... 忍不住經常睇錶, 呵欠頻頻, 渡過難捱的兩小時。

完場後, 以略帶仇視的目光盯著 BB, BB 連忙說:「唔... 套戲好能夠帶出當時嗰個年代嘅感覺...」「 但我唔屬於嗰個年代...」真氣結!!

誰說影藝放的都是好戲!!!

15/16

兩個 choice 都好吸引, 最遲聽日要 confirm, 點算好呢?

1) CX 機票 $1390 + 各地民宿
2) CI 機票 + 三晚三星酒店 package $1900

本人稍稍 prefer option 1 (住民宿的 backpacker 好似型啲啲), 到底我個旅伴想點呢??

瘋狂的石頭

終於看了一致好評的《瘋狂的石頭》, 是我第一套捧場的 "Focus: First Cut" 電影。戲如其名, 劇情瘋狂好玩, 奪寶過程非常搞笑, 沒想到原來所有情節和人物都互相關連, 是一套令人會心微笑的黑色荒誕驚險喜劇。

此片宣傳不足, 而且只得四間戲院播放, 相信有不少人都錯過這套好戲 (有好多人根本無聽過呢套戲添), 可惜可惜...

賀壽圖

五歲半小孩畫的賀壽圖, 蠻可愛吧!!

Planning

週六的早上, 習慣不做公事, 是 search 旅遊資料的最好時間。

從 Yahoo 旅遊網到 Yahoo 討論區, 再結連到 "河童姐姐的部落格", 最後還發了 email 給河童姐姐, 對這個 "河童屋" 很感興趣, 住民宿也是一個不錯的選擇。

一向樂於 plan 行程、找資料, 因為這也是一種旅遊樂趣...

Crazy Party

其實不太喜愛遊船河, 還要指明 dress code 是 bikini, 家陣選美咩!!!

祝 BB 玩得開心...

滯

是誰的鬼主意要幫襯巴西燒烤?? 吃了兩三件肉類已有七成飽, 即使平日多肉少菜的我都覺得很滯, 見到條十吋長的香腸就想反胃...

看來此食店經已風光不再, 只坐滿三成坐位, 場面冷冷清清的。

先苦後甜

上晝在公司忙個團團轉, 連 lunch 都無食就趕上深圳見客。

和客人在深圳飲完茶, 再邊食 tea 邊談公事, 真 relax。四點半過關返香港, 老闆吩咐不用回公司, 結果提早收工, 五點九已經安坐家中, 爽!!!

Share the happiness

噚晚是三小花的妙事分享會, 特地準備了小賀禮, 但似乎不被欣賞, 非常失望...

希望 BB 的出書計劃不要泡湯, 因為真的好想寫序。

(sorry, 諗諗吓我都係唔夠薑 post 個 "影射版" preface...)

秋季旅行

今年三小花沒有結伴旅行, 各自找旅伴在秋季出發, 可以互相交換手信, 也不錯。

定了時間和目的地, 只欠旅遊路線, 多得橫丁的寶貴意見, 決定捨平溪、遊十份。只有一個多月, 要積極 plan 行程了。

四字頭

原先打算擺兩圍, 為大姐舉行一個盛大生日會, 但主人家最終決定低調慶祝其四十大壽。

又係打牌、外賣壽司和切蛋糕; 踏入四字頭, 好應該大肆慶祝嘛...

擔心

聽完 KM 的醫學資料, 口中雖說沒大礙, 但還是有點兒擔心二姐。

無錯, 9 號仔有時候也會變成驚弓之鳥...

血壓低

估唔到面色紅潤、無病無暈的我, 上下壓都偏低, 上壓更低於 100。是時候進補了...

夜談

難得心情好, 沒有扮忙或扮講緊電話, 和 PK 談了一個夜晚。

偶爾作個無謂詳談也沒相干...

Uncle Golden

晚飯後 join 了新婚 John 和 BB 飲嘢, 驚聞 Dr Fang 不為人知的真面目, 真係睇唔出喎!!

一齊疑團已經解開, 原來我哋一早 out of age range...

紀念日

噚晚慶祝 "MK & KM 相識 20 週年紀念日", 小學二年級便認識 KM, 雖然之後一直唔同班, 但感情仍然 keep 得好好, 非常難能可貴。

收到 KM 別出心裁的 "福" 字耳環, 沒有了 "示" 字旁的 "福", 驟眼看還以為是個 "囍" 字, 不會是象形文字吧!?

希望早日收到/打出 "報喜" 電話...

廣州相

過了兩個幾星期, 終於 upload 了廣州的相片, 好慢呀!!

下次一定會帶自家相機。

Burger King

Whopper : 1/4-pound of flame-broiled beef, ripe tomatoes, crisp lettuce, creamy mayo, ketchup, crunchy pickles, and onions on a toasted sesame seed bun.

Double Cheeseburger : more than a 1/4-pound of beef topped with two slices of melted American cheese, pickles, ketchup, mustard, and a toasted sesame seed bun.

(Yes, I bold the word "beef", hahaha...)

What I really want is Whopper!! Next time, I must try Double Whopper.

By the way, Triple Whopper is not available in HK stores, too bad...

山頂自由行

成個月無見 KM 和菇菇, 原先諗住去赤柱食 dessert buffet, 但夾唔到時間, 唯有退而求其次, 去山頂食 Burger King。

等纜車時, 發生了一件駭人事件, 話說我們三人被一群內地中女前後包圍, 在菇菇旁的中女咳了幾聲, 突然嘔吐大作, 中女竟然用手兜住米白色的嘔吐物, KM 連忙遞上紙巾, 菇菇亦送上紙袋一個, 中女竟然無意接住個紙袋, 只把手上的穢物丟入菇菇手持的紙袋, 大家都非常無奈... (心想: 唔好太過份喎, 唔係要幫你拎住呀嘛!?)

企在前排的同伴好像不知中女嘔吐, 還回頭問:「咦, 乜你多咗個紙袋嘅?」(感覺像: 乜你有買嘢咩, 做咩多咗袋嘢嘅!?) 中女若無其事, 還笑笑口回答:「係呀, 係佢哋俾我架...」三人呆著。中女把有餡的紙袋帶上纜車, 下車後, 明明有一大個垃圾筒在旁邊, 但中女還是手挽著吐嘔物, 難道留作紀念嗎??

告別了中女, 三人定過神來便開始扮遊客到處逛。與李小龍蠟像合照、買紀念品、還與眾旅客一齊呆等睇 "幻彩詠香江", 攰到腳軟。

遊山頂應該很高興, 但相機又壞了, 破壞美好心情。今次大件事, function ring 壞了, 更換零件要一個月, 慘...

結局

終於看完一套十二冊的《死亡筆記》, 其實下半部又不是大家所說那麼 "爛", 只是上半部太精彩罷了。結尾那個點子有些複雜 (幸好不算太牽強), 有幾頁要翻看再翻看才能搞明白。

有點衝動想從頭再睇一次。

支持

任性的計劃, 竟然得到大姐的鼎力支持, 做孻女真幸福...

黯然銷魂

時間: 約一星期前, 無線正播放《神鵰俠侶》
地點: 818
人物: MK, MF (不看武俠劇的五姐) & YY (四姐)

=======================================
YY: 咦, 楊過幾時會無咗隻右手?
MK: 差唔多架啦, 之後就會練成黯然銷魂掌
MF: (很疑惑地) 黯然銷魂掌?
YY & MK: 係呀...
MF: 咩呀, 乜唔係黯然銷魂雀咩?
MK: (爆笑中) 吓, 黯然銷魂掌係一門武功喎...
MF: 唔係啩, 指隻鷹呀嘛 (竟然還在堅持!!)
MK: 嗰隻其實係一隻鵰...

莫探員

歡快地使用新電腦之際, 突然聽見 "棟篤神探" 的主題曲。噢, 原來無線重播呢套我非常非常喜歡的劇集, 好嘢~~~

雖然仲記得大部份劇情, 依然覺得好好笑!!

新電腦

晚飯後, 立即趕回家迎接我的新電腦, 一路組件駁線, 一路忍唔住偷偷暗笑, 部機實在係太靚仔啦!!!

完成所有 setting 後, 成功登入 Windows 畫面的那一刻, 818 成員齊站在電腦前拍手叫好!! 告別了, 我的 20GB Pentium 3 舊腦 (比一部 i-pod 的容量還要少...)。

蝦米與平先生

噚晚在葵芳的 2%, 正準備入 fitting room 之際, 不遠處有人向我熱烈地揮手, 原來是穿了情侶裝的蝦米和平先生。男的發漲了些少, 依舊傻瓜低能; 女的感覺相當陌生, 很勉強才傾到一兩句...

到底, 是誰為她冠上這個下流的外號呢!? (不會是我吧?)

OMG

隱隱覺得我的 working holiday 快將終結...

真的嗎?

近排經常被問同一條問題 (最鍾意當然是莊友 A 的問法), 大家似乎 assume 了一個 positive 的答案...

對不起, 又叫各位失望, 呵呵呵...

Nice Night

歷奇即將遠赴美國讀書, 雖然只是離開幾個月, 都要出來 farewell 一番。

又幫襯 Al Dente, 比起前晚的 Fat Angelo 美味得多, 白酒也非常易入口, 美酒佳餚, 真歡欣。少有的單拖赴會, 又可能是酒精作怪, 好像第一次跟他們幾個談得如此暢快, 感覺挺好。

全晚高潮當然是米高送上小心意一份, 沒想到男人老狗都會如此感動, 大家都很可愛喲~~

BB & 莎拉

八月是忙於為好友慶祝生日的日子, 由月初至今已為六位好友賀壽, 前日的主角是 BB 和莎拉。

放工後頻頻撲撲買禮物和蛋糕, 完事後 WW 和我都筋疲力竭得要躺在 KT 家的大堂眠一眠, 真的累極了。

印象中記得 Fat Angelo 的食物是不錯的, 但原來錯了...

橫丁誕

雖然討厭 44 裝可憐的嘴臉, 但實在不想改期, 唯有委屈一下壽星女。

送禮物之餘亦有禮物收, 坦白說, 我比較喜歡 44 份手信, 呵呵呵...

善變

青島、大連和上海的展覽統統取消, 到底玩夠未!?

無 planning, 玩即興, 這樣的一個老闆, 唉...

謎

到底係用字不當定過份含蓄? 我真係唔明喎...

壞

家中的電腦無緣無故自動熄機, 又唔似中咗 virus, 明明前一晚仲好哋哋架喎!!

求救於莊友 B, 依然苦無對策, check 完一大輪, 情況更 worse, 連 save mode 都入唔到。

睇怕係時候換新機嘞...

小JJ

噚晚與三個月大的小 JJ 見面, JJ 同媽咪一樣, 右手手臂有撻黑痣, 真係唔怕失散, 好搞笑。

經已修身成功的 June, 雖然榮升為人母, 依舊聲大夾惡, 貫徹其粗魯性格。大大力掃風兼搖晃 BB, 唔嘔奶至奇。

Death Note電影版

失望!! 失望!! 失望!!

點可以拍到連場悶戲架!? 開場嗰幾個 wide-shot 拍得有型有格, 但之後完全唔對路!!

藤原龍也完全俾唔到戲; 唯一可取的, 就是 CG 做出來的流克, 雖然好想睇雷姆個造型, 但再無意欲入場睇第二集嘞...

鴻福火鍋

多得豬達引路, 第一次到後巷食炭爐火鍋 + 炭燒海鮮, 地點就是拍攝《無間道》的火鍋店。

環境嗱喳, 但食物一流, 啲蝦响炭爐上跳吓跳吓, 非常新鮮。雖然價錢唔平, 而且食完成身炭味, 但一定會再幫襯此風味小店。

廣州行

特地請了日半假參加 John 的婚宴, 坐了四個半鐘頭車才到達白雲賓館, 途中遇上正義而威嚴的司機、慘被挨罵的遲到少女、穿公主裝的豪放女子, 還有白姐姐與她的愛郎。

第一次到內地飲宴, 真是大開眼界: 放下賀禮不久, 兄弟就送上回禮, 金額竟然是賀禮的三分一; 除了逐圍敬酒, 還有 individual 敬酒、敬茶和派利是環節; 七時半開席, 九時散席, 婚宴匆匆忙忙的, 酒家還來得及做夜茶市...

婚宴後會合肥哥哥和 KK, 到酒吧玩 "貧民大翻身", 還在街邊食炭燒生蠔 (結果痾到七彩, 還被小強依附腳趾罅, 嘔心死); 最後夜訪肥哥哥家, 清晨五點才睡。

第二朝醒來, 嚐了非常美味的 "豬肚包雞", 鮮甜得可媲美當年的龜湯。午飯後去了逛百貨公司, 買了一隻國內正版 CD《聲音 Voice》(無錯, 我堅持係正版貨!!!)。

百無聊賴, 大家決定提早返港。回程時, 直通巴與尾隨私家車互相碰撞, 已經是第二次在廣深公路撞車, 幸好兩次都無大礙。

Pirates 2

(未睇但打算睇的好友們請不要閱讀此 entry...)

《魔盜王》比上一集的《鬼盜船》更刺激緊湊, 特技無懈可擊, 鬼船長和海魔的造型逼真得有點兒令人嘔心, 八爪魚怪擘大個口嗰個鏡頭更嚇到我彈起。

今集實在留下太多疑團: Jack Sparrow 生死未卜; Barbossa 船長死而復生; Davey Jones 個心又點處置呢?? 十萬個期待 Pirates 3!!!

睇完戲去了板前壽司, 下令不得 order 八爪魚之輩, 見到啲吸管就毛管戙...

火

啍, 咁串呀啦! 撩起我把火, 一定要 send 個更串的反擊 email!!

大不了連張 cert 都唔愛!!

暴食之旅

答應了咪咪開學前要來一趟旅行, 由於二姐不便外遊, 於是 join 了富豪機場酒店的 summer package。(有啲似麥太呃麥兜去馬爾代夫...)

600 蚊包三餐 buffet, 食物有水準, 只嫌人太多。除咗食, 仲有各式各樣的興趣班, 焗了一大袋曲奇, 又食又拎, 實在物超所值!!

食足兩日一夜, 腰間的贅肉又長厚了...

龍虎門

不愛謝霆鋒和余文樂, 亦無法接受男主角的髮型; 捧場只因葉偉信 + 甄子丹。

可惜, 無論劇情、武打場面和氣氛皆遠遠比不上前作《殺破狼》。唯一驚喜是那個極為養眼的羅剎女, 到底此女子何方神聖?

不過, 話說回來, (極度主觀地認為) 入場齋睇甄子丹隻右臂 , 已經值回票價... (還有一個對準其右臂的 close-up 鏡頭, 真歡欣!!)

尋人

兩好友昨晚失去蹤影, 電話飛到留言信箱, 到底去咗邊?

私會都應該知會一聲嘛...

My New Oven

昨晚第一次用新焗爐, 滿心歡喜炮製牛油焗帶子, 以 200 度火預熱 5 分鐘, 開爐後立即致電橫丁請教心得。電話還未駁通, 全屋電器突然熄哂, 廚房更傳來一陣燶味, 心知不妙...

走入廚房, 發現焗爐正在冒煙!!! 點解會咁架!? 第一次用咋喎, 嚇死人啦!!!

結果, 昨晚嚐了媽媽煮的蒜蓉蒸帶子...

Death Note

決定先看漫畫才看電影版《Death Note》, 免得入場時一頭霧水。

看到第四冊, 情節愈來愈亂, 難得作者還能自圓其說。漫畫中的夜神月高挑有型, 而且冷靜機智, 為何會選個子小、樣子笨的藤原龍也飾演此重要角色!?

新一代的日本偶像真的很不濟...

神州結緣

這是我和 KT 的直覺...

(求神庇佑不要是大叔啊~~)

廣告時間

茶少的網站 - Afwer.com 正式啟用, 當然要幫忙宣傳一下!!

個 site 除左可以俾人放推廣信息外, 更由大家推舉邊啲推廣可以擠身頭版, 成為熱門話題. 只要註冊, 登入後投票將佢地推上推落即可!!

深圳 Expo

一連三日舟車勞頓到深圳會展擺 booth, 比平時早起一小時, 同人迫火車、迫過關, 幸好有地鐵直達會場, 交通尚算便利。

第一次乘深圳地鐵, 環境、服務、設施都比想像中完善, 可惜內地同胞依舊喜歡插隊打尖, 地鐵出口還有人以半價兜售展館入場証, 相當討厭!!! 有點兒 "金玉其外, 敗絮其中" 的感覺, 無奈...

展覽會的人流不多, 正在恰眼瞓時, 赫然見到有三輛單車駛過!!! 吓, 展館嚟架喎, 仲要舖哂地顫添, 有乜理由俾人踩單車架!?

展會的最後一天, 遇上一個名字跟我只差一字的廣州女子, 此女子異常熱情, 除了頻說我倆有緣外, 還大呼我們前世一定是兩姐妹 (太誇張了吧)!! 逼不得已跟她來了一張合照, 她竟然要求一起 "V" 手, 之後還拍了我一張獨照, 太過份吧!!!

Shocked

韓國客人的公司即將倒閉, 已經夠哂震驚; 兩個月後竟然會做埋我同事/上司, 真係想大叫出來!!!!

喜帖

晚上回家, 收到由廣州來的喜帖, 好高興啊~~

五時恭候, 六時入席 (咁咪九時散席?), 只有一小時恭候時間, 好趕下喎。

By the way, 到底要做幾多賀禮呢??

曬壞了

紫外線指數極高的一個週末, 到黃金海岸拍照。在一間小店發現太陽帽 + 眼鏡的二合一新產品, 馬上成為 WW 的防曬恩物。

之後去了麥當當避暑, 點了新出的意式新地芭菲, 原來只不過是咖啡味糖漿 + 未攪混的 Oreo 麥旋風, 甜膩之極, 愈食愈口渴。

超猛陽光之下, 人和相機都曬壞了, 鏡頭多了一個礙眼的灰點, 十萬個唔開心!!! 幸好還有保養, 希望趕得及上廣州前修理好...

惱人

很討厭那些模稜兩可、臨時改主意、說來又不來、最終拋下一句 "到時先 firm" 的人...

Yes or No 啫, 有幾難決定呀? 做人爽爽快快嘛!!!

Superman Returns

無睇過超人電影, 亦唔係超人 fans, 所以唔知女主角同超人有甚麼感情瓜葛、光頭佬同超人又有甚麼牙齒印; 更加唔明嗰幾碌水晶有幾 powerful...

戴上黑框眼鏡的超人, 某些角度, 竟然有點像金城武!!! 總括而言, 睇了兩個半鐘頭特技, 真係好抵睇囉。

舉棋不定

老闆再次玩嘢, 又話唔去北京嘞, 真係煩死人!!!

La Tasca

到 La Tasca 補祝莊友 A 生日, 全英文/西班牙文 menu, 無人睇得明, 唯有查手機字典, 估估吓咁點菜。

食物味道一流, 各款 tapa 都好美味, 可惜份量太少; Sun 4-9pm 依然係 happy hour, 啤酒買一送一, 埋單每人只需 $100, 又一大吃大喝的好地方。

P.S. 感謝莊友 B 的 info, 終於知道咩係 tapa 同埋點解個 happy hour 咁長時間。

Windy Nite

週五晚毫無 planning 地去尖沙咀晚飯, 度度都迫滿人, 連平日冷冷清清的悠悠中華食桌都大排長龍; 東瀛薄餅料理又執埋; Hard Rock Cafe 亦要等位...

在又餓又攰的情況下, 想起了新港頂層的 "儂", 等了十多分鐘便有位。除了脆膳外, 所有食物都不俗, 特別欣賞燒牛肉餅, 肉汁比小籠包還要多, KM 一咬落個餅, 肉汁即時射出, 非常失禮!!

回程時, 刮了幾陣狂風, Park Lane 對面的棚架吹得嘭嘭作響, 好似就快塌下來一樣, 突然想起《死神來了》, 令人不寒而慄...

Last Day

Fashion Week 的最後一日, 去了 Tim's Cafe 嚐了頓豐富又美味的 lunch, 不用再捱會展的凍冰冰三文治。

收檔前一個鐘, 盡最後努力散哂手頭上所有 catalogue 和 souvenir, 最後以極速 20 分鐘收檔並飛車返公司。

企完四日 booth, 對腳痛到死, 好想好想來一個浴足...

上當

煮館 - 又一間以賣相欺騙食客的餐廳。

明明點了一系列清淡菜式, 但泡飯、墨魚餅和雲吞都咸得要命, 係咪局人 order 飲品先!? 個個 waiter 都耷低頭做人, 真係咁唔願做?

食物和服務同樣負分, 再次信錯廣告...

探病

前日朝早收到 44 來電, 得知他聲帶生了粒息肉, 要做切割手術, 怪不得聲音沙啞了整個月。擺完 booth 趕往 St. Paul 探病, 總覺得此醫院昏昏暗暗, 一點也不像私家醫院。

據病人 44 的主診醫生所言, 聲帶生息肉是由於說話太多, 唔係啩!? 不太可信喎...

lunch局

到今日先知 BB 原來不愛飲茶 (仲要老屈埋我...); 懷疑 KT 無得去鴻星飲茶, 處處針對 BB, 好勝得連電視機花咗都要鬥一餐, 無謂之極!!

說好了一齊唔睬 BB, 但有人竟然主動打招呼, 被出賣了...

三里屯

致從未聽過 "三里屯" 的各界好友 -

三里屯 (Sanlitun) 是指灣仔灣景中心的平台, 此處食店林立, 充滿歐陸風情。

注: 三里屯絕非一間中菜館。

神雕

無線正播放翻拍了 N 次的《神雕俠侶》, 這次的楊過帥得要命, 是俊美版林峯。

至於小龍女, 頗有旺角少女 feel, 完全沒有不吃人間煙火的脫俗氣質。還說是金庸親自欽點此姝飾演小龍女, 眼光太差了吧!!

灰

一連四日沉悶非常的企 booth 日子正式開始。

今次對面 booth 沒有靚仔老外, 只有中坑幾個...

睏極

全家人一齊睇世界盃總決賽, 意大利捧盃, hurray!!

施丹的 "頭搥" 真係無得頂, 仲要助跑幾步先頂人心口, 歎為觀止。

睇埋呀叔榮休, 只瞓了兩個幾鐘, 今朝雙眼浮腫, 魂不附體...

Blessing

原來所謂的鬼主意, 就是去太白樓飲茶。

近來, 好像很流行異地戀; 若 KK 所言非虛, 我只能回應一句 :「太勁啦!!」

Hyoma

一直以為囡囡細我三年, 原來我只比她年長一點點。

就是這麼一點點, 我已經不敢再穿 Hyoma + 熱褲 + it's mickey 布鞋...

太平館

昨晚去了太平館晚飯, 嚐了這家百年老店的招牌菜 - 瑞士雞翼和梳乎厘。瑞士雞翼只是一般, $118 一客, 貴咗啲喎!! 見到差不多每枱都 order 超巨型梳乎厘, 即使飽滯之極, 依然堅持要 order 一客。這個直徑 over 八寸的甜點, 結果被我幹掉了一半。

昨晚的 bonus 當然是那份稱心如意的神秘禮物, 雖然遲了一點點, 也不打緊吧...

倒霉

霉事 1 : 心愛的紐西蘭 Paua Shell 手鈪斷成兩截, 用 AA 膠都黏唔番, 心痛...

霉事 2 : 夜晚獨自在廳玩電腦的時候, 發現四腳蛇和小強橫行...

霉事 3 : 又在最大雨的時候落車, 離哂譜!!

增肥

今日下午茶 : 3條 ribs (超過份) + 半件 Tiramisu + 蘆薈蜜

難得老闆請食 tea, 當然要俾面搏盡啦!!

再來 World Cup

一連兩晚去了有線的 World Cup Party, 由於英格蘭出賽, 入場人數極多, 只能排在 waiting list。

Waiting list 的安排也相當妙, 九點半才進場, 而且坐在鏡頭影不到的死角位, 企起身睇都得。Eva 和男友異常亢奮, 踴躍舉手玩遊戲, 可惜原來只揀自己友, 造馬的!! 無得玩, 只好經常騰出騰入, 盡量唔睇個無謂 show。

呢場又要加時射十二碼, 一向唔愛英格蘭, 輸了, 當然興奮得大叫大嚷!!

之後睇埋巴西 VS 法國, 為了支持愛隊, 大家都畫上巴西圖案, 上莊 chair 還畫了個 full-face 巴西國旗, 超激!! 還睇好總決賽是阿根廷 VS 巴西, 點知兩隊都輸哂, 無奶油無奶油...

捱夜睇波, 真的好辛苦~

World Cup Party

去了有線的 World Cup Party 觀看第一場八強賽事, 八點半入場, 被安排坐在側面的頭兩行位置, 幸好不算太當眼。

兩個鐘的 World Cup Show, 先有澤文西和達明的超級冷笑話; 還有白花油王子獻唱首本名曲; 還有四眼主持的 unplugged 世界歌, 死未!? 世界妹也真叫人失望, 美少女廚神比她們還要青春迫人啊~~

全晚最有趣的肯定是德國的現場報導, 主持人反應快兼妙語如珠, 好脷害!!!

狐

天時暑熱, 繁忙時間於太子站擠上人多狹小的地鐵車廂。

只怪自己個子小, 鼻子水平線對開 10cm 剛好是高大男星的腋窩, 頓時面如死灰, 減慢呼吸; 幸好男生在九龍塘站下車, 若再待多兩、三個站, 必定會昏死過去...

手信

收到一份法國手信, 是印上巴黎鐵塔圖樣的皮咭片套, 雖則是人家一番心意, 但說真的, 份手信十分娘。

還要假裝很喜歡的樣子, 希望我的嘴臉沒有出賣我...

財爺

驚聞友人以為唐唐已不在其位!! 來來來, 一起認識我們的財爺 :

唐英年先生是香港特別行政區政府財政司司長, 其職責主要是協助行政長官督導財經、金融、經濟、貿易和就業範疇內政策的制定和實施。他亦負責編制和發表政府財政預算案。唐先生在金融管理專員的協助下管理外匯基金。此外, 唐先生亦身兼行政會議成員。

唐先生持有由美國密西根大學所頒發的文學士學位、由香港理工大學所頒發的榮譽工商管理博士學位及由香港城市大學所頒發的榮譽法學博士學位。他已婚, 並育有四名子女。

- from www.info.gov.hk

5 Takes

看了今期的飲食男女, 知道 Discovery Channel 有個叫 "5 Takes" 的互動電視節目, 五個 Travel Bloggers 以每人每日 50 美元, 用 12 週的時間造訪 12 個城市。Bloggers 的任務就是透過攝影機以及電腦, 分享他們的旅遊經驗。

此節目現正在亞洲區進行 blogger 面試, 好似幾好玩咁喎...

透

今早穿了一件白色麻質衫, 如常匆匆忙忙地出門。上車時, 明明還有丁點陽光, 五分鐘後竟然橫風橫雨!!!

回公司的那一段路沒有瓦遮頭, 一路行一路希望有人同我講 : 「小姐, 我遮埋你吖...」結果救星沒有出現, 全身濕透...

郊遊

難得週日陽光燦爛, 當然要來一個戶外活動。原先諗住去濕地公園, 但怕人多; 去蒲台島又怕曬燶, 最後去了城門水塘郊遊。

N年無同菇菇、西門和 KM 郊遊, 四個 psy 人, 乜都玩一餐, 一碌竹、一個丫叉、一個跳躍, 竟然玩足半個鐘!!!

見到一大群猴類, 就諗起《28 Days Later》, 心都寒埋...

笑

發現很多男生拍照時的笑容都十分生硬牽強, 無論何時何地, 個笑樣都非常機械化。

不一定要裂嘴而笑吧, 建議嘗試微笑或唔笑...

鈍

是因為 jet lag, 定係受外國人感染, 抑或機能衰退, 令 KK 的轉數遲緩、解說能力下降??

祝早日康復!!

ir1968

新裝修的印尼餐廳 1968, 座位多了, 燈火通明, 以米白色為主調。

還是喜歡未變身前的格局, 幽幽暗暗, 蠻有情調; 連那個 stylish 的紅黑色招牌也換了...

格局不同, 幸好老闆依舊有型靚仔。

World Cup Mania

好想南韓出線, 加油加油 fighting!!! 請法國班友借歪!!

諗起下個禮拜的嘉年華會, 個人就不期然歡快起來~~

侮辱

第一次聽閒 visa 咭的 credit limit 低過一萬蚊, 仲要係主咭 + 附屬咭, 真係弱 BB!!! HSBC 係咪玩嘢呀!?

咭主和附屬咭主已決定迎新禮品一到手, 以後都唔簽呢張咭。

Certified

為岑公館服務多年的 Panasonic 畫王, 終於壽終正寢...

點解唔捱多一個月!? 我部 Samsung TV 仲未到手!!

韓人新玩意

韓國最新無聊玩意 - 金三珣毛巾頭!! 好搞笑呀~~

全家人都有玩呀!!

食店推介

今晚到灣仔覓食, 去了剛開張四個月, 位於謝斐道的意大利小店 - Al Dente。食物一流, 店員友善親切, 而且價錢合理, 正!!

開口中

未來數月, 將要馬不停蹄擺展覽, 急救課程又要 delay -

Jul : 香港 & 深圳
Aug : 北京
Sep : 大連
Oct : 上海 (to be confirmed)

俾 KT 講中, 真係要走一轉大連, 邪死!!

妙語連連

繼按摩理論後, 又一大膽提問 : 我哋今日出街會唔會拖手?? 走嘅時候你會唔會錫我呀??

Sex & the City

終於等到 Pearl 播最後一輯的《Sex and the City》, 一定會捧場。

未來三個月的 Sat 會盡量 12 點前返家。

阿詩瑪

之前對 "阿詩瑪" 有點偏見, 所以一直對這間食店提不起興趣。

雖然價錢貴了點, 但還是令人喜出望外, 滇醬牛肉餅、野菌煲、年糕雞煲和雜菌飯的味道不俗, 最喜歡那壺雲南米茶, 茶味香濃特別。

還嚐了一口脆炸蠶蛹, 雖沒甚麼味道, 但感覺難受...

閒逛

上晝返工依舊無所事事, 希望老闆早日大發慈悲, 實行 5 day 工作。

下晝和 44 逛朗豪坊, 還未到炎夏, 各大商舖已進行 summer sales, 只用了兩次的手袋再度劈價, 真氣人!! 剩係 izzue 都逛了半個鐘, 男生買衫, 有時候比女生還要三心兩意...

終於買到合心意的相機袋, 很貴喲~~

贏波

第一次賭波, 咩都唔識, 唯有買大細, 買了英格蘭 VS 千里達嗰場為 low 入球。

倍率 2.24, 又唔錯喎!!

給 Miss Ho 的乳句

您可以同學生打成一片, 以輕鬆方法教學; 畢業後, 仍然關心學生, 還不時相約聚舊, 很脷害!

祝您早日成親!

Junk

很樂意接手自閉同事的工作, 因為佢根本無乜工作。

幫佢 check 了一個星期 email, 全部 100% 都係 junk mail, 到底佢平時做咩嘅呢?

小手術

妙聞 CC 剛做了小手術, 仲可以係咩小手術呢?

祝各位身體健康!!

Welcome Back

最終還是要打給冠媽才找到 KK, welcome back 大會得以如期舉行。

除了晚飯, 還安排了餘興節目, 大夥兒到 Zoom Bar 睇 Spain VS Ukraine。有 WW 在場, 睇得格外高興; 態度囂張、說話尖酸刻薄, 為呢場悶波添了不少生氣。

分心

弊, 整個下晝都掛住 send SMS, 無心工作。

每次訊息提示響起, 咀角都不期然向上翹...

點算!?

Plan 好今晚是 KK welcome back 大會, 約好哂人, 唯獨未 confirm KK!!

夠鐘放工, 打俾各相關好友 confirm 時間地點 -

KK : the number you have dialed is not in service...
BB : 開會中, 唔接電話...
CC : Auntie 接電話, CC 竟然無帶手機!!!

真係妙事連連...

失禮

場景 : 旺角街頭

與菇菇言談甚歡, 行行吓突然唔見咗人, 回頭一望, 此女子竟然站在十字路口傻笑。原來鞋踭攝實坑渠窿, 實到要除鞋用手先掹到出嚟, 路過的少年忍不住哈哈大笑 (我都係)...

*******************************************************
場景 : 依然是旺角街頭

手持長遮的女子, 竟然不慎將把遮 "篤" 入一青年的鞋窿中!!!! 很陰險的一招...

識破

被 KT 質疑點解我可以同菇菇一齊上九型課; 無錯, 的確另有內情...

果然挑通眼眉。

毛誕

預早慶祝毛誕, KT 和毛如常遲到半個鐘, 不妙之極。

明明說好了打保齡, BB 還是穿了一條飄逸長裙; 長裙 + 白襪仔 + 保齡球鞋, 非常 eye-catching。被保齡高手左右圍攻, 相當無癊, 打了一局便無奈離場。

之後上 KT 家睇碟, 還開了個小食會。之前睇《北極快車》, 架 Polar Express 未去到北極已經呼呼大睡, 醒來時, 聖誕老人已經出場, 今次終於有機會睇番 miss 了的二十幾分鐘。

晚飯地點選擇了 T-Back, 席間提起中學時代的經典人物 - Sam。估唔到莎拉不用提示, 便知道名字 Sam 的由來; 更加估唔到 WC 和莎拉願意花二百幾蚊來一睹 Sam 的風采。

WC 的第一次就這樣奉獻給毛; 莎拉設計的毛咭亦非常有心思, 相當好。

Happy Sharing

昨晚與 BB 私會, 去了位於亞士厘道的上樓 cafe - Backstage, 開業才個多月, 宣傳不足, 甚少人幫襯。

由七點坐到差不多十一點, 食客就只有我們倆, 包場一樣; 環境舒適, 坐足成晚亦只花了六十個大洋, 非常划算。美中不足是食物的質素一般, BB 的雞扒煎完再翻煎都依然唔熟, 我的牛扒反而熟哂, 非常無奈。

整晚都是 happy sharing, 要討論的正經事, 反而只是輕輕帶過。很多事倩, 回想起來, 原來是個大笑話...

又少一員

自閉同事終於辭職, 上星期六遞信, 下星期一走得。做了年半都無請過假 (連病假都無), 佩服佩服...

換轉我係自閉同事, 無人理無嘢做, 晨早走咗啦; 換轉我係老闆, 一定唔會請個人返嚟齋坐, 晨早叫佢走啦。

四眼仔

我確信我比較喜歡戴眼鏡 (特別是膠框) 的男生。

九型again

和菇菇一起上九型課, 大家都受不了頭十五分鐘的 "洗淨心靈" 環節, 決定下一次要 skip 咗呢 part, 施施然食完嘢先上堂。

今堂介紹了各型人的優點和缺點, 與菇菇一致認為 KK 一定係七號仔, 實在係太鮮明啦!!!

一起上堂的, 還有菇菇的同事, 驚聞呢位長得一副典型歐巴桑模樣的同事竟然同我同年, 簡直不可思議, 還以為佢大我十年 (at least)!!!

大家都保養得好好...

Our Long Trip

未到八點, 還在賴床的時候, 收到 BB 的來電。神智不清, 不知她在說甚麼, 但聽得出此女子很亢奮...

原來想討論下一個 long trip 的計劃。雖則言之尚早, 但一定奉陪到底!!

相信找不到第三個 crazy guy...

World Cup

一向不愛睇波, 今年更加無興趣、無動力睇世界盃。

轉眼間又四年...

喜事

看了莊友 J 的 online album, 得知她將成為人妻, 可喜可賀。

好欣賞她男友的求婚點子, sweet 得嚟又夠 creative, 仲要投其所好, 唔冧就奇!!

羨慕

結束四年半的沉悶工作, 與家人歐遊兩星期, 再隻身到北京修讀個半月的國語課程, 羨慕死人~~

吹水會

明明幫個客 farewell, 最終變成長達三個半鐘的 HW 新舊同事吹水大會。

去了早前爆發食物中毒的湘川滬, 以前偶爾會爆場的食店, 現在門庭冷清, 侍應比食客還要多。

嚐了從未如此難食的桂花酒釀丸子, 能夠做出如此味道, 絕非易事...

心虛

短 trip 一拖再拖, 有人發夢俾菇菇鬧, 擺明心虛啦, 呵呵呵...

再拖就無免費酒店住架啦!!

九型人

完成了 144 條的詳細 sorting test, 與先前 quick test 的結果一致, 都講得幾準。

九型人是和平使者、外交官 : 接收、肯定和跟從, 善於了解每個人的觀點, 卻不知道自己所要的是甚麼; 喜歡和諧舒適的生活, 寧配合他人而不要衝突, 如被施壓會變得很頑固; 非常主動, 興趣多, 卻將優先事項留到最後才做。

代表動物 : 大象

書蟲

繼長出霉菌後, 噚晚發現有幾十隻書蟲聚集在床尾的層板, 場面相當駭人...

逼不得已丟了兩塊層板和兩本 ling 書, 整晚還是覺得與書蟲為伴, 周身痕癢。

混脹

激嬲人但懂得趁機氹番, 總算情有可原;
激嬲人還裝作若無其事, 真的混脹之極!!

未解決

噚日見到豬達, 劈頭第一句便是 :「未解決, 未解決呀!!」

Sorry, 我真係真係覺得 "巴士呀叔" 段片好無謂, 仲要話俾人知睇咗多好個版本, 真係啞哂...

夜晚仲要收到呀叔個 "你有壓力, 我有壓力" 的 msn icon, 救 - 命 - 呀!!!

豬達大壽

噚晚和豬達提早賀壽, 估唔到連久違了的豬鏈都蒲頭, 認真俾面。

豬達做主角, 當然又去食他至愛的火鍋, 今次幫襯了位於佐敦的 "牛皇火鍋", 湯底普通, 但用料非常新鮮。見到隔離枱 order 嗰條魚, 上枱時仲口擘擘, 新鮮到得人驚。不是點了太多食物, 也要盛惠千四個大洋, 唔平喎...

回程途中, 上車無耐個肚就隱隱作痛, 仲要兜錯路, 真難受!!!

達文西密碼

雖然劣評如潮, 但還是抱著 "唔信邪" 的心態入場。

原來, 套戲真係極悶極悶... 解碼解得很兒戲、很牽強, 失望之作。

悶熱的晚上

又是三小花的不定期飯局。

說好了不吃日韓菜, 打算幫襯印尼1968, 但餐廳裝修, 最後還是去了清溪川食韓式燒烤。無錯, 有時候真的不需要太 well-planned...

還不算太萎靡吧, 能夠在晴朗的一天出發, 無壞無壞...

道地廣告時間

最新推出的 "櫻花綠茶" 和 "玫瑰花茶" 都很清新, 不太甜, 茶味剛剛好。

上一期的心頭好 "蜜桃紅茶" 和 "山渣烏龍茶", 依然喜歡。

技術支援

電腦傻瓜竟然都可以幫人整電腦, 仲俾人讚叻女, 受之有愧...

Thanks for 一頓健康的晚餐。

閒

工作實在閒, 幸好有人朝九晚六陪我無聊 email + msn。

P.S. 不嬲都是個將心比己的人, 若果第時收到咁嘅 comment, 我一定會好唔開心...

Phobia

除了講九型性格, 還討論了少少心理學。

其中一個學員是講者的 patient, 由細到大都好驚雞, 聽到個 "雞" 字都會打冷震, 經心理輔導後, 雖然還未敢食雞, 但已經可以遠距離睇雞的圖片。

大部份人皆覺得不可思議, 向這個怕雞女子投以差異的目光, 但我卻非常體會她的感受, 同病相憐呀~~~ (雖然她的 phobia 嚴重過我好多...)

九型性格

今晚頂替 PW 上了第一堂九型性格學, 排隊搭電梯上講室等了十分鐘, 推門見到二百多人 (保守估計) 坐定定等開 course, 心諗 : 有無咁勁呀!?

原先諗住攞完 notes, 坐半個鐘就走人, 但愈聽愈過癮, 仲分析得幾準; 那位貌似陳昌立校長 (中年版) 的講者, 猶如表演一場兩個半鐘的個人 talk show, 仲要係無悶場嗰隻添!!

初步分析, 我是九型人。

分配

一男三女, 一間房, 兩張床, 點分配好呢?

「來, 同我住...」真的好大膽...

一肚氣

噚晚打算去 KT 推介的金潮小廚晚飯, 訂了七點半, 但等到八點鐘還未安排入座, 店員還把原先安排給我們的座位給了另一 group 食客, 推說會再安排一張位於二樓, 較闊較舒適的大枱給我們。

大姐懶理店員解釋, 走上二樓看個究竟, 發現二樓的 "大枱" 根本容不下九個人, 店員於是安排我們等候另一張剛剛上菜的大枱, 仲佯裝以為我們訂了八點鐘, 真是狗屁!!!

最後, 當然是拉大隊走人, 去了附近的福好酒家食海鮮。

金潮小廚已順利打入 "My Blacklisted 食店" 的名單, 還打算在 Open Rice 留個言。

失敗

新邪咒終告失敗, 剋不住輸小姐, 還帶旺了 KT。

連續輸了三舖 over 四十番的牌給 KT, 唔係對對糊就係混一色, 家陣打廣東牌咩!! 三舖就唔見咗二千幾個籌碼, 由贏變輸, 非常不妙!!

原來, 我的隊友真的很不中用, 竟然攪錯了落咒日期, 離哂大譜!!!

攀石試

隔了成個月才去考攀石試, 今晚個攀石場變成了兒童天地, 十幾個細路一齊學攀石, 見到都頭痛, 我死都唔做佢哋嘅 belayer 架啦!!

呆等到九點鐘終於開始考試, 因為受 KM 誤導, 以為個考試會好兒戲, 點知竟然係好認真同嚴格, 足足 fall 了四次才 pass, 手都痺埋...

但 fail 了問答環節, 我收到嗰份 note 同考嘅問題係唔同架!!! 玩我咩, 教練!!!

文西

就算影評寫得幾咁差, 我都一定會入戲院睇, 就當是彌補無入羅浮宮的遺憾吧...

股

第一次抽新股; 第一次開新 account 的 cheque book, 但唔 sure 個簽名啱唔啱。

又懶得去銀行 verify, 希望唔好彈票啦...

Munch

滿心歡喜到經常無位的 Munch 食飯, 珍珠吹襲下, 食客只得小貓三四隻。

點了很膩的芝士春卷和辣牛肉 pizza, 不愛吃; 幸好南瓜燒雞 risotto 的味道還算不錯, 雖然菜式不合胃口, 但也吃得飽飽的。

之後去了 Uniglo 抄 item code, 鬼鬼祟崇, 做賊一樣。壓軸的是 Gelato sorbet, 正!!!

雖然掛三號風球, 但沒有狂風暴雨, 蠻不錯...

一週年

我個 blog 一歲啦~~

八號波

打不成八號波, 真失望!!

形於色

今朝經常不自覺地偷笑, 連同事也察覺到...

喜怒形於色, 我副咀臉真的騙不了人...

trying work

下晝又譯公司的沉悶文件, 發現原來 "trying" 係形容詞, 解 : 令人難受; 煩厭。同 "try" 完全唔關事...

還有兩大頁, 頭痛中...

無得玩

一早安排好的 short trip, 因為無錢、怕肥, 而被迫取消...

怕肥都還可以接受, 無錢就真係唔信架啦!!

Delifrance

週末去了新都會的 Delifrance, 竟然有人帶位、落 order, 仲有加一添...

幾時變成咁架!?

推介

一個台灣的漫畫 Blog, 網主有點小丸子 feel, 很可愛又很搞笑!!

耐用

我隻私家杯, Sanrio 94 年的產品, 絕咗版好耐的 Mr Bear's Dream...

是 MY N年前送給我的生日禮物, 真的很耐用。

Mother's Day

今年決定在家慶祝母親節, 上星期已經定了 "818 母親節菜單" -



我當然是負責最拿手的雜錦壽司, 賣相和味道都很不錯喲~~

巴士瑣事

巴士上層, Roadshow 正播放張國強的 "足球教室" (something like that) -

o靚仔 A : 咦, 呢個邊個嚟架?
o靚仔 B : (猶豫了一會) 佢? 佢咪係... 梁漢文囉...

忍唔住即場爆笑!! o靚仔好嘢!!

小手作

從小便喜歡包裝禮物, 收藏了各式各樣的禮物盒、紙袋和花紙。總覺得既然花了心思買禮物, 何不再花多少少心思, 令送禮物和收禮物的人都倍加歡欣呢?

除了包禮物, 也很喜歡摺紙。總愛幫自己和幫別人把筷子套摺成筷子座, 記得有人同我講過 :「不如你以後都幫我摺吖...」

理應很窩心的一句話...

Missed call

原來上星期故意 missed 的來電, 是一個道別電話, 怪不得近排像人間蒸發了。

趕時間返工嘛, 邊得閒接電話喎...

兔迷

去了朗豪坊選購母親節禮物, 禮物未買到, 就已經俾隻兔仔殺到一頸血。小手袋、耳環、戒指、髮夾...

已經好忍手無買個大袋同銀包架啦。

Korean

每次食 tea, 都是同一間餐廳、同一張枱、同一樣飲品...

是悶蛋還是有規律?

招生

被要求學正宗的 TWMJ。我都好想學, 但希望有一個靜少少的 tutor...

被恰

葵涌、將軍澳、黃大仙、西灣河的中間點, 點計都唔會係觀塘啩!?

家陣明恰啫!!

睇唔過眼

睇空少的 Blog 睇到火滾 !!! 實在係太囂張啦, 很討厭!! 原文節錄, 不作修改 -

"幾十題入面錯一兩題都唔會整到我冇o左個 A 掛"

"I am so sure that I can get straight A's but I am not using it to prove my abilities."

"Let me tell you again, the only chance that I cannot get an overall A is that I get non-coorporative partners in the oral eveluation part."

Scan 了一次他那段全英文的 comment, 已發現幾個 grammatical/spelling mistakes, 很同意某某的回應 : "不要以為在外國讀過幾年書就代表自己很了不起..."

百分百感覺

2002 年的劇集, 重溫都依然覺得好好睇、好搞笑。4 年後, 4 位主角, 最紅嗰個竟然係周麗淇。

當年的李彩樺比現在的李彩華美得多...

啊呵呵呵

2 星期內有 4 個人話我塊面尖咗, 太開心啦~~~

累極週末

放工後與呀姐到護協掃貨, 買了 352 片巾巾、59 片面膜、3600 ml 沐浴露... 掃了 over 一千蚊日用品, 癲咗!!

之後相約莊友 B 看《MI: 3》, 只算不過不失, 最驚喜係 Maggie Q 原來可以好靚。

夜晚再會合其它莊友, 一行十二人包起了一間小型 cafe, 菜式新穎美味, 值得再試:

雜菜湯/南瓜湯
火腿芝士法包
雜果鮮蝦沙律
芒果火腿卷
雜菜釀雞翼
鴨胸卷
田螺肉醬焗薯茸
燒豬肋骨
肉醬千層麵
芝士餅/格仔窩夫 (留了肚食甜品, 但竟然用橙伴碟, 激死!!)
特飲一杯

$130 食 10 道菜 + 飲品, 相當抵!!

搶包山

昨晚看了無線直播搶包山的節目, 又見到丘同學做主持, 呀姐評了一句 :「好嫩口吓喎」。

係咩? 唔覺嘅?

Ernie & friends

為了 KT, 預先到 Bossini 買了一系列的芝麻街衫, 浩浩蕩蕩由東涌行去大澳。由於 KT 害怕被 client 撞破穿著自家品牌, 堅持要離開市中心才換衫。

天氣極度悶熱, 大家都行到身水身汗, 前後皆濕 (WW 除外)。雖然路途不艱辛, 但花了四個多小時才到大澳, 累死人!!

到了大澳, 本想四圍逛逛, 但時間緊迫, 吃完腸粉魚旦豆花芝麻糊後, 便匆匆趕回荃灣, 吃一頓不太妙的晚飯。

譯

近排成了一個翻譯員, 幫公司譯複雜難明的《社會契約》, 五頁密麻麻的 A4 紙 (頂多得 8 font size), 睇見就頭痛。

才完成了 1/5, 仍需努力。

呆等

好友們全部 OT, 又要呆等個多小時, 只好搵個地方歇腳。

上了朗豪坊 10 樓的仙跡岩, 原來已經關門大吉。再去雅蘭二樓的不知名 cafe, 亦經已易手, 變了沒有多大好感的 Starbucks。一向不好咖啡奶茶, 正躊躇飲咩之際...

收銀 : 不如介紹啲新飲品俾你吖
MK : 唔駛啦
收銀 : 不如試吓新出嘅香蕉朱古力吖
MK : 唔試
收銀 : 咁決絕!?
MK : 係

結果, 要了一杯貴價沙冰 -- 芒果 Frappuccino。

又要改

原先計劃今年去北京。但據年初去了北京的莊友 A 所言, 為了迎接奧運, 大部份建築物都正進行翻新工程, 無趣之極...

想當年, 見到搭哂棚的聖彼德大教堂及比薩主教堂, 禁不住破口大罵。

還是改目的地吧...

續 "冇嘢"

近排覺得, 原來 "冇嘢" 的, 是另有其人。

每人的準則都不一樣, 對我來說, 不懂分享、不懂感受, 便是 "冇嘢"。

茶敘

茶少即將出走荔枝角, 臨別秋波, 當然要來一個茶敘。

一向給人感覺吊兒郎當的茶少, 突然娶老婆、搞生意, 真係估佢唔到喎...

扯住

半年無踏足過 Physical, 今日 "的" 起心肝去做 gym。

相信係太耐無郁過, 跑完半個鐘, 對大脾就扯住扯住痛...

大陸版

看了大陸版的《黑社會》, 結局竟然係 : 呀樂被捕, 大 Dee 嫂無事, Jimmy 仔係警察臥底...

改成咁, 第二集點接呀!?

Facial House

美容院張床真係好舒服, 連唧緊黑頭、修緊眉毛都可以呼呼大睡。

最尷尬的一次是在倒模前, 矇矇矓矓有人同我講 : 「小姐, 合埋個口先啦...」

春．夏．秋．冬

近排狂煲的專輯。

最喜歡是 "偷故事的人" & "隨你"。

大凶日

點了兩道不好吃的甜品, 破壞了原本美妙的飯局;

在尖沙咀街頭碰上被爽約的舊同事;

走遍油尖旺都買不到心頭好, 很氣餒;

到 "仙跡岩" 飲嘢, 赫然發現坐在隔離的歐巴桑拿出一大袋橙即切即食, 頓時面如死灰;

回到家中, 如常把手機放在床尾的層板上, 仔細看看, 整塊板都發了霉, 雪白的手機亦黏了不少綠色霉霉, 即時毛管戙!!!

Todai again

又去 Todai, 相信今期主題係 "香橙 & friends", 不妙之極!!

"香橙牛肉卷"、"香橙西米布丁"、"香橙雲喱拿梳乎厘"、"香橙鴨胸"; 日本前菜全用紅柚伴碟; salad bar 出現 "意式香橙沙律醬" (還以為是至愛的蛋黃醬, 差啲賴嘢); 連雜果 mousse 都放上幾片橙, 非常不妙!!!

KT 講得啱, 真係無大蝦供應, 為了彌補損失, 連不太妙的 "芝士焗龍蝦" 都食了 3 round...

諸事不順

一心諗住三條友食飯聚舊, 但無嗱嗱變咗為數十人的艾力 fairwell party!!

Sorry, 唯有爽約。

肥同事

新同事今日上班, 由依家開始, 會有個小肥佬坐我隔離, 好有壓迫感。

強烈要求間 partition!!!

S9500

影 wide shot 得, 影 macro 亦得, 愛死。

妙蓮

睇《飲食男女》得知南生圍有一個巨型蓮花池, 於是相約 WC 前往拍照。

約好兩點三在元朗等, 但三點仍未見 WC 蹤影, 原來搭錯車去了天水圍, 仲要轉乘慢過蝸牛的輕鐵返元朗, 不妙之極!!

四點鐘才到達目的地, 因為農場位置偏僻、交通不便, 所以只有小貓三幾隻。沿著池塘邊行邊拍, 差不多一小時才走完一圈。烈日當空, 汗流浹背, 唯有躲入有瓦遮頭的地方避一避, 還順便品嚐了農場豆腐花, 糖水有少少薑味, 味道不錯。

除了影妙蓮, 還拍了日落照, 邊餵蚊邊等日落, 等了半個鐘終於見到咸蛋黃, lucky!!

敬輝農場真是個拍照的好地方。

黑面

美好心情一朝早給破壞, 次次有事都要我去補鑊!!!!!

真係好想大叫呀~~~

史力加

四個八婆相約飯局, 足足傾了三個鐘。

原來舊同事 V 一直暗啞底稱同事祖為 "史力加", 雖則好無品, 但又真係好貼切喎!!

MPF II

剛剛打去 HSBC, 原來舊公司份 MPF 增長了 53%, current 公司嗰份亦有 18% 增長。

同事們都話我有眼光, 其實我亂揀架咋...

煲碟

近排晚晚煲碟, 一對熊貓眼現哂形...

《霍元甲》-
睇第二次都覺得好精彩, 順呀姐要求, 今次睇了廣東話版, 配音還算不俗。

《Fantastic 4》-
一早預咗係爛片, 但比想像中還要爛, 演員、特技、情節都唔 OK。

《死神再 3 來了》-
橋段和第一集如出一轍, 雖然新鮮感欠奉, 但精心設計的 "奪命" 場面確實震撼, 夜晚晚自己一個睇都幾驚。

《殺破狼》-
極力推介, 本人認為是 05 年最好看的港產片, 比嗰套所謂的 "最佳電影" 好看十倍, 不得不對葉偉信另眼相看。

全套戲拍得非常緊湊, 尤其是最後一場打鬥戲, 真係緊張到心都跳埋出來。六位男角表現出色, 入型入格, 睇完都不停 recall 啲情節, 感覺就好似當年睇完《無間道》一樣。

以前覺得甄子丹型, 依家覺得佢型到爆。

長頸族

睇完無線介紹長頸族的節目, 呀姐無無謂謂咁攞住把軟尺度頸長, 我頸長 3.5", 媽媽只得 1.5", 唔怪得未見過媽媽著樽領衫啦。

MPF

發現上一份工的 MPF 已增長了差不多 40%, 好勁啊!!

郊遊

復活節假期最後一日, 去了大帽山 BBQ, 天高氣爽, 真好。

可惜唔夠時間行山, 下次一定要早點出發。

復活節

過了清明個幾星期才去拜呀婆, 實在少有。還好, 唔駛同人迫。

夜晚去了食店林立的黃埔晚飯, 千挑萬選, 選了 "鼎泰豐", 味道一般, 還不及 "翡翠拉麵小籠包", 真的是名氣大於一切。

估唔到有男孩子的嗜好會是 "打 X 機" (還以為只是打機), 仲要破世界紀錄 - 3 小時打 7 次!!

嗱喳

係, 我認我唔鍾意傾正經嘢, 都係同我講嗱喳嘢罷啦!!

正經嘢聽唔入耳架~~

極地雪犬

差不多落畫才去睇《極地雪犬》。

5 點 7 開場, 但 5 點 3 還在佐敦食緊杏汁燉蛋, 匆匆忙忙趕去 apm, 點知一上橋就塞車。去到 apm, 架電梯慢過蝸牛, 結果 5 點 10 先入到場, 激氣!!

今次影評無介紹錯, 套戲真係幾好睇。感人得嚟又唔煽情, 雖然唔喜愛犬類, 但都看得很投入。加上男主角高大靚仔, 真的賞心悅目。

睇完戲, 在 apm 逛了一圈, 看了一陣王力宏簽唱會, 便移師陣地, 去了九龍城食泰國菜。

還有 follow-up? 唔好啦啩... 忘記帶 con case 是拒絕過夜的其中一個好藉口。

掃興

因天雨關係, 明天的郊遊節目取消, 真掃興!!!

板前

一直好想去 "板前" 食壽司, 但次次見到咁多人等位, 便打退堂鼓。今晚有人攞定位, 真好。

My itamae favourite : 帆立貝壽司、燒鰻魚壽司 & 炸墨魚軟骨。

Working Holiday

有股衝勁想參加 "Working Holiday Scheme", 澳洲、紐西蘭、愛爾蘭, 三個國家都想去, 首選愛爾蘭。

仲有 3 年時間俾我考慮, 如果有半年 scheme 就好啦~~

祝福

好幾天沒有跟好友通電, 暗暗覺得不對勁, 果然...

掛線前的一句話 :「珍惜眼前人。」老土但發自真心...

願心情早日平伏。

Maggi生日會

因為 MY 生日, 中午可以明來 TWMJ, 都係覺得偷偷摸摸好玩啲。輸小姐為了保住名聲, 臨尾都要輸一舖俾 MY, 果然並非浪得虛名。

夜晚去了 KT 胞弟推介的小館晚飯, 小菜還算 OK, 但海鮮真的不妙, 相信 KT 胞弟的生日基金將會被扣起...

弱BB

"如果你話你喜歡我幫你按摩, 我諗我幫唔到你囉, 朋友咁 close 唔係幾好嘅;
但係如果你話你喜歡我, 大家嘅關係唔同咗, 互相按摩都好正常嘅..."

自問真係講唔出口!!!

Family Day

因為二姐生日, 所以星期六無去攀石, 全日都係 family day。

呀姐的村屋已經成為岑家的假日開 P 私竇, 環境寬敞、空氣清新, 但要忍受蚊叮蟲咬。

尖東

又去了尖東影夜景。因為忘記叉電, 只能拍得數張, 但不打緊, 反正上次已拍得很盡慶。

繼 IFC 五樓平台後, 發現原來藝術中心二樓亦是影維港夜景和偷情的好地方...

雞子

睇完戲去了 "六鼎記" 打邊爐, 與 44 爭拗到底雞子是甚麼內臟。

我話雞子係睪丸, 佢話係雞腎, 我即時反駁 :「你都痴線架, 如果雞子係腎, 咁雞腎算係咩呀? 」

今朝查閱網上資料, 發覺原來錯哂... "雞子" 竟然係公雞的腎!! "雞腎" 竟然係雞的胃!!

唔係呀嘛!?

本能 2

不理 44 反對, 堅持要睇《本能 2》。劇情還算懸疑緊湊, 但心理評估的那一小段實在悶, 忍不住恰著了。48 歲的 Sharon Stone 真的 keep 得好好, 依然風韻猶存, 男主角真的給比了下去。

若果可以再揀, 我寧願睇《極地雪犬》。《至尊無賴》? 唔係啩!?

人魚朵朵

雖然未必會去睇呢套戲, 但張 poster 實在美麗吸引。

My Andy

告吹

噚晚未夠十二點就上床瞓覺, 準備今朝一早起身郊遊。一開手機就收到 KK 抱恙的 SMS, 活動告吹...

好耐無試過放假都咁早起身, 今朝做咩好呢?

回憶

某些往事, 真的記不起來...

到底是善忙、記憶力差、還是選擇性地 delete 某些不快的回憶呢?

放工前一個鐘

17:00 - 終於出三月份的糧。

17:10 - 同事 K 因為無人工加, 怒氣沖沖。

17:15 - 上星期話辭職的同事 M 突然宣佈 :「我都係唔走住嘞, 再做多一段日子先, 依家未係時候。」

17:25 - 同事祖與老板娘吵大鑊, 差點兒大打出手。

18:00 - 同事 K 嬲到連電腦都唔熄就走咗。

若果我係老闆, 呢三位仁兄, 我一早炒咗嘞!!! 老闆/老板娘真仁慈...

呵呵呵...

好開心呀, 加咗 9% 人工!!!

若果按工作量和工作時間計算, 我應該算是高薪一族。

我的同事

同事偉 : 老闆的細佬, 為人自私, 智商只得八歲, 但經常講粗口罵人。
同事祖 : 猿人相, 相信還未完全進化, 是典型的臭八婆。
同事 M : 脾氣古怪的基督徒, 經常想和我討論人生哲理 (通常會扮忙), 行為騎呢。
同事 K : 工作能力及領悟力奇低, 為人得過且過, 是一個年近四十的老姑婆。
同事 L : 典型自閉仔, 可以一整天不和人交談, 是一個神秘的中年男人。
同事 W : 轉數極慢 (嚴重時甚至停頓), 經常大驚小怪, 是一隻井底蛙。
同事豬 : 唯一和我合得來的同事, 為人醒目, 但工作繁忙, 無時間理我。

我份工樣樣都好, 最唔好就係班同事...

Climbing II

噚晚又去了攀石, 但手軟腳軟, 總覺得好似踩唔實舊石咁, 好驚... 好彩 belayer 夠大隻扯得住。

結果, 不小心 fall 了一小段, 又刮花了一對膝頭。

無間道

一看再看, 依然覺得精彩緊湊...

這是唯一一部令我步出戲院, 立即想買飛看下一場次的電影。

送給好友的

遲來的

農曆新年後兩個月才收到炮金, 雖則只有五百多個大洋, 但總算聊勝於無。

Guestbook

今晚第一次 sign 陌生人的 guestbook。

阿力

斷斷續續花了差不多兩星期, 才看完內容精彩豐富的《阿力腦電波》。

有點兒失落, 就像一齣喜愛的電視劇播完一樣...

期待加薪

經查探下, 我應該是全公司最多 bonus 的一員。

原來老闆並非賞罰不明。

邪惡百力滋

呀姐上星期去了東京旅行, 大前日返回香港, 一屋都係日本零食。

噚晚媽媽笑笑口咁遞咗支奶黃色的百力滋給我, 一放入口就覺得唔妥, 即時吐了出來, 原來係 "楊枝金露" 味的百力滋!!! 邪惡之極!!!

事後媽媽仲裝作毫不知情, 激死人!!!

Climbing

比想像中容易, 第一次就攀上 6M 高再 load down, 成隻蜘蛛俠咁, 但不小心撞瘀了膝頭。

之後幫 KM 做 backup, 唔夠力收繩, 搞到 KM 好無奈。Load down 時仲要用腳頂住堵牆先企得穩, 好彩有人傍住, 仲辛苦過自己攀...

今朝瞓醒, 上臂酸痛無力, 連打字都覺得好攰, 唯有盡量垂低手...

尋旅伴

有無人想去南非呀??

疲累

幾日無 update 個 blog, 因為實在係太忙太攰嘞~~

- 剪了個碎濕濕的髮。明明無再染色, 但個頭愈來愈金...
- 陪 KK 打聽歐遊資料。
- 去了基地玩 spelldown 至半夜三點。
- 晨早起身拜山。唔夠瞓, 個頭痛到爆...
- 瘋狂 shopping 了一個下午, 仲要諗點安置 4 件新衫...
- 上了第一堂攀石, 雙手酸軟中...

Copycat

見亞視的《從香港出發》受歡迎, 無線馬上推出一輯《向世界出發》, 真老土!!

懺悔

享受完一頓豐富的印尼晚餐後, 再去 "甜蜜蜜" 食 "冰火芝士木糠布丁"。

肥膩指數高達 100, 懺悔中...

空姐

有否諗過當空姐? 當然有, 可以免費周遊列國, 多好。但 -

不喜歡 serve 人;
不喜歡返工唔定時;
不喜歡濃妝艷抹上班;
不喜歡束起頭髮;
不喜歡穿制服 (party 除外);
不喜歡氣壓整痛我對耳膜...

想周遊列國? 還是努力儲錢或嫁個有錢人吧!!

呆

今天, 時間好像過得很慢...

還以為是星期四... 呆到發瘋。

Haircut

只不過兩個月, 頭髮已經長了一寸有多, 又係時候 haircut。

轉唔轉 style 好呢?

喜訊

今日又收到喜訊, 8 月中要請假去廣州飲喜酒, 因為旅友 John 結婚啦~~~ 好興奮呀!!!

他們的結婚相勁盞鬼, 一對新人拎住對揮春好搞笑喎, 十足十汪呀姐同秋官影 TVB 賀年照...

新對聯

上聯 : 叫鮑鮑寄齋鮑俾齋人

冇嘢

某君慘被 BB 評為 "冇嘢"、"空啷啷"...

比 "無內涵" 更衰!!!

Bad/Good News

Bad News : 原來一直同 BB "九唔搭八"。

Good News : 星期日無端端有得玩, 好緊張...

割席

被剔除出 friend list 的人, 有關他們的一切, 我都無興趣知...

關我鬼事!?

袖口鈕

今日先知, 原來袖口鈕係咁貴咁難買。

組爸

今日在美麗華商場碰到 Year 1 時的 Touch Camp 組爸, 依舊有型靚仔。若非他身邊有個女伴, 我一定會上前打招呼。

想當年, 我曾經去過 Flora Ho 睇佢打藍球, 為佢吶喊助威架...

Last Day

今天是同事 J 的 Last Day, 來了一個擁抱, 好唔捨得呀!!

悶死人的日子即將開始...

鐵血保鏢

好耐無追電視劇, 呢幾個禮拜盡量避免閒日出街。

Cambridge

《細說明城》今集介紹 Cambridge, 六年前亦曾踏足此地, 所以看得格外投入。

多得旅伴交遊廣闊, 有幸在康河 rafting, 還在 King's College 打了一晚地鋪, 仲記得那支味道怪怪的玫瑰酒...

不知其餘三位旅伴的現況如何?

世事難料

完全預計唔到下一分鐘會發生的事, 其實都幾可怕...

至少都俾個理由吖, 死唔眼閉架喎!!

Transamerica

不喜歡就是不喜歡。

那麼有趣的一個故事, 卻拍得平鋪直敘, 連全裸鏡頭都拍得不夠震撼, 很難令人入戲。可能是自己期望太高...

女主角是其中一位 "Desperate Housewives", 但友人竟然搞不清主角到底是男是女, 證明演技出色, 選角一流。

9度

不知是否太寒冷, 連彌敦道都變得冷清清。

加上毛毛細雨, 愈行愈凍, 好想有一枝熱麥精...

嗜好

整蛋糕真係唔啱我, 都係學攝影同攀石啦...

咁多手汗, 唔知攀石時會唔會跣手呢??

寒酸

成廿幾歲人, 出街都只係得幾十蚊, 差啲連牙刷頭都唔夠錢買, 好彩可以 "嘟" 八達通咋!!

無錢都繼續消費, 勁~~

油尖旺一日遊

原先諗住放工後睇《斷背山》, 太老定無訂到飛, 去到戲院只剩頭四行位。無得睇《斷背山》, 換來行程緊密的星期六。

先去 "澳洲牛奶公司" 食茶餐, 之後再去從未踏足過的 "文苑書店"、"護協"、"位元堂"、"Friandise 整餅店"、"Bikram Yoga"...

由油麻地殺落尖東, 再由尖東行返去旺角, 真係行到腳都痺埋...

電幻狂想曲

有點失望的演唱會。

不太喜歡電子音樂 (即 "人山人海") 混管弦樂, 感覺怪怪的。雖然黃耀明演繹得很好, 但唱了太多老歌和英文歌, 中段出現悶場, 呵欠頻頻。

全晚最鍾意是改了編曲的《暗湧》, 每次聽明哥唱這首歌, 都會諗起林夕和他的一段 "斷背戀"...

三八

三八婦女節, 又是 PP 生日的大日子, 一圍十人吃了一頓不太妙的泰式 buffet。

離開舊公司差不多三年, 與舊同事的感情依然要好, 難得難得...

淚人

同事 J 因為愛貓病重, 今朝早在公司哭成淚人。

一向都不太喜歡小動物, 真係唔識點安慰佢...

明哥

黃耀明真係咁冷門? 想搵人頂一張飛都咁難...

串爆

同事 J 今朝早正式辭職, 唉...

好欣賞佢嗰句 : "我唔想白逗人工, 你想我坐多幾耐!?"

斷背日

《斷背山》的相關消息, 真的是舖天蓋地。

五月花

幸好並非乏味之極, 托賴托賴...

新 ID

新身份証終於到手, 雖然顏色淡了一點點, 但蠻滿意的。(淡得連黑眼圈也變得不明顯...)

領証前不忘幫自己和 MY 的舊 ID 來一張合照。

花展

第一次去花卉展, 因為人太多, 加上天暗暗, 所以影得不夠盡興。

最喜歡那一大片的鬱金香, 如果花開會更美...

跑出

中午相約了橫丁與茶少飲茶, 茶少欣然宣佈年尾與芝姐拉埋天窗, 恭喜哂呀!!!

估唔到茶少會突然跑出...

唔好走呀~~

同我最啱 key 的同事 J 近日又再萌生劈炮唔撈的念頭, 如果連佢都走埋, 往後的日子點捱?

1982

24 歲? Too young for me la...

志達

今晚又去幫襯志達, 總共揀了 500 多張相 -

鬍鬚老闆 : 嘩! 500 幾張相, 有無搞錯呀?
MK : 無呀。
鬍鬚老闆 : 晒咁多嘅你!?
MK : 係呀, 晒咁多有無嘢送呀?
鬍鬚老闆 : 有呀, 送咗我俾你囉...
MK : (默不作聲)

大計

有了初步的旅行大計, 今年決定來一個短 trip。

對手

最好的 Scrabble 對手, 當然是好勝兼自私的狗賊啦!!

第二場負局, 真係扭得好緊...

入伙會

KT 新居入伙, 雖然唔值得慶祝, 但還是送了一個電熱水煲加神秘禮物, 一定啱心水啦...

新居沒有任何遊戲耍樂, 結果幾條友哄埋部電腦度玩 online Scrabble, 無謂之極!!

Happy Friday

今晚有人遲大到, 難得心情異常地好, 等了成個鐘都毫無怨言。

好彩無遭人白眼...

壞機

點解個 view-finder 咁矇架!!

部相機玩唔夠三個月就要維修, 有無搞錯呀!? 唔通真係因為無用套?

可可西里

《可可西里》再次在電影中心上映, 只在 3 月 26 日上映一場, 已經賣咗 1/3 戲飛啦!!

雖然一早出咗 DVD, 但入戲院睇肯定會震撼好多。

躲懶

決定躲懶埋今個月, 三月開始要積極啲, 計劃今年的遊玩及學習大計。

Life Continues

聽哂成隻 EP, 最鍾意係《最佳損友》-

實實在在　踏入過我宇宙
即使相處到　有個裂口
命運決定了　以後再沒法聚頭
但說過去　卻那樣厚

問我有沒有　確實也沒有
一直躲避的藉口　非甚麼大仇
為何舊知己　在最後變不到老友
不知你是我敵友　已沒法望透
被推著走　跟著生活流
來年陌生的　是昨日最親的某某

頭痛

噚日下晝開始頭痛, 成個人都無乜心機, 10 點半就上床瞓覺。

瞓足 9 個鐘, 今朝個頭依然痛到爆...

迪士尼

噚日又去迪士尼, 又係免費入場, 今次仲有得住一晚靚靚的 Disneyland Hotel 添。之前一直擔心會落雨, 好彩最後天公做美...

上次因為時間緊迫, 而且人山人海, miss 咗好多遊戲和景點。雖則噚日係星期日, 但人流不多, 加上莊友 G 提供的遊玩貼士, 今次可算是盡興而歸。

P.S. 莊友 G 所言非虛, 泰山真係好健碩喎...

新居

噚晚順道拜訪了 KT 的新居, 蠻不錯喎。地方闊落, 卻容不下一副 MJ, 諗起都傷感, 不禁嘆了一聲大氣...

討厭 MJ 是因為不喜歡有輸贏的玩意!? 聞所未聞...

Smart ID

相約了 MY 一起換智能身份証, 一共影了六張相才勉強收貨, 眼見位 cool 爆的工作人員有點不耐煩, 搞到我唔好意思再影。

仲有兩個星期, 我就可以告別我張超級樣衰身份証啦!!!

Online Game

繼羅渣麻雀館後, 近期迷上 "Yahoo! Literati" (即係 Scrabble), 呢幾晚都玩到半夜兩點幾...

現正接受大家挑戰!!

吹氣棒棒

到底由幾時開始, 聽演唱會興玩吹氣棒棒!? 本人對此無聊小玩意簡直恨之入骨。

啲聲又嘈又刺耳, 搞到聽唔清楚啲音樂; 碌棒仲要水蛇春咁長, 擋住哂個台, 真係激死人!!!

Get A Life

一向喜愛 Eason 的演唱會, 因為 :

- 講嘢/鳴謝的環節極短。噚晚由 8 點半唱到 10 點半先講第一句 "多謝", 成個演唱會加加埋埋講唔夠 5 分鐘。

- 沒有表演嘉賓。Eason 由頭帶到尾, 完全無廁所位, 好勁!!

- 沒有 "懶" 感動的煽情場面。

很喜歡今次的舞台設計, 好添布頓 feel, 有型格。可惜 Eason 明顯不在狀態, 甩了幾次咀, 既然係帶病上陣, 情有可原啦...

Thanks

今朝返公司無幾耐就收到橫丁速遞過來的古古力和小禮物。多謝哂呀!!

Neither

過往幾年的情人節, either 有男友 or 有花收...

今年只有陳奕迅。

仲有

估唔到年十六都仲有利是收, 仲俾我發現好似比其他同事收多一封添, 果然得寵, 呵呵呵...

Spelldown夜

與 WW 慶祝生日後, 一行五人去了文化中心玩 Spelldown。環顧四周, 我們是最年長的一 group 人...

好耐無試過玩 Spelldown 玩到半夜三點幾, 若不是發現尖沙咀開始封路, 可能還會繼續玩。

定義

Q1 : 一個三點盡露, 但並非一絲不掛的女人, 算唔算係全裸呢?

Q2 : 若果 Q1 所描述的不算全裸, 那麼 "梅花 5 裝" 又算唔算全裸呢?

慕尼黑

對於以、巴兩國的恩怨情仇實在係一知半解, 加上人物眾多, 看得頗為吃力。幸好有不少場面都拍得緊張刺激, 睇哂 160 分鐘都無恰眼瞓, 值得捧場。

久未露面的姚明突然現身, 仲化名 "楊娃娃" 到戲院取票, 被 counter 個大嬸取笑, 真可憐...

又來Todai

又去了 Todai 搏命, 狂 cher 了 7 枝長腳蟹、6 件海膽壽司、5 件小 cake、4 球雪葩、1 隻龍蝦、1 杯梳乎里...

可惜今晚無咗加拿大羔蟹, 竟然用我唔食的生蠔頂替, 美中不足。

利是

又到拆利是的大日子, 今年只有 $2,000 大元, 成績差了一點點...

Time Table

狗年第一個工作天, 過得好歡快, 因為...

09:15 ~ 10:00 - 私人時間
10:00 ~ 13:00 - 努力工作
13:00 ~ 15:00 - 飲茶用膳
15:00 ~ 15:30 - 飯後休息
15:30 ~ 16:00 - 出外拜年
16:00 ~ 17:30 - 繼續工作

尚餘 40 多個 email 未覆, 但唔理得咁多, 今日明明放 5 點架嘛, 蝕咗半個鐘添!!

開工大吉

積了十多日的 email 一下子爆出來, 見到都頭暈...

Holiday mood 依然濃厚, 堅持十點鐘先開始做公事。

假期完結

親戚突然殺到, 破壞了最後一天的假期。

聽日又要如常返工, 唉...

魔幻王國

兒童版《魔戒》。

始終不太接受攞刀劍、揹弓箭上戰場的是一班小朋友...

東京慰安男

呀姐的男友又買了大陸 DVD 回港。一聽個戲名, 我同呀姐都以為係咸戲, 點知...

《東京慰安男》=《情義我心知》, 個大陸戲名實在係太勁嘞!!!

大年初五

跑到老遠的觀塘拜年, 先去 KM 家再到姑姐家。

一眾長輩超過份, 個個掛住 MJ, 竟然要我負責托兒, 仲要係一個極唔得人鍾意的 5 歲小朋友!! 係咁嗌、亂咁嗌, 嘈到我心到煩埋, 真係想一個全盒 "車" 埋去!!!

我係上嚟拜年, 唔係嚟幫人湊仔架!!!

大年初四

來了第一場 TWMJ, 相信因為心地好, 所以成了大贏家。

狗年好開始, 妙極!!

Nip/Tuck

返到屋企先記得今晚播 "Nip/Tuck II" 的大結局, 好彩只係 miss 咗半集。今集的劇情相當緊湊, Ava 竟然係變性人!? 簡直係晴天霹靂...

Carver 身世之謎仲未解開, 要等到第三輯先知真相, 擺明吊人癮!!!

大年初三

約了霍元甲。果然無令人失望, 李連杰依然好掂, 搞到 KM 好羨慕利智...

友人認為主題曲與電影格格不入, 我就覺得首歌有氣勢得嚟又唔老土, 唔通依家仲興 "男兒當自強" 咩!!

魅力

再次證明 BB 深得印人歡心, 引得成群印人再三回望, 勁!!

大年初二

看了一場不妙的煙花匯演。最妙係 MY 突破警方防線, 俾呀 sir 指住嚟罵 :「喂!! 你呢個呀姐!!」

之後去了輝家打邊爐, 估唔到大年初二會同成群人一齊睇哂兩集《西遊記》, 睇到 5 點幾先走, 眼瞓到暈...

祝賀

今年最喜愛的賀年 SMS : "祝樣貌依然娟好, 身材依然葫蘆"

大年初一

狗年啦, 狗年啦~~

希望今年身體健康, 開開心心, 桃花當旺, 一索得男...

體育世界

一早知道基保做咗《體育世界》主持, 但一直無睇過。

今日睇哂一整集, 竟然覺得好好笑...

年廿九

今晚又出去同人迫, 竟然撞到蝦米和平坦先生, 好妙!!

今年一共行咗三個花市, 破哂紀錄...

年廿八

今年早了一晚去維園同人迫, 依然好多人...

為了支持舊同事, 花了三十個大洋 (友情價) 買咗隻變身狗狗, 好得意架!!

*** 廣告時間 : 維園 116 號舖 - 《財神到!》