丟架

每次到姑姐家拜年, 總會發生丟架事...

去年, 懷疑我過度用力, 整壞了廁所門鎖, 我還事不關己地對姑姐說:「咦, 呀姑姐, 你哋廁所個鎖好似怪怪哋喎...」雀局中的表哥無奈要落街買新鎖, 因為廁門反鎖了, 累得一眾長輩要到老遠的公廁。

今年, 更丟臉...

直腸直肚的我晚飯後如廁, 但發現廁所沖水弱得很, 按第一次沖不盡, 按第二次水位開始上升, 穢物在廁內團團轉。心急如焚的我未待水位回復正常便按第三次第四次, 結果一觸即發, 水漲至距廁板一吋位置!!! 即時反應向後退了兩步, 手心冒汗。

已待在廁所差不多二十分鐘的我, 決定走出廁所, 硬著頭皮對姑姐說:「咦, 呀姑姐, 你哋個廁所好似塞塞哋喎...」姑姐揭開廁板, 先呆了一呆, 便到廚房拿膠桶沖水, 但塞了就是塞了, 再倒水也無補於事, 姑姐只好用鮑魚擦狂 "隊" 了幾下, 果然奏效。我想我的表情一定尷尬得要命, 姑姐回頭跟我說:「咁咪搞掂囉, 唔駛驚喎, 傻豬...」

出年, 還是不去姑姐家拜年為妙。

開工大吉

十二日假期, 眨眼就放完, 又開始枯燥乏味的上班生活。新婚同事祖豬年再獻新猷, 側側膊無派利是, 佩服得五體投地...

初十是拆利是的大日子, 今年收護不俗, 逗了差不多三千元利是, 一如以往, 會抽一部份利是錢做善事。節錄我和莊友 B 的 MSN 對話:

B : 金鐘有個 charity box, 俾人就咁張封利是放入去捐咗去
MK: 咁你有無捐?
B : 冇, 我窮困, 需要人地嘅捐助
MK: 我年年都會捐錢俾奧比斯
B : 我對眼都有問題, 捐啲俾我
MK: 太細
B : 係... 捐啲錢俾我割雙眼皮... 哈
MK: 捐啲錢俾你買兩支牙籤撐大對眼
B : 免喇... 惡毒嘅婦人...

大年初九

最後一日農曆新年假期, 比平日返工更早起身, 因為要陪媽媽到中環 body check。

雖然 physically 做好準備, 但 mentally 還是很害怕做 body check, 最終臨時縮沙。我會諗, 如果 check 到我膽固醇偏高, 我仲可唔可以安安樂樂咁坐响翠華食鮮油豬仔包呢? 我又係咪真係會戒口唔食我至愛嘅海鮮呢?

To my dear buddy

Glad to be your listener. Call me if you wanna talk to someone. My big hug is 24 hours on-call.

Take it easy.

豬年大計

年初八忽發奇想, 今年每人學一種樂器, 下年在 KM 家表演。

我要開始拜師學藝了...

坦白 VS 隱瞞

若果坦白會為自己帶來麻煩, 我寧願選擇隱瞞...

只限隱瞞, 不得撒謊。

翻生侏羅館

新春期間, 總會有套熱熱鬧鬧的闔家歡電影上演, 此戲種從來不是我的心頭好。但因為友人推介, 加上影評不俗, 便決定入場觀看...

前後左右的觀眾皆笑得開懷, 他們連看到一隻會四圍走的玉獅子或會吹 gum gum 的復活島石像也好像要笑破肚皮一樣, 太誇張吧!! 最受不了是結尾的一幕, 所有展品在博物館內開 party, 睇到嘆氣...

可能我無乜童真, 真係笑唔出, 只覺此片無謂無謂, 胡鬧得很。

門徒

雖然係 "掛劉德華頭買吳彥祖肉", 但依然好好睇。

劉德華和張靜初演技出色, 大配角廖啟智、爾冬陞和小女孩都很搶鏡, 男主角吳彥祖難免被比了下去。

戲中不乏精彩對白, 大部份出自昆哥口中, 沒想過一向形象健康的華仔會接拍此大毒梟角色, 還要演得入型入格。

反觀古天樂, 演得太浮誇, 手臂也太粗了, 怎看也不像吸毒者, 乃戲中唯一敗筆。

赤口馬交遊

大年初三, 天未光便起床出發往澳門, 到達澳門碼頭才九時多。

由於 BB 要玩 SkyJump, 我們在旅遊塔呆了兩個多小時, 嚴重擔誤了行程, 結果放棄了漁人碼頭、永利賭場、豆腐花、碗仔翅、串燒...

44 推介的 "水佬榮" 花甲蟹煲, 有巨型羔蟹、大量花甲蜆、雜菇和西芹, 鮮甜美味, 遊澳門必食推介。

壓軸節目是到澳氹橋邊放煙花, 人家個個放火箭, 我們卻買了 12 支超弱龍吐珠, 真 cheap!! 由於距離近, 感覺比維港煙花更震撼, 玩完成面都係煙花灰...

初二煙花

大年初二, 下著毛毛細雨, 興致勃勃地到尖東海傍看煙花。

可能因為霸到前排靚位, 覺得今年的煙花好像比往年的美。幾枚煙花升上高空, 幻化成金色的流沙緩緩散落, 再變作紅色綠色的煙花球, 這一幕最特別。應節的 "豬鼻" 煙花, 怎看也看不出是 "豬鼻", 反而像全盒裡的糖蓮藕。

今晚帶了相機, 忘了帶 memory card, 但不打緊, 倒可專心欣賞燦爛的煙花。

擁標

標五月回港了, 我真係唔記得曾經講過若果標回港, 我要同佢 "擁一個勁"!!!

看到標的近照, 真受不了其長髮飄逸的形象, 竟然 over 年半都無剪過髮, 不可思議...

豬蓮

祝各位豬年大吉, 豬籠入水, 豬事蓮蓮!!

滿月

呀姐在 BB 擺滿月酒之時, 決定棄 "冠初" 取 "冠希", yeah!!

為了貫徹劉氏傳統, BB 要取 M 字頭的洋名, 既然中文名叫 "冠希", 不如洋名叫 "Medicine" 啦~

紅玫瑰

買了一支布製紅玫瑰送俾人, 竟然收番一支有 90% 相似的紅玫瑰!!! 哈哈哈, 果然是好朋友!!!

品嚐過昂貴的情人節餐, 便去了維園年宵, 人流不算太多, 但氣氛還算熱鬧。今年的年宵產品不乏無謂玩意, 終極無聊之選可算是今年新出的 "人肉較剪腳"。

情人節

情人節, 沒情人也可以過得好開心~

雖然無古古力收, 但有人請食 lunch; 雖然無花收, 但送花俾人同樣高興...

100 things about me...

1. 有個廚藝很好的媽媽和五個姐姐, 是個很好玩的 family
2. 在家排行最小
3. 未出世時, 家人以為我是個男胎, 起名 "岑國榮"
4. 有個像我一樣笨的姨甥女
5. 剛剛多了個有咕咕的姨甥
6. 和其中一個呀姐鬧得不愉快, 已很久沒聯絡
7. 出世至今都住在葵涌區
8. 不愛下廚, 亦不愛做家務
9. 以為搖頭娃娃是微型錄音機, 曾對著其臉上的雀斑講說話
10. 怕悶, 絕對不會一個人逛街食飯
11. 自小六開始喜歡華仔
12. 曾經因為華仔而喜歡咸蛋超人
13. 亦因為華仔, 所以喜歡道地
14. 現在喜歡的是麵包超人
15. 十五歲初戀, 至今只交過兩個男朋友
16. 大學時, 渾渾噩噩地加入了魔術學會
17. 曾經因為失戀而嚎哭, 嚇怕身邊好友
18. 討厭舊同學聚會
19. 天蠍座, 但有人馬座的性格
20. 愛旅行, 不介意揹著大背囊遊歷, 不介意住平價旅館
21. 渴望和喜歡的人去布拉格
22. 害怕所有橘子類食物
23. 加工了的橘子類食物也很討厭, 例如: 陳皮, 柚子蜜...
24. 平日多肉少菜
25. 好想重遊西藏
26. 剛考獲成人急救證書
27. 學了兩年日文, 但沒能力考能力試
28. 很喜歡陳奕迅的專輯:《我的快樂時代》
29. 是個字體秀麗的左撇子
30. 高中時迷上日劇, 曾經一個月內睇了三次《悠長假期》, 每次都睇到喊
31. 初中時喜歡了一個很像日本漫畫男主角的高佻男生
32. 點食物時經常心大心細
33. 希望牙齒可以 simply white
34. 即使睡眠充足, 眼袋還是跟眼睛一樣大
35. 非常懷念中三時的校園生活
36. 有個認識了超過二十年的好朋友
37. 不著重物質享樂, 不愛名牌
38. 認為幾千蚊買個手袋是窮奢極侈的行為
39. 收到 hand-made 小手作會樂上半天
40. 曾被六個男生強吻
41. 愛吃任何卡樂 B 口味的薯片
42. 愈來愈怕吃牛奶古古力
43. 最愛節日是普天同慶的聖誕節
44. 愛恨分明
45. 喜怒形於色
46. 期待新書 -《我和我的岑美琪》
47. 不看愛情小說, 最愛看金庸的武俠小說
48. 很懷念李力持和吳君如主持的《嘩!嘩!嘩!打到嚟!》
49. 中七時寫的我的志願是: 做個有錢的幸福太太
50. 無耐性, 怕等人
51. 不愛行針錶
52. 不懂穿高跟鞋, 兩吋高已是極限
53. 左腳比右腳細少少
54. 試過邊淋浴邊嘔吐
55. Year 1 暑假和 hallmates 揹背囊歐遊
56. 去過一次露營, 地點在大浪灣, 感覺很無聊
57. 近兩年愛上攝影
58. 希望再當全職學生
59. 嬲怒時會默不作聲
60. 討厭虛偽的人
61. 第一個英文名是 Carmen
62. 在惡劣環境下都可以酣睡到打鼻鼾
63. 認為結婚前先要同居
64. 不愛小朋友, 應該不會生育
65. 某年的生日前夕收到兩大束花
66. 喜歡替人改花名
67. 試過被人打劫, 但一點都不害怕
68. 近年體重和腰圍不斷上升
69. 怕老
70. 第一部看的韓國片是《觸不到的戀人》
71. 最愛卡通片是《娛樂金魚眼》, 覺得自己有點兒像藤之宮千歲
72. 喜愛戶外活動, 但極度怕曬
73. 不愛聽電話留言
74. 經常臨急抱佛腳
75. 對正經話題提不起興趣
76. 畢業後只做過兩份工
77. 選了不用讀書的翻譯作主修科目
78. 很喜歡港大
79. 特別偏好配載膠框眼鏡的男生
80. 見到便利店有新飲品會很雀躍
81. 去過台北三次, 依然好想再去
82. 愛吃果味雪芭
83. 不愛小動物
84. 愛打台灣牌
85. 好想做姐妹團或伴娘
86. 公開試未試過取 A
87. 中過一次六合彩五獎
88. 喜歡毛毛細雨天
89. 小時候聽呀姐說人魚公主的故事, 忍不住哭了
90. 很會裝忙
91. 愛嗅食物, 像犬類 (contributed by 菇菇)
92. 極恐懼黑狗, 見到黑狗時會有歇斯底里症狀 (contributed by 菇菇)
93. 正常身體狀況: 手掌濕冷 (contributed by 菇菇)
94. 肥面 (contributed by 莊友 A)
95. 食量驚人 (contributed by 莊友 B)
96. 好逸惡勞 (contributed by 莊友 B)
97. 打緊份閒工 (contributed by WC)
98. 今年改變形象玩曲髮 (contributed by WC)
99. 無缺點 (contributed by 橫丁)
100. 討厭婆婆媽媽的男生 (contributed by 橫丁)

光年世界

學友今年又開巡迴演唱會了, 要等到八月才巡到香港, 在網上投了五首最喜愛的學友歌曲, 但很多心水之選都不在名單之內。

我心目中最喜愛的五首學友歌曲應該是: 這麼近那麼遠, 舊情綿綿, 甚麼捨得你, 我哭了 & 離開以後。

揭盅

昨晚去了位於偏遠的中港中心的 "菓一道", 坐在最角落的位子, 都依然撞到舊同事 J。要知道當時係講緊八婆嘢, 突然有人打招呼, 個心真係離一離。

三個月的期限已到, 謎底亦已揭盅, 從 KM 古古怪怪的眼神, 其實我都大約估到係咩一回事 (可能我自己都有懷疑過), 但似乎大家都估錯了...

船飛

終於買到年初三的來回澳門船飛, 雖然唔係首選的新渡輪, 亦唔係理想的班次, 但總好過去珠海或元朗。

晨早八點船, 最遲六點要起身, 太 harsh 吧!!

勝

週六的 TWMJP, 又成了大贏家, 自摸了一舖獨獨混一色, 2007 年的賭運相當不俗。

塔門遊

WC 推介的塔門悠閒遊真的不俗, 路線易行, 風景幽美, 因為大家邊行邊拍照, 原先一小時的路程, 我們卻行了三小時。

出發前, 先嚐了雜誌介紹的鮮魷麵, 魷魚鮮味爽口, 分量跟麵條一樣多。

小島上還有家位於海邊的小店, 走累了, 坐下來吹吹海風, 吃件多士, 非常寫意。老闆娘還熱情地跟客人分享泡咖啡的獨門心得, 感受到小島獨有的人情味。

改名

BB Lau 要改名了, 二姐夫一家翻查姓名學書籍, 心水的筆劃組合跟 KK 的一模一樣!!

候選中文名包括: 冠廷, 冠延, 冠希和冠初

我一定會投 "冠希" 一票, 我不要第二個 KK!!!

Bonus

終於出雙糧和花紅了, 花紅比預期的少, 由上年 70% 跌至 40%, 公司生意大不如前, 也沒太大失望。

韓人貫徹傳統, 未到年初一已派利是, 還字正腔圓地跟我們說了一句:「恭喜發財」!!

錯配

昨晚去了聽港樂 X 側田演唱會, 因為友人的友人在港樂工作, 所以取得兩張免費的 $400 門卷, 仲要係第十三行正面靚位。

側田音準聲靚, 港樂亦奏得動聽, 但兩者卻擦不出火花。有好幾首歌, 港樂奏得實在狠, 蓋過了歌聲, 歌者便更加聲嘶力竭地唱, 有點兒 "你有你奏, 我有我唱" 的感覺, 是最教人失望的港樂 show。

第一次聽港樂 show 有嘉賓, 請來超級超級超級討厭的 Kary, 是用來 "ar" 時間, 或是唱片公司不理聽眾感受硬塞一舊豬頭骨給港樂呢??

成晚最精彩反而是港樂入後台休息, 側田和 Joey Tang 隊 band jam 歌, 簡簡單單的結他聲和鼓聲, 聽得最舒服。

另一驚喜是側田選唱了非常喜歡的 "The Blower's Daughter", 雖然欠了最尾段的女聲, 但依然動聽。

P.S. 據港樂職員小道消息, 今次港樂本想跟 Eason 合作, 可惜 Eason 只答應演唱一場, 最後合作告吹。若然是港樂 X Eason, 我必定掏荷包捧場!!!

貼堂

MSN 的手寫功能真係好好玩啊~

悠閒週日

星期一至六都外出耍樂, 晚晚十一點後才回家, 週日決定留家休息。

剛睡醒, 便聽到媽媽大嗌衣櫃旁有黑色四腳蛇出沒, 好彩呀姐男友在場, 以滾水淥其身, 再用紙巾撻實, 條尾擺來擺去, 相當嘔心。

中午, 無線又重播《西遊記之仙履奇緣》, 睇咗 N 次, 依然覺得好好睇, 當年的朱茵真係好索。

睇完《西遊記》, 便開始執衣櫃, 四腳蛇之陰影還未散, 一路執一路驚其 family 出沒...

上樓

相約一眾友好到 "上樓" 晚飯, 我認我發音唔準確, 搞到大家以為去 "上樓 cafe"...

踏正九點, 當服務員開咪宣佈:「特價時段依家開始!」我和 KT 都忍唔住拍手叫好, 真係好市井。

點了一枱食物, 才不過 $68, 等位等咁耐都抵嘅。

落葉歸根

"揹屍千里 只因一個承諾"

未上映, 單看劇情已很想入場觀看, 結果沒令人失望。真人真事改編的故事, 笑中有淚, 好耐未試過睇戲睇到喊...

男主角老趙為了幫好友尋根, 背著屍體上路, 期間遇到形形色色的好人、壞人, 千辛萬苦到達好友故鄉, 卻發現... 結局有點出乎意料。

老趙到陌生人的葬禮哭喪、遇到踏單車闖西藏的小伙子、碰上在偏遠地方養蜂的一家人... 都是戲中很喜歡的情節。

P.S. 發現有些劇照沒有在電影中出現過, 相信香港上映的版本應該刪減了不少情節。

迷網

豬年年尾, 好友們好像變得很迷網。一個為了身邊女伴而煩惱; 一個為了事業前途而憂心...

"佢唔打俾我我會唔開心, 但如果佢打俾我我又會覺得好煩" 庸人自擾, 我懶得理會。

"你呢個月可能會搵到份好工, 但下個月就未必會搵得到喎" 呢句說話, 會唔會比星座預言更廢呢?

悶局

昨晚是公司和對面公司的 joint annual dinner (到依家都唔明點解要 join 埋一齊食), 兩間公司合共只得十五人出席, 真懷念舊公司在會展 hall 3 筵開一百席的 annual dinner。

地點、酒家、菜式、飯後果, 甚至乎話題都跟上年和前年差不多, 悶人之飯局!!!

年年都話鮑魚蒸得唔夠腍、瀨尿蝦唔夠大隻, 但年年都去同一間酒家點同一樣餸俾同一班人斬到一頸血...

下年若沒轉工, 可否轉去西貢食海鮮?