狂歡

除夕要返工真係好不妙, 仲要鬼死咁眼瞓添!!! 決定先返屋企午睡片刻, 夜晚再出去狂歡...

拮

輸咗錢當然要撒賴, 要求 KT 請食宵夜, 去了太子一帶覓食, MY 提議先拮後磨, 好鬼大膽!! 但最終三人只係坐响路中心齋拮...

回程途中, KT 架車經常撻唔著, 死响燈位前, 仲有好多個燈位添架, 真係妙死人!! 幾經辛苦先返到屋企, 好彩唔係去深井先...

大輸家

噚晚失驚無神又砌了 8 回合, 輸了一舖七隻內食糊的嚦咕嚦咕, 大嗱嗱 88 番, 結果輸清籌碼...

下次 MJ, 一定要著桃紅色衫 + 黃褲仔!!!

小如妙語 - TB篇

某日, 小如與同事對話 -

同事 : 哎呀, 原來呀邊個邊個係 TB 呀...
小如 : (反應極大) 吓, 唔係呀嘛!!! 乜依家仲有人會有呢種病架咩???
同事 : X&%Y$^%X#$Z#%$^X*

小如妙語 - 狗展篇

某日, 小如往 salon 理髮, 洗頭時 -

髮仔 : 小姐, 聖誕節去咗邊度玩呀?
小如 : 咁你呢?
髮仔 : 無去咩特別地方, 只係去咗九展...
小如 : 咦, 乜你原來有養狗架?
髮仔 : (面色一沉) 我無養狗, 只係去咗九龍灣展貿的 rave party...
小如 : (故作鎮定) 哦, 係呀, 我之前都有去過喎... (死頂中...)

除夕回顧

2001 - 與橫丁 & 煩死人去了尖沙咀鐘樓, 有人倒數後無啦啦暈咗, 教人不知所措的除夕夜...

2002 - 與好友 KM, 菇菇 & bf 去了世貿, 因為趕住下一場, 倒數完便匆匆離開, 最歡欣的除夕夜...

2003 - 與煩死人孖住去尖東倒數, 好彩撞唔到我唔想見嘅人, 鬱鬱不歡的除夕夜...

2004 - 一行八人去了沙田中央公園倒數 (點解會去咗個合家歡場地??), 好鍾意自己買的巨型豆豉鯪魚, 最古怪騎呢的除夕夜...

2005 - ???

Jack Black

終於記得《King Kong》入面個衰導演係《School of Rock》個男主角呀, 唔怪得咁熟面口啦...

呀姐誕生日

今日呀姐生日, 舉家去了沙田周記避風塘食飯, 避風塘炒蟹同辣辣象拔蚌好好味呀, 仲正過橋底辣蟹。飯後, 呀姐男友仲安排了神秘生日蛋糕, so sweet~~

P.S.-1 新城市廣場真係佈置得好靚, 好有氣氛, 最衰無帶相機...
P.S.-2 原來七樓開咗咁多新食肆, 條扶手電梯好型喎...

閒

生活實在係好閒, 好想令自己充實啲, 再次體會 "唔夠時間用" 的感覺...

學整蛋糕 or 學攝影 or 繼續讀日文都係好方法, 可惜份人好怕悶, 一定要有人陪先得...

打鞭奴

商量了很久的聖誕節目, 最終還是決定齋打鞭奴。

全晚高潮當然係交換禮物, 本人精心挑選的蛙筆, 最終落入人妻 J 手中, 卻換來一句: 「好核突!!」, 無買到蜥蝪筆已經留咗手架啦...

輸小姐

今晚砌了 16 回合, 輸小姐大發神威, 竟然一家贏三家, 無天理!!!

謎 : 到底今日 KT 間屋有幾多個人呢?

King Kong

一早安排好的聖誕慶祝節目, 因為場地問題, 唯有順延至元旦舉行, 真掃興。

最後決定去睇《King Kong》, 真係幾緊張刺激, 剩係睇 "恐龍狂奔" & "King Kong 惡鬥哥斯拉" 嗰兩場已經值回票價。最衰坐第五行, 睇到我頭暈暈...

一路睇, 一路覺得隻 King Kong 好似我一個中學同學, 仲忍唔住笑咗出來...

X'mas Eve

罕有地平安夜同家人度過, 去了呀姐的村屋開聖誕扒地, 照舊係媽媽嗌得最大聲。

最過份係有人買咗套《國家地理雜誌》連 DVD 做抽奬禮物, 好彩唔係我抽到咋!!!

Christmas is all around

I feel it in my fingers, I feel it in my toes
Christmas is all around me, and so the feeling grows

It's written in the wind, it's everywhere I go
So if you really love Christmas, c'mon and let it snow

You know I love Christmas, I always will
My mind's made up, the way that I feel
There's no beginning, there'll be no end
Cuz on Christmas, you can depend

You gave your presents to me, and I gave mine to you
I need Santa beside me, in everything I do

If you really love me, c'mon and let it
Now if you really love me, c'mon and let it show

-- from "Love Actually"

薛佳凝

薛佳凝到底係邊位? 無啦啦有人話佢個樣好似我...

原來如此

一直都唔明點解每次曬數碼相, 總係俾人 cut 頭 cut 尾, 依家終於明哂啦...

多謝賜教。

樣衰

今朝落巴士, 由上層第二級樓梯跣到落下層, 雖然好鬼驚咁大叫咗一聲 "哎呀", 但事後仍然扮鎮定扮若無其事, 超級樣衰...

至憎人企响巴士樓梯架啦, 阻鬼住哂!!!!!

Lucky

今日公司開 x'mas party, 有大火雞食, 又俾我抽中個三奬, 雖然只係封小利是, 都好過無吖...

氣結冬至

今朝比平時早咗 5 分鐘出門口, 落到巴士站, 竟然有張 notice 話無 35A 搭, 迫於無奈要落葵芳再轉地鐵, 結果足足要 45 分鐘先返到公司, 又遲大到, 激死我!!

食完 lunch, 老細無啦啦幫我駁咗個 LCD 芒, 搞咗成兩個鐘, 但啲色仲差過我原先個大舊芒。今日明明早放架嘛, 搞鬼住哂, 結果 5 點先走得...

決定聽日一定要換走個 LCD 芒。

My 3rd Disneyland

雖則對香港迪士尼無乜興趣, 但因為媽媽生日, 又可以免費入場, 於是請咗一日假去玩。

成個迪士尼人山人海, 剩係入場都排咗成個半鐘, 未入場已經消耗一半 energy!! 由於時間緊迫, 只係玩咗兩個遊戲同睇咗兩套劇, "巴斯光年" 都唔係咁好玩之嘛... 最不妙係竟然連一個卡通人物都見唔到, 到底匿埋哂去邊!?

那個所謂的 "白色飄雪小鎮", 真係把鬼中之把鬼, 啲肥皂泡整濕咗我部相機個 LCD screen 呀!!! 基於人多, 無奈自己又生得矮, 真係無辦法影到煙花, 激死我!!!

算罷啦, 既然媽媽玩得開心...

掃興

今晚收到一個壞消息, 興奮心情即時大減...

算了罷, 橫豎無乜損失。

唔妥

到底係心理作用定係醫生無料到? 總係覺得有啲唔妥...

外拍

今日第一次正式用部新相機, 去了玄圓學院影菊花, 兩條友仔哄到啲花埋一埋, 實在係好白痴...

希望下次可以影人, 現誠徵模特兒。

WTO

噚晚睇反世貿示威的新聞睇到半夜一點, 從來無諗過香港會出現咁激的衝突畫面...

入貨

上次買啲新衫都未開, 今日又去掃貨, 呢期的購物慾好強!!

銅鑼灣街頭

人的確係少咗, 但未至於水靜河飛。

去完寧記打邊爐, 仲專登走去維園嗰邊搭巴士, 路路暢通喎...

Urban Dream Capsule

噚晚路過朗豪坊四樓, 發現多咗個玻璃密室, 佈置成屋企一樣, 入面有四個光頭老外做真人 show。為咗破世界記錄, 未來三星期佢哋都要响間密室入面生活...

又唔係籌款, 到底有咩意義!? 真係唔覺得有咩好睇喎, 無謂之極...

Perhaps Love

終於睇了《如果‧愛》, 好鍾意 "十字街頭" 同 "空中飛人" 嗰兩幕, 周迅做得好好呀!! 池珍熙竟然唔需要配音, 仲唱得唔錯, 有少少喜出望外。反而張學友要配音, 有無搞錯!!

最妙係散場後, 有個男子竟然模仿聶文腔口唱 "因為你是愛我的....", 真頂癮!!

價值

放工後即興去旺角 shopping, 剩係朗豪坊都行咗成三個幾鐘。可以好豪咁買部幾千蚊的 DC, 但千幾蚊條牛仔褲實在係唔捨得買...

今晚又撞到 Esther, 同佢鬼咁有緣!!

無皇管

老細無啦啦聽日飛澳洲, 今個禮拜又無皇管啦, yeah~~~

卡拉之星

為咗睇卡拉之星, 噚晚成三點半先瞓, 今日瞓到十二點都仲係好攰添...

My New DC

最終還是選擇了 Fujifilm, 成部單鏡機咁款, 又真係型仔過部 Canon 好多嘅。今次竟然無格價, 好衝動咁就拍板買咗部相機, 雖然 within budget, 但希望唔好買貴嘢啦...

實在有太多嘢玩, 保守估計要一頭半個月先至舞得掂部機。

Wedding

今日放咗工同莊友 B 趕頭趕命去跑馬地觀禮, 點知港島區大塞車, 搞到成兩點幾先到, 逗留不足半個鐘就走。班兄弟姐妹團真係無得頂, 一對新人絕對殺哂...

觀完禮去了盛傳有靚仔坐陣的 Aries 食 cake, 其中一個真係好 OK 喎...

What a Mess

今朝簡直係一團糟, 兩個耳窿流血, 巴士壞咗, BB 仔嚎哭, 仲有個男仔响架巴士度行來行去...

耳窿

選擇忍痛定放棄?

破財

今晚又破財, 咁就無咗五舊, 肉赤死...

小事

出奇地沒有太大反應, 小事一樁...

葬禮

第一次參加基督教葬禮, 比起傳統的佛教儀式, 少了煙霧彌漫, 少了生離死別...

氣氛倒教人輕鬆...

麻婆島

《麻婆島》- 意料之內, 胡鬧得很。

好彩男主角有型又精壯...

情人節

情人節約了 Eason, 真好...

黑服

發覺自己的衫褲鞋襪真係太鮮艷, 連一對深色鞋都無。

好唔容易先搵到一套黑服...

大閘蟹

十二月先至來大閘蟹宴, 已經無蟹乸食, 質素一般...

全晚至正竟然係杯薑茶!!!

坦白

今晚飛電單車去西貢食飯, 雖然唔係開得好快, 但當有大貨車經過, 都有少少驚。

發覺自己不單止坦白, 仲好大方得體添...

失控

好耐無同呀姐行街 shopping, 今日晏晝好似失控咁, 買咗一件褸、一個袋、三件衫、三條裙...

DC Fever

終於開咗個 DC Fever account, 同人 share 啲相真係好開心呀, 快啲去投我一票啦~~~

Canon S2 VS Fujifilm S9500, 兩部都咁鍾意, 買邊部好呢?

織女

咁大個女都只係織過一條頸巾, 仲要係粗冷全低針, 硬磞磞的。條頸巾仲有好多手汗添...

真係好想見識吓 44 嗰件溫暖牌冷衫, 唔會拆咗咁賤格啩...

lock

到底邊度會有可以 lock 門的卡拉 OK 房? 真的摸不著頭腦...

唔通真係 CEO Neway 房內的 toilet!?

反肚

最終還是去了肥膩的王家沙食飯, 三個人叫了八碟食物, 飽到反肚...

今晚又無位食桂花酒釀丸子。

誠意

由買禮物到約食飯都臨急臨忙, 擺明好無誠意...

仲未諗到今晚去邊度食飯添, 死啦死啦!!

Small Potato

舊同事開的樓上舖愈做愈旺, 仲上埋東方添, 好犀利呀!!! 幫佢做吓宣傳先 : http://orientaldaily.orisun.com/fea/fea_h6cnt.html

佢個 homepage 係莊友 B 砌的, 我都有份寫個版面架...

東華

好快就到一年一度的 "歡樂滿東華", 又係時間唱番首 "Camilla 雙下巴"...

X'mas 就梗係唱 "媽媽生" 啦...

零食新寵

卡樂 B 新出了芝士火鍋薯片, 好香芝士味, 仲有少少酒味, 真係好正呀!!!

可惜唔係度度有得買...

Birthday Gift

26 歲生日禮物大哂冷!!!

濕身日

約咗三個幾月先約到班莊友去海洋公園, 但紿終都係唔齊人。

今日玩滑浪飛船, 水流好似特別急, 坐中間位都濕哂, 有無搞錯呀!! 年紀愈大, 愈唔夠膽玩機動遊戲, 以前玩海盜船可以坐最高嗰排, 但依家坐中間嗰排都已經好驚...

夜晚諗住去歌賦街食飯, 點知兩間心水餐廳都無開, 唯有下一站天后。响 Ironwood 食完正餐, 再去大坑道食 cake, 點知倒瀉杯水, 條褲又濕過...

P.S. 今日又撞到 Esther, 發現久唔久就會撞到佢喎, 有無咁橋呀!?

BBQ 生日會

去完親子旅行已經攰到死, 夜晚仲去 BBQ 慶祝我同 KK 的生日。

BB 挑選的 Adidas 波鞋雖然唔係我最愛的南瓜頭款, 但都幾靚喎。打開個鞋盒, 見到 BB 的證件相, 真係嚇咗一跳, 最邪係有 BB 呀姐張證件相!!!

尷尬家長日

今日代呀姐做家長, 要請半日假帶咪咪去幼稚園的秋季旅行。

晨早六點半起身去接咪咪, 第一眼見到佢就覺得自己撞鬼, 我竟然著住一件同卓思幼稚園校服有九成相似的藍色衫, 其他家長實以為我專登襯絕架啦!!!!! 入到班房, 老師劈頭第一句就話 :「嘩, 媽媽好後生喎!!」真係發佢個瘟...

去到荔枝山莊, 一面忙於照顧咪咪, 一面要同其他家長打交道。個個家長都話我同咪咪好似樣, 十足十餅印一樣, 唯有一而再, 再而三強調我只係咪咪呀姨, 好尷尬...

最頂癮係俾咪咪捉咗我出去玩親子遊戲, 矇住對眼嘅我剩係聽到班老師嗌 :「咪咪, 捉住媽媽隻手啦, 捉住媽媽隻手啦...」搞到我心都亂埋, 結果包尾而回。相信部 view cam 一定係咁影住我...

生日飯

今晚又來生日飯, 去了銅鑼灣的 "阿拉丁咖喱屋", 地點僻靜、咖喱又好味、仲緊要係有電視睇《胭脂水粉》大結局, 茶少果然無介紹錯!!

今晚從橫丁口中得知一件荒淫事, 實在係太淫亂, 唔怪得之唔講俾我聽啦...

頂

連老細同老板娘都走埋, 今日要一頂四, 有冇搞錯呀!!!

生老病死

生老病死, 一下子湧埋嚟...

不一樣

同樣係每日收到 SMS, 感覺卻不一樣...

......

原來人真係可以咁兒戲, 完全意料之外...

有少少毛骨悚然...

忙

同事 J 又放大假, 搞到我一腳踢...

好耐無試過朝九晚六都只係做公司嘢!!

生日 SMS

今年收到一個好無格調的生日 SMS :

小琪今年二十六, 身材愈嚟愈成熟;
下年就到二十七, 行得走得又砌得。

點解咁似 "男極圈" 嗰啲咸濕打油詩!?

It's my day!!

今年正日生日同屋企人慶祝, 又係競食大賽咁, 當然有我最愛的 blueberry cheese cake 啦!!

Tea time 仲約了 BB 同 MY 玩 Spelldown, 點知俾經理 "趕"。啍, 好巴閉咩, 我下次去第二間 Double Star Cafe 玩...

"喇甩"

今晚去了 KM 精心挑選的 "喇甩" 餐廳食飯, 個名真係好騎呢!! 最衰間餐廳無電視, 無得睇台慶添...

有新耳環同香水, 真好...

愈想愈無謂

無得 download 新歌, 唯有聽番啲陳年舊歌, 呢期最愛 Eason 的 "愈想愈無謂"。

乜首歌好冷門咩!? 竟然好多人都未聽過... Eason "woo" 得好好聽架!!

傻豹

又有人話我肥咗呀!!!! 無辦法啦, 呢排係咁食食食, 唉...

今晚去了久仰大名的 "橋底辣蟹" 食海鮮, 隻蟹成三斤重, 差唔多我自己一個食哂, 攞明谷肥我啫! 都係九記的海鮮好味啲。

收到一件桃紅色外套, 會唔會 cutie 咗啲呢!? 成隻傻豹咁...

女人的秘密

日本雜誌《 SPA!》訪問了二百名女性, 當中一成自爆會吃鼻屎, 有人更吃上癮。「我想過戒吃鼻屎, 但實在做不到。」二十四歲的辦公室女郎說。

更可怖的是, 四分一人承認成年後試過至少一次 "賴屎", 同樣人數試過大解後不洗手。

-- 11月18日蘋果日報《世界萬象》

發火

又係佢, 又係佢!! 搞到我同橫丁無名火起, 小小事之嘛, 到底煩夠未呀!?

大時大節唔好要我發火, 已經盡量 hold 住自己嘅情緒...

1st Gift

今年收到的第一份生日禮物, 係我好歡喜的 Playboy 兔子巾巾, 好襯我呀!! Yeah~~

柏金遜

今晚最後一個離開公司, 走嘅時候硬係覺得唔聚財, 好似漏咗嘢咁, check 吓自己個袋, 手機、銀包、化妝袋全部拎齊, 應該係自己諗得太多...

差唔多去到深水埗, 突然醒起原來唔記得熄燈、鎖門、lock 密碼!!! 唯有搭倒頭車折返公司, 仲要俾 "實 Q" 發現添... 柏金遜症日益嚴重!!

小熊維尼

好鍾意嗰張 "肚腩版小熊維尼" 相片, 引述 John : "小熊維尼係我抓緊肚腩男最 cute 一瞬間影的"...

啲 caption 真係無得頂, 妙死!!!

b420

不嬲以為《b420》只係解 "before twenty", 原來仲可以解 "before too old"。

又想入戲院睇添, 但呢排好似睇得太多戲...

冷淡

上莊結婚, 莊友們反應冷淡, 一早預咗, 但唔好猶豫不決嘛...

結果豬達單拖赴會, 型!!

筆名

近排無無聊聊, 睇了 MY 送的 "工具書", 最好睇係林超榮寫的序, 同埋最後頁的新書推介。

真係頂唔順個筆名, 無格調之極, 用番真名仲好啦...

BBQ Party

今日 join 了 KK 和呀信搞的 BBQ Party, 呀信女友真係好靚, 成個後生版李若彤, 唔怪得之叫 "姑姑" 啦...

去到咁僻的地方燒嘢食都撞到人, 仲要係我同 KM 都好討厭的中學同學, 兜口兜面咁撞到佢, 想扮見唔到都唔得, 真係撞哂鬼!!

全晚高潮係玩 "心臟病", KM 真係笑爆咀, 好彩最後反敗為勝, 唔駛好似 KK 咁喪嗌 "昭音音"。

P.S. 玩 hand killer 盡量唔好十指緊扣, 好難傳 signal 架...

Proof + NaNa

好耐無試過一日睇兩套戲, 仲要係同一間戲院添。

《Proof》簡直係悶戲一場, 啲劇情慢到暈, 中段睇到瞓著咗, 好彩係免費首映飛!!

《NaNa》故事一般, 偶爾會有啲笑位, 首主題曲幾悅耳, 相比起《Proof》, 已經算好好睇嘞!!

睇完戲由太古城行去西灣河, 途中偶到 HH, 有少少不知所措, 同佢寒暄咗幾句, 之後繼續尋找平價 Maltesers...

意大利

依家問番我當年去意大利的旅行路線, 鬼記得咩, 6年前嘅事啦!!

剩係記得雪糕好好味、pizza 好鬼平、同埋 gondola 個船夫好型仔...

P.S. 有個三姑竟然問人借個 6L 背囊, 少咗個 "0" 喎, 離哂譜!!

絞

噚晚嗰餐一定好唔乾淨, 半夜個肚絞住痛, 痛足成個鐘...

懷疑元凶係碟蜆!!!

Corpse Bride

差不多落畫先至走去睇《怪誕屍新娘》, 最鍾意呢啲古靈精怪嘅戲, 最衰知道個結局, 少了份驚喜。

想睇多次《怪誕城之夜》...

走唔甩

查實真係樣樣都好喎, 如果佢大隻啲、靚仔啲, 一定唔走甩...

Holiday Mood

同事們輪住放假, 成間公司充滿 holiday mood, 最妙係連老細都係咁, 真係撞鬼!!

舊曆

今年竟然無人記得我舊曆生日呀!!! 原來已經過咗成個禮拜, 連自己都唔知...

"腰"

噚晚同 PK 暢談了個幾鐘, 句句都 "腰" 心 "腰" 肺, 真係好唔夾...

義工

近排無啦啦做咗翻譯義工, 算罷啦, 甘心情願...

友情價 = $0 , 有無咁著數呀!?

Last chance

係唔服氣架啦, 點都要再試一次!!

Why?

都已經 11月架啦, 點解仲係著緊短袖衫?
明明已經瞓得好多, 點解仲係咁眼瞓? 對眼仲係咁腫?
每次聽孫燕姿啲歌, 點解都會覺得好爽?
去完旅行無耐, 點解又有 "好想行開吓" 的感覺?
Hallmate PK 份人咁靠唔住, 點解佢啲搭羅牌占卜會咁準?

妙蓮

又係 TWMJP, 但今晚不在狀態, 做咗大輸家, 真係妙蓮...

玩死

真係俾班莊友玩死, 由八月開始約去海洋公園, 約到依家都未約掂, 明明擇哂日架嘛, 啲人又要臨時放飛機, 真係激死我啦!!!

再放飛機嘅話, 我真係咬人架!!!!!

又食

今晚又去九記食海鮮, 正如 KM 所講, 再咁食落去, 膽固醇一定會超標...

唔公平

點解呀姐去啤酒節個晚啲氣氛咁好架? 個個除哂鞋咁跳, 仲爆場添, 唔公平呀!!!!!

孤獨精

今晚無啦啦做咗孤獨精, 真係激死我啦!!

尖咀行

原來真係好耐無去尖咀行街, 金馬侖道間滙豐幾時裝修好架? 新港間無印幾時摺埋架? Out 哂...

今晚發現自己真係好唔鍾意食日本拉麵, 明明好餓架嘛, 但都食剩大半碗...

P.S. 今晚有人話我個樣好 "潤", 真係咩!?

TWMJP

噚晚又來了一場 TWMJP, 後四圈打足三個鐘, 有個邪人竟然莊連五, 結果打到 12 點幾。之後仲死去發記食宵夜, 最終搞到成 3 點先瞓, 好彩今朝仲知醒起身返工。

好耐無同美女 MJ, 依然 "碰" 得好清脆, 好鍾意佢猜輸, 真係無夾埋架...

曝光

去啤酒節啲相俾人 upload 咗去 Bierfest 個 homepage 呀!!

Login : siuki
Password : tjahh54k

兔女郎個張真係好妙架~~

Bierfest

第三年去啤酒節, 諗住 Halloween 實會有特別節目, 點知一如以往, 仲少咗兩個遊戲玩添, 無得俾 BB 一展騎功。而且人又少, 氣氛唔夠熱鬧, 好彩有個 "正" 爆兔女郎艷壓全場, 仲提供埋餘興節目添!!

每年總會有人負責看袋, 估唔到今年竟然係 "李鵬", BB 成日都帶埋啲唔啱咀型的朋友來, 但自己又剩係掛住玩, 好過份!!

三位數

兩個禮拜無去做 gym, 今日一上磅, 發現體重直迫三位數, 比去新疆前足足增咗三磅肉!!!!!

一定要 "的" 起心肝戒零食同埋做多啲運動...

All About Love

終於都睇咗《再說一次我愛你》, 不過不失。呀 Sa 配華仔比楊采妮配華仔還要順眼, 估都估唔到...

一直都好期待《如果‧愛》, 睇埋段 trailer 後更加想睇, 入場當聽歌都抵。

P.S. 感謝各方好友咁關心我的行蹤...

神怪

呀哥講得啱, 真係連科學都解釋唔到, 我都覺得無理由...

有冇人幫吓手?

新 game

近排經常幫襯的 online games, 好好玩, 啲公仔仲好 cute 添!!

http://www.telford.com.hk/game/
http://funnyflash.com/games/facial_house/

飽滿

好耐無試過 weekday 瞓足八個鐘, 今朝起身, 感覺好飽滿...

神不守舍

幾樣嘢加加埋埋, 搞到整日都神不守舍, 最離譜係竟然搭錯地鐵...

John & Dr. Fan

John : 只不過無見三個幾月, 塊面瘦咗一圈, 好羨慕...

Dr. Fan : 闊別一年, 依然係擁有三下巴的肚腩男... 好鍾意 Dr. Fan 睇中醫係因為 "成日諗食嘢", 聞所未聞!!

可惜, 餐飯食得有啲匆忙...

保護費

話咁快個 fotop account 又到期, 為咗保住我啲相薄, 唯有交保護費啦...

讓路

聽聞雲南之友 John & Dr Fan 聽日到港, 三小花必定盡地主之誼, 所有約會都要讓路...

去邊度食好呢?

凶日

我最心愛的紫色琉璃鈪今朝意外失足, 跌到粉身碎骨, 好心痛呀呀呀~~~

呼天不應

呼天不應, 相信已被人 ignore... 到底搞咩呀!?

新波鞋

感謝 MY 幫我買咗對睇中咗好耐嘅 Adidas 波鞋, 有碼又有折, 真係好到極!!

情侶裙

詢眾要求, 拍下傳說中的情侶裙, 仲特別情商呀姐充當模特兒, 個 pattern 真係好少見架!!!

扮靚日

原先諗住去新疆前洗一個牙, 但懶懶行最終都無洗到, 直到今日先至得閒約屋企附近的靚仔牙醫。

洗完牙仲做咗個 facial, 感覺真爽...

黑社會

無期望會好似《暗戰》或《PTU》咁好睇, 但都唔好相差大遠嘛... 令人失望。 受不了那些懶型的結義儀式; 受不了那些黑社會詩; 更加受不了林雪... 真係夠嘞!!

一路睇一路諗 : 如果睇《大騙兔》就好啦...

姊妹

噚晚陪 KM 試姊妹裙, 條友竟然同老板娘講, 話我下年年尾結婚, 好彩應對能力高, 唯有好淡定, 仲笑笑口咁話 : 「係呀, 係呀, 但好多嘢都未準備...」。仲扮哂嘢問老板娘攞咭片, 玩死!!

Bonus : 認識了三個好 nice 的女孩子, 雖然第一次見面, 但已經表現得好熱情。

探病

近排忙於探病, 頻頻撲撲, 唯有減少出外耍樂。

連《大騙兔》都趕唔切睇, 鳴鳴鳴...

癢

右邊個耳窿又痕又癢, 去完新疆之後一路發炎到依家, 點算!?

今日仲標血水添呀!!!

Pizza Express

噚晚 KT 一拖四去蘇豪食飯, 點了四季 pizza、皇后 pizza、野菇包、Caesar Salad、同埋好好味的菠菜卷。

最抵係杯 iced tea, refill 咗起碼 4 次...

tangminghao

好開心呀!! 今朝收到在新疆認識的大哥嘅 e-mail, 由於當時我同 MY 訛稱自己係剛畢業的大學生, 大哥於是問我們 "工作聯系好了嗎?", 真係好照顧~~~

但實情係, MY 比大哥還要年長...

豪版 BBQ

今日去咗老細位於滌濤山的豪宅 BBQ, 除咗一般燒烤食物外, 仲有大蝦、貴妃蚌、羊扒、豬脾骨、日本番薯、溫室南瓜... 最頂癮係有巨型帶子同鮮鮑魚, 好豪!!

旅行貼

有個無聊人又在返工時間, 利用公司資源, 砌了張新疆旅行貼, 旅途上遇到的人都被我拼貼埋一齊~~~ ^0^

Marie

近排再度迷上 Marie, 今朝又 "隊" 咗半筒...

我的英式早餐 : Marie 餅 + 小杯熱奶茶

夜遊小總結

Agenda 1 : 好明顯有人從中阻撓, 無理由會避開我哋架!?

Agenda 2 : 真係好妙, 唯有順其自然, 我會練習極速講嘢兼無停頓位...

Agenda 3 : 咪又係咁...

Makye Ame

晚上看旅遊雜誌, 看到一篇關於拉薩瑪吉阿米酒館的文章 :

傳說藏族姑娘瑪吉阿米美得傾國傾城。六世達賴一次偷走出布達拉宮, 與她在酒館邂逅, 無欲無求的聖侶動了凡心, 與瑪吉阿米熱戀起來, 並約定每晚在酒館相聚。可惜不久之後, 密會情人的行踪便告敗露, 自此達賴便在嚴密監管之下過活, 而瑪吉阿米亦從此消失在這世上...

原來四年前曾經留下足跡的小店, 有過這樣動人的故事... 有機會一定要重臨舊地。

《情斷西藏》

正在翻閱國內同事 send 來的網上小說 -- 《情斷西藏》, 九萬多字, 共 66 頁 A4 紙。同事還叮囑我看完可別哭...

只看了三份一, 已經見到好多熟識的名字 : 羊卓雍錯、那曲、八郎學、阿里、卓瑪、直貢寺、唐卡、四季客棧、哈達、八廓街...

茶餐

油多 + 炒蛋 + 火腿 + 牛通 + 檸茶 + 燉奶 = 盛惠 40 個大洋

非一般茶餐, 又真係幾好味喎...

電車男

無聊得嚟又真係幾好笑喎, 電車男雖然騎騎呢呢, 但好可愛!! 唯一敗筆係個女主角, 又老又唔靚, 顯得格格不入, 還是喜歡電視版的"愛瑪仕"...

Hermes 杯 + Benoist 紅茶, 我都好想試吓... _I￣IO

又老一歲

燒完嘢食, 同兩個同年同月同日兼同醫院的好友慶祝生日, 去咗 Dining Room 食飯。恭喜兩位又大一歲, 終於有資格做校董啦!! 好羨慕有人正日生日去迪士皮玩呀~~~

今晚响南豐撞到 KT 同女友, 呢排出街成日都撞到人, 不妙...

BBQ Day

今日難得 Family Day, 一行九人去咗小纜 BBQ, 雖然有瓦遮頭, 但都熱到溶咗... 唔駛 $70 可以燒足一日, 又真係抵喎!!

去行跳蚤市場, 竟然撞到我個韓國客, 大家都好興奮, 有無咁 "橋" 呀!?

物以類聚

真係妙極, 都話物以類聚架啦, 兩條友都講埋啲差唔多嘅說話... 好討厭!!

Down...

因乜解究, 今日成日都 natural down...

仲要四肢無力, 個頭又痛... 死得!!

點架!?

今晚又做了件大膽事, 但結果未如理想... 到底點架!?

偷窺

花了一晚時間睇某某的 online album + blog, 赫然發現另一半己經換咗人! 相信佢一定無諗過我會定時 update 佢個 album, 感覺有少少似偷窺...

到底有幾多個好耐無聯絡, 又或者同我好生疏, 甚至乎陌生人睇緊我個 blog 呢? 突然覺得有少少可怕, 即刻 remove 咗擺响 online album 條 link...

包抱

擺完 booth, 拖住疲累的身軀同呀腸慶祝生日, KK 再次施展擾人技倆, "KK" VS "WW", WW 竟然毫無還擊之力, 失望!! 反而呀腸不時令人喜出望外, 進步神速...

食完飯, 剩番 KK, BB 同我去飲嘢, 同 BB 响諾士佛臺前來了一個好緊的擁抱, 好痴線!! 三條友開支白酒, 傾咗個幾鐘, 最鐘意 KK 嗰句 : "我包抱", 忍唔住拍手叫好...

腳抽筋

終於都完成個 fashion 展, 企足兩日, 企到腳抽筋, 辛苦過返工 100 倍...

行哂全場, 至削就係我公司個 booth, 其求擺幾條拉鍊出嚟就算。是但啦, 老細話咩就咩啦...

Magic

不嬲都有個半男不女的莊友, 以前個 look 還算 acceptable, 點解依家會搞成咁!? 做咩好似古巨基上身架!? 真係救命呀...

佢本身已經係一個 magic...

執嘢

今晚失驚無神好想執書枱, 發現自己原來有 19 本 4R 相薄, 仲收收埋埋好多有趣小玩意同各地手信, 搞到人又亂諗嘢...

終於俾我搵番個玻璃樽、成盒洗面梘、BA 畢業相、同埋張牙醫覆診咭啦~~~

唉...

啱啱收到新咭片, 真係激死我啦, 有乜理由 1800 張咭片, 有 1600 張係印錯? 竟然唔記得改 email address, 我班同事有冇再蠢啲呀!?

印咗出嚟都睇唔到有錯, 係咪發雞盲架!?

港島遊

今日唔去海洋公園, 同三條麻甩仔無無聊聊兜咗入 Cyber Port 諗住睇戲。但戲無睇, 剩係買咗罐 coke light 就走, 好無謂...

最後決定去赤柱食德國菜, 隻脆皮咸豬手真係好好味呀!! 晚飯後即興買咗個蛋糕, 返 HKU 同啱啱响迪士尼放出嚟的莊友 G 慶祝生日, 發現莊月明樓仲掛住豬達的 poster, 真係狂!! 我哋仲响 HKU 做咗好多好白痴嘅事添...

又係呢四條友, 又係兜錯同一條路, 豬達又係講埋同一句說話; 唯一唔同係架車由 BMW 變咗做 Lexus...

黃金週

竟然唔記得咗黃金週... 今日睇新聞, 見到海洋劇場場場爆滿, 搭纜車都要等成個鐘, 都係避一避風頭先。

海洋公園之旅唯有留待 11 月先去啦...

童夢奇緣

今晚終於去睇期待已久的《童夢奇緣》, 果然無令人失望, 睇到尾段仲感動到喊添...

最妙係睇戲前响南北和撞到 MY, 仲要唔係我最先認到佢, 一時間真係反應唔來...

兔子

今朝難得返工有少少忙, 忽然收到 KT 的超無格調 email。忍唔住狂爆笑...

Schedule

Schedule 亂哂, 今次大鑊啦!! 明明返咗嚟香港, 無理由仲咁緊張架... 咁吐魯番嗰次算係咩呀!? 連鎖反應呀!?

有啲擔心添...

攝影師

又有人質疑我啲新疆旅行相唔係我親自操刀, 有少少暗自歡喜...

我真係上過堂、拜過師架!!

Todai

熱烈恭賀 Todai 重開, 今晚終於去擦餐勁, 由 7 點食到 10 點, 最緊要係有人做東道, 多謝哂!! 但代價可能係 "哦" 足半年...

啲海鮮真係好新鮮、好好味呀!! 食完呢餐, 膽固醇一定超標, 仲唔小心俾隻長腳蟹噬番一啖, 隻手指仲好痛呀!!!

大個仔

恭喜 KK 終於都大個仔啦...

深信 KK 的工作壓力真係好大, 成晚一輪咀不停咁講嘢, 擾人技倆拍得住 WW, 勁!!

有求必應

有求必應, 感覺真好!!

頭盔頭

今日又係睇相派手信時間, 仲來咗 6 圈 TWMJ 止痕添。WW 的擾人技倆確係好利害, 嘈足 6 圈, 真係頭都病埋...

PP 的新髮型完全無得頂, 第一眼真係認唔到佢, 好似戴咗頭盔咁, 忍唔住狂爆笑, 真係好無儀態!!

Manager

為咗 10 月的展覽會, 公司打算印新咭片, 我個 title 無啦啦變咗做 "Marketing Manager", 好無謂!!

加人工俾我仲好啦...

氣質

呵呵呵, 今日俾人話我有氣質, 忍唔住笑咗出嚟... 繼 "小家碧玉" 之後又一傑作, 呵呵呵....

明明不嬲都以無格調見稱架嘛, 真係呃得吓人...

笑笑

今晚去了久仰大名的 "笑笑居酒屋" 食飯, 又真係幾好味、幾抵食喎。

又被責罵了一輪, 今次真係搞到身邊好多朋友都好擔心添...

胃口

弊, 去完旅行返嚟, 發覺自己真係食大咗個胃!!

响公司朝十晚六勁 cher 零食; 食完個魚柳飽餐仲要整多舊藍莓 cake; 晚飯前仲要 "隊" 多個咖喱牛肉飽...

唔敢上磅添...

九記

今晚去咗土瓜灣九記食飯, 成四年無去, 啲海鮮依然咁好味, 老細仲係咁好人。

唉, 眨吓眼就四年...

旅行日誌

日以繼夜, 廢寢忘食... 旅行日記, 終於大功告成, Yeah~~~

入鄉隨俗

今晚同 KT 夜遊, 互相分享旅遊經歷, 下次去旅行我一定會帶哨子同 "咩咩" 架啦...

KT 講得啱, 風俗還風俗, 無理由要入鄉隨俗架嘛!!

受寵若驚

今日無啦啦收到對面公司一個男孩子的小禮物, 真係受寵若驚... 明明平時無乜兩句架, 妙不可言呀!!

浮

休息咗兩日, 咁快又要返工, 好辛苦呀!! 成個人仲浮吓浮吓...

多得同事 J 鼎力幫忙, 我張檯仲 keep 得好整齊, 份手信抵俾嘅!!

冷靜

諗番轉頭, 响咁危急嘅時候, 仲可以咁處變不驚, 覺得自己真係好利害...

真係喊唔出喎, 剩係知道最緊要諗辦法甩身, 冷靜得有點兒可怕...

掛住掛住

好掛住壽司、魚柳飽、脆薄 pizza、咖哩魚旦、章魚小丸子...

亦都好掛住 "娃" 湯、妙脆角同麻辣味薯片

中秋佳節

中秋佳節, 今年竟然全晚都留响屋企。實在好需要時間去執番個樣...

哈薩克

到底邊度會有得學哈薩克語呢? 學識咗一定會妙不可言!!

經歷

新疆之旅, 實在有太多預計唔到嘅事發生...

烏魯木齊 : 太繁華, 現代化得有點兒過份;
禾木鄉 : 之前無 plan 過會去的, 風景最靚但兩小花都不幸發生意外;
哈納斯 : 大失所望, 太多遊客同太商業化, 但妙死咗;
布爾津 : 無諗過大陸會咁個咁歐陸風格的寧靜小鎮, 幾好 hea;
魔鬼城 : 可能去嘅時候無乜風, feel 唔到有幾 "魔鬼";
吐魯番 : 熱到死咗, 不愧為 "火洲"

好唔好玩? OK 啦... 但肯定係經歷最多的一個旅行。好彩遇到幾個講價好叻又好諧趣的 local 人, 為成個 trip 生色不少...

返來啦...

終於都返來啦, 眨吓眼就玩咗 15 日... 終於都可以正正經經咁沖個熱水涼, 爽死啦!!!

返到屋企, 諗住實有靚湯飲啦, 點知連罐頭湯都無得飲... 媽媽仲已經嘆住冷氣咁瞓咗覺, 818 成員真係無情呀!!!

有喜

網主有喜, 休息半個月... 唔好太掛住我呀!!

雖敗猶榮

MY 今次徹底輸咗俾葉玉卿, 雖敗猶榮啦...

戲

明明唔關我事, 做咩臨放大假前仲要人上大陸廠喎, 仲要 stay 一晚添, 悶死人啦!!

考 ISO, 感覺似花一大筆錢做一台戲...

補課

臨急臨忙上了一堂補課, 原來有好多 function 都好好玩, 希望可以學以致用啦!!

估唔到仲要做功課, 好認真...

歡快

今日已經 handover 哂手頭上的工作俾同事, 就好似 resign 咗咁... 感覺好歡快!!

蘭桂坊

點解蘭桂坊搞到好似重慶大廈咁, 間間餐廰都走出街兜客同派傳單, 感覺好差!!

求其 "貢" 入一間西餐廳, 又有意外驚喜喎, 咁大個女都未食過咁有質感的薯茸; 甜品的賣相雖然唔討好, 但又真係幾好味喎, 最緊要係有 9 折嘛...

BA仔

放工後在港島區頻頻撲撲咗個幾鐘, 最大收獲係見番讀 BA 的同學仔, 佢係唯一一個仲 keep 住有 contact 的翻譯系同學。畢業後都無見過佢, 依家已經成為一個 solicitor trainee, 好勁!!

由於搞錯咗約會時間, 所以只能夠短聚幾分鐘。睇唔慣佢梳個咁清爽嘅髮型, 無哂江口洋介 feel, 但菇菇話佢幾靚仔喎...

Fail...

終於證實入學試唔過, 真係好弱...

算罷啦, 一早預咗, 專心去玩吧!!

反屈

今晚去了食土耳其菜, 不外如是啫, 都唔好味嘅...

明明話咗有人請客架嘛, 做咩咁小家要人夾番錢架!? 仲要反屈我請食 lunch, 乜我個 friend 咁 cheap 架!!!!!

來啦...

終於都來啦, 時間啱啱好... 好兆頭!!

失控

噚晚大家都受咗好大刺激, 情緒失控, 竟然可以一路笑但唔拍手, 相信係因為成個人都 function 唔到...

心情稍稍平復之後, KT 講述 "髮花的故事", 情緒再次失控... "陰陽頭" 同 "我是一隻妓" 真係好過份!!

好妙架

真係好妙架... 令人有窒息虛脫嘅感覺...

其他嘢一下子都變得唔妙啦...

那拉提

由於時間所限, 又唔想走馬看花; 決定唔去天鵝湖啦, 唯有响那拉提大草原舞蹈啦...

試機

今晚專程去了中環 Soho, 諗住試吓部相機, 點知竟然唔記得帶電芯, 只係影咗一張相咋...

幸好吃了一頓美味的法國菜。

無名火起

晨早溜溜就收到 44 的 morning call, 點解一個咁高大威猛嘅男人會咁煩、咁囉嗦架!? 搞到我無名火起...

下次都係扮聽唔到電話嚮...

打齋

KT : 好妙, 做咩私下同齋人往來
MK: 唔覺意撞到之嘛...
KT : 唔信, 一定係同佢打咗一場齋

不得不佩服 KT...

神秘嘉賓

放工去了旺角撲機票, 迎面以來竟然係齋人, 攀談了好一陣子, 還相約了响佢遠赴英國前來一個飯局, 但確實係唔想食齋...

同 MY 決定每人帶一個神秘嘉賓去新疆, 心目中已有適當人選, 唔知 MY 會帶邊個去呢?

但到今日都未 firm 到機票, 好擔心...

不善辭令

果然係不善辭令, 講幾句嘢都咁窒...唔怪得之成日都用 SMS 啦!!

超支

成朝都忙於 check 機票, 點解深圳飛烏魯木齊仲貴過响香港直飛架!? 希望有機位啦...

原先預計新疆之旅的 budget 係大約五千蚊, 但剩係來回機票都成四千個大洋!! 仲貴過飛東京, 嚴重超支...

行程

用了成個下晝, 終於都 plan 好新疆的初步行程, 決定唔依本旅行書, 好大挑戰...

但仲未 firm 機票!!!

暗啞底

有人無啦啦借相機俾我去旅行, 又可以慳一筆, 好嘢!!

懷疑大家暗啞底幫我, 好好...

悶戲

下晝同莊友 C & F 補祝生日, 去了帝京酒店食 tea buffet, 好好味呀, 啲甜品尤其出色, 賣相仲好靚添。

食完 tea buffet, 撇低班莊友, 去了睇 "隱劍鬼抓", 節奏好慢, 中段好悶... 都係鍾意睇怪雞片多啲, 熱切期待 "Corpse Bride"!!

天雨

落左成個禮拜豪雨, 無奈取消聽日嘅海洋公園之旅。

睇怕聽晚都係要做一次衰女, 唯有撇低我班莊友嘞...

咕咕力獎門人

終於都睇咗 "咕咕力獎門人", 睇得好開心, 最鍾意啲 Loompas 人, 個個都一樣樣, 好得意。呢啲咁古靈精怪嘅戲就最啱我睇, 證明 Tim Burton + Johnny Depp 真係好得!!

夜晚相約 hallmate 再次慶祝橫丁生日, 去咗幾年無幫襯嘅 "Shooters 52" 食飯。今晚發覺 PK 真係好似魯振順, 撞鬼!!

儀態

從今日起, 要盡量保持儀態。

笑嘅時候只可以露出 6 隻牙齒, 唔可以一路笑一路拍手, 最好係掩住咀 "呵呵呵" 咁笑... 打牌嘅時候要好清脆咁嗌 "碰", 食糊要講 "唔好意思", 更加唔可以用手指指住雀友...

仲要學會 "被動"...

酩霞飛

噚晚活動臨時有變, 失哂預算, 白費一番心機。

晚飯後來了一個夜遊, 去了 KT 推介, 有老歌聽的酩霞飛, 無論舊歌定新歌, 都係以老歌嘅腔口嚟唱, 好妙!! 噚晚輸了一個馬鼻俾 WW, 但贏了 KT 成條街, 呵呵呵...

封舖

今日要聞 : 疑涉 13 人食物中毒個案 美麗華商場 Todai 餐廳被封

有無搞錯!! "板前壽司" 係咁; "Todai" 又係咁, 做咩啲我想去好耐嘅餐廳都被封舖架!? 唔制呀, 唔制呀, 快啲重開呀!!

美極

點解每次都咁 "橋"? 真係美極...

唔好俾我估中, 我會好失望... 決定要查探!!

排序

真係好鍾意排次序, 咩都可以排一餐, 答案呼之欲出啦。但有啲 choice 真係太爛, 好難排...

噚晚學識一種新招 : 拖網法。形神俱似, 好貼切...

八月十七日晚

八月十七日晚, 三小花於油尖旺一帶出沒, 問了三個相同的問題 : 你响邊? 做緊咩? 有咩生日願望?

還送上一樣的祝福 : 腰患早日康復。

紅魔女

噚晚去咗整頭髮, 本來只係諗住輕輕 highlight 紫紅色, 點知愈玩愈大, 依家變咗紅魔女添...

清淡

由聽日開始, 要陪媽媽食得清淡啲...

襯絕!?

從來都無諗過同某某襯絕喎, 襯咁又點? 一定唔 work 架喎...

對於呢方面不嬲都好遲鈍...

ABC

友人話要教我一個新 term : ABC。唔係啩, 仲要教!? 一早識啦!!

仲以為有新演繹添, 好失望...

橫丁大壽

噚晚又係慶祝生日活動, 今次的主角係好姐妹橫丁。唉, 想當年實牙實齒話 26 歲前一定要去多次歐洲, 依家去鬼去馬咩, 最終都實現唔到呢個願望...

橫丁到今時今日先知嗰個男人係何許人, 有無搞錯!?

又壞

屋企部電腦又壞咗... 有無搞錯, 等人哋得閒上網嘅時候先至嚟壞!?

"乾騷"生日會

星期六考完試, 與好友 BB 同 NY 慶祝生日, 傾盆大雨, 但堅持千里迢迢入西貢。幸得小北北仗義相助, 不辭勞苦車我同 MY 入西貢, 仲見識咗譽滿筲箕灣的 "安利" 切腩河添。

入到西貢, 一行八人衝入一間意大利餐廳食飯。好欣賞 KK 買的 "蜘蛛俠" 套裝, NY 竟然夠膽死即場演繹, 有種!! 收埋咗成年的 "誓不低頭" 大結局, 亦終於物歸原主。

食甜品之際, 同 MY 鬼鬼崇崇準備呈上 "乾騷" 蛋糕, 靚仔 waiter 好幫得手, 但問我哋係咪用嚟拜神, 過份咗!! 估唔到個直徑 6 吋的乾騷餅都幾好味, NY 堅持自己食哂一整個, 點都唔肯分俾 WW, 恐防乾死...

食完飯去咗 BB 家, 但咩都無玩, 齋睇陳年舊照同 "男人魅" 演唱會, 好無謂!!

唔過

終於都考完個入學試, 好鬼難, 竟然要考 comprehension, 成篇文章一隻漢字都無, 睇到我眼都花!! 仲要衰到有一 part 留空咗, 睇怕今次都碌唔過架啦...

還好, 可以安心準備新疆行程。

睇好

睇好指數由 60% 飆升至 80%, 好樂觀...

要過呀!!

考試在即, 心情緊張, 希望碌過啦。今次無人封 $1.2 利是俾我添...

我又要去...

啱啱先有時間睇番菇菇的日本之旅相薄, 懷疑有人心廣體胖... 雖然啲相嘅質素只係一般 (好明顯係妒嫉), 但都好羨慕呀, 我又要去日本!!!

乜原來我啲零食手信係玩遊戲贏番嚟架!?

塞車

今朝青山公路塞車, 預料將會遲大到, 於是打電話返公司報定案, 接電話嘅係轉數慢十拍的新同事 W, 內容如下 :

MK: 我依家响青山公路塞緊車, 唔知幾時先返
W : 吓, 咁慘呀? 咁點算呀?
MK: 我都唔知喎, 都唔知幾時先可以行返車
W : 咁點算呀? (我懷疑呢句係佢口頭禪)
MK: 吓, 我只不過打返嚟同你哋講話我無咁快返之嘛...
W : (猶豫中) 咁如果你遲過半個鐘, 你仲返唔返嚟呀?
MK: 梗係返啦... 做咩唔返呀?! (氣結中)

新疆之旅

最終只剩兩朵小花決定去新疆, 美妙極要相依為命啦...

忙裡偷閑

溫咗幾日書, 噚晚決定出街抖抖氣, 俾個腦休息一吓...

結果, 比溫書還要傷神...

輝

呀輝同輝輝係兩個唔同嘅人, 請唔好搞錯!!

見到佢個 email address, 有少少 "腰" 住 "腰" 住添...

苦讀

兩個禮拜之內要將兩年所學嘅嘢硬塞入個腦度, 簡直係 impossible!!

埋頭苦讀中...

入學試

為咗個入學試, 呢個 weekend 竟然好乖咁留响屋企溫書, 仲要溫到半夜點幾鐘...好辛苦呀!!

同以前一樣, 都係臨急抱佛腳...

燕尾碟

皇天不負有心人, 終於都俾我搵到林一峰 + AT17 版本嘅 "燕尾碟", 搵咗好耐架啦, 勁開心呀!!

Blog

今朝早搭正九點返到公司, holiday mood 又發作, 完全無心工作, 無啦啦發神經睇番友人的 Blog, 睇足成個鐘...

一路睇, 個心一路寒; 發現有好多歪理, 發現自己原來好唔了解呢個人, 有少少難受添... 算罷啦, 關我咩事!? 印象中有啲 message 好似唔見咗, 都幾似我, 又一掩耳盜鈴的好例子...

日本手信

好開心, 今晚相約咗 KM 同菇菇食飯, 收到菇菇的日本手信, 係靚靚耳環、介指同細菌小子公仔呀!! 多謝哂!!

三個白癡婆誤打誤撞幫襯咗韓國燒烤城嘅任食晚餐, 基於唔好蝕嘅心態, 大家都搏命食, 飽到想嘔。今晚個肚頂住頂住, 瞓唔到覺添...

俏俏話

近排常常講俏俏話...連相距不足兩尺的同事都同我私底下 e-mail 講俏俏話, 實在對呢間公司有太多不滿啦!!

都係鍾意 KT 响我耳邊講俏俏話多啲...

七劍

噚晚去咗睇 "七劍", 各人的評價可謂差天共地。Hyper 咗的寶寶對此片有讚無彈; 相反, CC 睇睇吓竟然夠膽死走去隔離院睇 "The Island", 果然係好唔鍾意睇港產片。

可能之前對呢套戲無咩期望, 反而覺得幾好睇喎, 新疆嘅大漠風景真係好靚呀!! 甄子丹型到爆, 好搶鏡, 金素妍同楊采妮都唔錯。套戲成兩個半鐘, 我都只係恰咗 2、3 個字, 證明已經拍得好好架啦!!

噚晚真係未開場先興奮, 原先四個人睇戲變咗五個人, 仲要入場前响戲院巧遇 KT, 真係妙不可言...

WW 金句

繼 "做人最緊要囂張" 之後, WW 又一最新金句 : "只會 reject, 唔會 suggest"

真係好臭...

充實

終於都捱過悶極的 ISO training 同考試, 可以專心溫日文啦。咩都唔諗住, 最緊要係考咗個入學試先。

生活一下子變得好充實...

八月

邪惡的七月終於都走啦, 要提起勁迎接忙碌的八月...

備案

今日收到個備案電話, 好欣賞呢種做法, 無得頂!!

唔通外國嘅空氣清新啲, 令到人都醒目咗? 啲直覺有冇咁準呀!?

舊同事

噚日去咗 shopping, 買咗六件衫、一條褲、一對鞋同一對耳環, 滿載而歸, 好到極。

夜晚一班人同三個舊同事慶祝生日, 艾力全程不停咀咁講嘢, 就算靚仔都無用, 咁鬼煩, 由最初嘅 90 分跌到得 60 分...

不聞不問

滿腦子都是疑團同猜忌, 好可怕。討厭這種感覺, 有衝動想改變初衷...

不聞不問是否最好的解決方法??

物以類聚

睇完 Coco Li 的 online album, 百分百相信物以類聚, 完全合哂 44 的胃口, 點解會鍾意呢一 type 架??

深信橫丁同我都唔會 like 呢個女子, 盡量唔好相約飯局呀, 我個樣實臭架...

夜遊

自從 MY 離開石蔭貧民窟之後, 好耐都無夜遊啦。噚晚終於來了一個, 但因為隱瞞同不信任, 令到氣氛好 odd, 仲搞到能言善辯的 KT 語塞, 我真係唔想架...

P.S. KT 欠我一個半年後先可以公開的秘密, 到底乜嘢令到 KT 咁擔心呢??

Marathon

噚晚去咗睇 "我的馬拉松", 起初以為個故事會好老土, 但睇完又覺得 OK 喎, 有啲位都幾感人, 但都係鍾意睇愛情片多啲。

P.S. 終於都報咗日文 course, 距離考入學試不足兩星期, 發現自己連五十音的寫法都唔記得, 真係要加倍努力啦!!

她與他

她又重覆以前的生活模式及習慣, 只是換了人物、地點, 希望結局不一樣...

他又是老模樣, 當別人 step forward, 他便 step back, 到底想點!?

豬骨煲

明明話咗要食大桶豬骨, 要用飲管啜骨髓嗰隻呀, 又話大角咀有得食, 呃人嘅, 只係普通豬骨煲之嘛!!! 到底邊度先有得食呀??

真相

終於知道真相...

無錯, 下流係無法掩飾, 單憑聲音就可以推敲出來...

鮑魚之肆

今晚又學識一個好妙的新詞語【鮑魚之肆】-

解釋 : 賣醃魚的店鋪。比喻臭穢的地方、惡劣的環境或小人聚集的場所。劉向《說苑》- 卷十七雜文 :『與惡人居, 如入鮑魚之肆, 久而不聞其臭, 亦與之化矣。』

反義詞 : 芝蘭之室

娛樂頭條

26/07/2005 -《蘋果日報》娛樂頭條 :

"兩年內勁減一百磅締造瘦身神話的鄭欣宜, 收身成功後旋即成為新一代少男殺手, 吸引大批狂蜂浪蝶, 每次出街都惹來少男狂目及。"

唔係啩, 只不過由一塊泡湯吉列豬扒變咗做香煎豬扒之嘛!!

愛情與擁有

一個人愛上了另一個人, 苦苦地擁有對方, 最後才明白, 幸福, 卻在鬆開雙手之後降臨。

《王魚的舞蹈》- 高慧然

Training

今日去咗上 ISO Training, 朝九晚六, train 足八個鐘, intensive 到不得了。求學時期都無試過一日上咁耐堂, 好辛苦!!

好彩個 consultant 都幾諧趣, 我都只係得 1/3 時間係閂埋對耳仔...

Mr Hong Kong

今晚同屋企人一齊睇港男, 成班女人睇到 V 嘩鬼叫, 但估唔到嗌得最大聲嗰個係媽媽, 好到極...

有其母必有其女, 妙!!

烈火戰車

噚晚第一次坐電單車, 上車前都有少少緊張, 但實在係開得太穩, 一啲 "烈火" 嘅感覺都無...

Before Sunrise

噚日又去了 CC 家, 重溫早前為 Bill 拍下的片段, 又真係拍得唔錯喎, 尤其是後段 KK 的訪問, 好有新聞透視 feel, 幾正!!

晚飯後一齊睇《Before Sunrise》, 好睇過延續篇《Before Sunset》好多。好欣賞女主角的率直, 有好多位都好感人, 最鍾意扮傾電話嗰一段, sweet 到爆!!

大提琴家

豬達又一 "估佢唔到" 鉅獻 : 40 歲前要做一個識拉大提琴的廣告人!!

估唔到佢認真到買咗個大提琴返屋企, 型死!! 衷心祝佢學有所成啦...

迪士尼

今晚約咗遠道由 Orlando Disneyland 返港的莊友 G 食飯, 聽佢大吐苦水, 決定兩年內都唔會去香港迪士尼啦 !!

啲制服真係好無格調喎, 橫睇掂睇都係似中國雜技團嘅戲服多啲...

旺場

呢排做咩咁旺場!? 哈, 痴咗線...

手繩

好耐無玩織手繩呢啲小手作啦, 織一條好傷神架... 雖然一向都唔理啲無謂要求, 但今次不得不屈服, 因為實在係煩死人啦 !!!

唔知橫丁有無啲又靚、又織得快嘅 pattern 呢??

天氣與球賽

係喎, 明明話過剩係講天氣同球賽架喎... 點解又會講咗咁多其他嘢嘅呢??

今朝睇咗一篇小方的報導, 佢話自己係一個 "零防範" 嘅人, 我諗我都係...

發炎

死啦死啦, 今朝瞓醒, 右邊耳珠個窿滲血呀... 點算呀???

終於輪到我發炎啦, 連鎖效應呀 !!!!!!!!!

感動

今個下晝, 收到好多意想不到的消息 : 有歡快的、有 sweet 的、仲有令人緊張的...

有少少感動到想喊添...

Back to Normal

終於可以相約好耐無見的朋友; 終於可以參與 family 的活動; 終於有時間去 Physical 做 gym; 終於 "的" 起心肝溫日文...

Bill 走咗之後, 生活開始 back to normal...

善忘

原來大家都咁善忘, 除咗記錯橫丁現任男友個名之外, 仲差啲講唔出佢個 ex 嘅名, 連 "林小姐" 個英文名都要絞盡腦汁先至諗到...

好鍾意無啦啦幫人改名做 "Keith", 亂咁嚟, 真係好痴線!!

P.S. 今晚做咗耳環狂, 一口氣買咗 8 隻耳環, 好興奮!!

舞蹈

現有多款舞蹈任君選擇 :

民族舞、美茹舞、拉丁舞、貼面舞、拉丁貼面舞、老舞同埋最新嘅狂騷亂舞...

我剩係識跳民族舞, 好鬼弱!!

坦白

唔鍾意被 trap, 好彩份人夠坦白...

結果

雖然未算 "Fantastic" , 但至少唔係 "What a mess", 都 OK 喎, 好彩!!

原來又係荃官人, 估唔到 Bill 真係咁出名...

貼

原來有好多人都貼得好緊, 仲要係暗貼多過明貼...

直頭係貼實個背脊, 好厲害!!

緊張

到底今晚會係 "Fantastic" 定 "What a mess" 呢? 有啲緊張...

病到死死吓, 真係唔想赴會添, 但又唔可以辜負人家一番心意喎...

生日 SMS

永遠有不妥協傷口　有些憾事不放手
若你太刻意淡忘　越會補不到缺口

還是 send 了一個無格調的生日 SMS...

打劫

今晚打劫了三隻靚靚耳環返嚟, 仲要係我好鍾意嘅 Playboy 兔, 多謝哂 !!

希望三個耳窿都生生性性, 唔好發炎呀...

Bill 來電

晏晝收到 Bill 的長途電話, 來了成個鐘的真情對話, 愈覺淒美...

Bill 走咗, 仲有邊個幫我?? 睇嚟都係要自力更生...

感冒

慘, 又作感冒, 仲要俾人咀咒七七四十九日, 好鬼驚!!!

都怪自己唔錫身...

自欺欺人

今晚出席了愚兄的無謂應酬, 見識了傳說中的 "趙微", 唔好玩啦, 邊 part 似呀? 相信都係中蠱太深... 最激氣係話佢肥我少少, 點睇都肥我至少兩個碼啦, 離哂譜!!!

晚飯後撇甩 "趙微", 同三條麻甩仔去豬達屋企舉杯暢飲。明明親眼見到架嘞, 點解仲要死口唔認?? 點解要自欺欺人?? Evaluation 的結果竟然係再來多一次飯局, 約到嘅話, 我實赴湯蹈火出席!!

今晚覺得豬達真係好鬼正 (唔係反話), 間房亂得嚟又幾型喎, 最鍾意道黑色牆, 好有住 mini 嘅 feel...

魷魚屍

"魷魚屍托世", 好惡毒的咒罵 !!! 真係無得頂...

送 Bill 機

今晚係 Bill 遠赴花旗國的大日子, 出奇地沒有太大的離愁別緒... 估唔到連 KT 同 MT 都去送機, 真係有情有義。

先前安排好的驚喜, 因為 "嗰個女人", 搞到大家陣腳大亂, 真係激死!! 同 KT 都覺得今次應該有人有少少騷動, 難得如此大方, 卻錯失一個大好良機, 真係好可惜、好淒美...

好多謝 Bill 留俾我的兩份 "禮物", 真係好鬼幫得手, 我都好想有機會用得到...

谷底

都話七月唔利我架啦, 一個又一個打擊湧埋嚟, 全部都出乎意料之外, 年年都係咁, 我真係頂唔住架 !!

心情跌到落谷底...

有心人

有心人 VS 誘心人

果然係非我族類...

眼腫

今朝瞓醒, 隻左眼又唔聽話, 又紅又腫... 莫非係死症?

一時疏忽

都怪自己太唔冷靜, 無理由咁都諗唔到架!?

一時疏忽, 失望之極...

Closer

晏晝瞓醒, 百無聊賴, 又睇多一次 "Closer"...

喜歡呢套戲係因為每個人睇完都會有不同的睇法同感受。睇完第二次, 依然堅持己見, 個心好唔舒服, 到底應該選擇坦白定隱瞞?

Where is your love? I can't see it, I can't feel it, I can't touch it. But I can hear it. I can hear some of your easy words.

開始懂了

多謝好友 KM 的一席話, 現實同想像可以差距很大, 開始懂了...

感激有人可以咁了解自己, 忍不住哭了...

擋箭牌

唉... 做擋箭牌都算嘞, 仲要出席埋啲無謂應酬, 我收應酬費架 !!

雖然唔認同, 但一場兄妹, 唔通唔幫你咩...

證件相

自從睇完《天使愛美麗》之後, 就開始收集親朋戚友的證件相, 已經有 40 幾張啦, 第一張收到嘅係 HH 的。前幾日攤哂出嚟睇, 真係好鬼壯觀...

其實都唔係好關套戲事, 主要都係自己份人古怪...

六人飯局

不嬲都係三人行, 尋晚終於有人打破悶局, 橫丁好嘢 !!

仲記得响和民的六人飯局, 唔通真係可一不可再 ? Touch Wood...

置身事外

點解咁不負責任? 點解仲可以咁理直氣壯? 係咪思維出現問題?

算罷啦, 決定置身事外, 都係嗰句 : 「是但啦, 你鍾意啦...」

窩心

盛怒的時候, 聽到幾句關心的慰問, 真係好窩心...

怒火熄咗一大半, 我都好需要人氹架...

震怒

好耐無試過咁嬲怒, 嬲到語塞, 差啲透唔到氣 !!! 都咁大個人, 點解做嘢可以咁無 sense, 真係無得頂...

預計怒火將會持續多 2、3 日...

美好事件薄

廣州之行雖然有少少不愉快的小插曲, 但有好多美好事情發生... 搞到成日都有想舞蹈嘅感覺 !!

多謝 MY 提醒我其中一件好緊要嘅美好事, 好想記低同人 share 但又唔夠膽 open 個事件薄喎...

廣州之行

終於都有時間寫番期待已久的廣州之行。

同肥哥哥闊別四年, 感覺依然好親切, 肥哥哥肥咗又 man 咗, 同以前一樣咁調皮, 搞到三小花好歡欣。估唔到今次玩到咁大, 竟然住响一楝好鬼靚嘅三層高別墅, 果然有山有水, 仲要對住個湖添, 好美好...

入別墅前去咗碌齡, 一路都表現平穩, 但中途忍唔住酥咗, 成個人亂哂, 結果後勁不繼...

晚餐食農家菜, 個 "龜煲雞" 湯真係好鮮甜美味呀, 雖然好想添飲, 但基於 CC 熱愛龜類動物, 大家只好默不作聲... 為了確定大家到底食咗隻草龜定巴西龜, CC 仲同肥哥哥爭拗了好一陣子, 感覺 CC 有少少種族歧視。

晚飯後去咗放煙花, 今次係第一次放煙花, 估唔到咁有手感, 成棚人一齊放, 真係好靚呀...

相約好西藏之友搭正 12 點開樽, 雖然仲記得自己寫咗啲咩, 但開樽嗰一刻依然好緊張, 估唔到 "美茹條仔" 咁有文采, BB 自稱 "芹菜" 都好唔要臉 !! 呢晚又寫了新的字條, 延續 "Messages in the Bottle"...

懷疑自己真係同流星無緣, 又或者散光太深, 點解大家都起碼見到 3 至 4 粒流星, 我就剩係睇到一粒咁大把 !!

第二朝晨咁早, 肥哥哥就俾其中兩個同伴嚇親, 一面尷尬咁走入我同 MY 間房... 真係過份咗, 點解咁唔錫身 !?

發現 BB 有時都幾可愛, 當佢知道自己錯怪呀 Bill 時, 竟然二話不說就走去呀 Bill 面前講對唔住, 連當時人都唔知咩事, 好勁...

雲南之友 John 帶咗我哋去 "有雞農場" 食晚飯, 啲嘢食好味又特別, 個湯都好好飲, 但始終唔及個龜湯好嘢...

回程途中, 同 BB 一齊 "叮" 一聲諗起 "水一樣的流浪女孩", 個心好寒...

繼續對對

近排發現大家的詞彙見絀, 為了提高語文水平, KT 出了兩句上聯 -

上聯 1 : 戀姦情熱
上聯 2 : 美琪好美好

諗極都諗唔到點對...好鬼難 !!

對對

來來來, 一齊對對 :

魚人 VS 馬頭
民族舞 VS 拉丁舞
天經地義 VS 天理不容
言行不一致 VS 前後不一樣

最後嗰對最美好...

來來來...

今晚 MY 做東道, 去了和民歡快一番。不知何解, 今晚竟然做咗個史上最臭的表情, 比臭 W 還要臭, 真係好想睇吓自己個臭樣...

飯局期間, 有人爆咗句 :「來來來, 我來抱你...」搞到人家心都癢埋, 成個人醒哂...

第一次聽 "V-Shape" 事件, 竟然用嗰個位用支點, 真係好厲害, 佩服佩服... 但諗極都諗唔明有咩咁好玩 !?

慚愧

今晚收到一張由 Jamaica 寄來的 postcard, 咩地方嚟架? 個署名又睇唔清楚, 仲要暱稱我做 "美美", 何許人呀??

睇埋個內容先至知係 hallmate 44 寄來的 postcard。唉...有少少慚愧添...

徒勞無功

夜晚去咗旺角尋粉, 結果徒勞無功, 連縱橫 10 年的老江湖都話未聽過, 點算??

尋粉過程非常搞笑, 各人的答案如出一轍, 好似整蠱緊人咁, 好尷尬...

上鏡

重溫早前拍下的 video, 不得不佩服 KT 同 WW 的囂張氣焰, 原來 KT 一早就開始擺動身體, 似乎真係好喜歡舞蹈...

每當見到自己上鏡時, 總覺得怪怪的, 乜我平時係咁架咩!? 原來把聲係咁難聽架!?

掩耳盜鈴

近排又做咗啲掩耳盜鈴嘅小動作...

我認我係小家, 咁又點呀??

鯉景灣之夜

今晚慶祝莊友 A、莊友 B 同上莊 E 生日, 好耐無試過兩莊一齊搞活動, 好鬼熱鬧...

識咗豬達咁耐, 今晚破天荒無遲到兼第一個到, 好感動 !! 同舊年一樣, 又係去鯉景灣食飯, 然後去莊友 B 屋企開 P, 好無新意...

食完蛋糕, 各人紛紛四散, 剩番兩男一女促膝長談... 多謝莊友 A 照顧有加, 成事嘅話, 我一定會分發 commission 。

Cheer Up

聽日就係 7 月 1 號, 話咁快就過咗半年。人愈大, 愈覺得時間過得好快, 好懷念讀書時代添...

又要迎接最唔鍾意嘅 7 月... 一定要打破慣例, 要 cheer up !!

喜事

恭喜橫丁, 賀喜橫丁 !! 希望有連鎖效應啦...

表白

諗番起情人節同 BB 講的真情表白, 真係錯哂... 執番身彩 !!

BB 講得啱 : 經一事, 長一智

哽住

自尋日 lunch time 開始就無哂心機, 哽住哽住, 連飯都食唔落... 好彩有人同我身同感受。乜我啲要求真係過高咩??

放工後同友人耍樂先至可以讓我稍稍釋懷, 依家都仲哽緊...

Batman Begins

終於都睇咗 "Batman Begins", 前段有啲悶, 但後段都幾好睇。

無論係主觀定客觀因素, 都係鍾意 Spiderman 多啲...

身有屎

好認同 KT... 身有屎, 好鬼好 !!

Attitude

友人忠告我要改變自己的 attitude; 否則, 機會將會逐一流失...

Sorry, 不嬲都唔走呢條路線, 做人一向好有原則 !!

應約

今晚終於應咗約, 感覺比預期中好, 都唔係好 odd 啫...

以前經常擔當發言人的角色, 估唔到今晚變成一個聆聽者, 又幾 OK 喎, 但好堅定唔會騷動...

身同感受

同 MY 通完電, 估唔到佢都身同感受... 好唔鍾意呢啲 scenario, 唔愛唔愛唔愛 !!!

其他人可能唔覺得係咩一回事, 但我真係好介意囉...

在意

根本就唔關我事, 點解會咁緊張同在意?? 呢次大獲嘞...

標美會

籌備多時的標標歡送會終於順利舉行, 好開心。終於見到久仰大名的何美鳳同傳聞好似 206 的 Crystal, 證明傳聞全屬虛構...

晏晝同 NY 攞住五枝拉炮、三個蛋糕、兩打乒乓波、一大張雀紙、仲有其他道具... 感覺似辦緊嫁妝, 好多嘢 !!

揀 WW 做 MC 確係明智之選, 無論係做 MC、玩遊戲、唱歌、跳舞、甚至玩骰盅都表現得好出色, 搶哂鏡 !! WW 金句 : "做人最緊要係囂張", 好鬼好。

點解我會 miss 咗 206 同 Bill 合唱個一 part 架, 據聞好精采架喎, 唔通我又失憶 !?

謎底終於揭盅, 希望 Bill 會鍾意我哋精心安排嘅節目同遊戲啦...

奏效

由於 KT 响上一次 MJP 實在係太囂張同神氣, 新三小花決定出絕招對付...

鮮紅 Maltesers 戰衣加人和招數果然好奏效, 自摸咗好多舖, 仲要 2 次 10 隻內食糊, 氣勢迫人, KT 後三圈剩係食咗舖尾糊, 輸到無哂籌碼, 好勁!! 但因為人和, 所以整個 MJP 都非常沉悶, 大家都好忍讓, 無得駁咀真係好辛苦呀...

MY 今次做咗 "另類炸蒸", 好慘...

Happy Friday

尋晚又成棚人去食飯睇戲, 《頭文字D》劇情麻麻, 但 "片" 車場面都幾刺激, 黃秋生依然出色。心情靚, 咩都好睇架啦...

飯局期間同久違了的肥哥哥通咗個電話, 雖然只係傾咗幾句, 但都好開心, 好耐無聽過人嗌 BB 做 "鮑魚" 啦, 好出色 !!

睇完戲去咗飲嘢, 大家討論爬山背囊前面條帶, Bill 話應該扣响 nipple 上面, 到底係企响度計定瞓响度計先, 好 confuse 喎... BB 諗嘢好有立體感 !!

好期待今晚的神秘活動, 尋晚有人差啲露咗口風, 實在係太大意啦 !!!

釘窿

終於都鼓起勇氣釘耳窿, 仲要一釘釘三個, 自己都覺得好厲害...

受死前仲要好似小朋友咁食 cone 雪糕定驚, 考慮咗成個鐘都猶豫不決, 總覺得釘嚟無乜意義, 又驚發炎, 下定決心只因 MY 一句 :「高興嘅時候可以帶呀嘛...」, 個樣好濕 !!

第一嘢竟然係釘耳骨, 痛到死, 再釘耳珠嘅時候已經無乜感覺。隻右耳紅哂, 雖則好痛, 但個樣依然鬆容...

唔可以打側瞓, 洗頭又要就住就住, 好唔慣。如我所料, 媽媽果然係最欣賞我耳骨嗰個窿, 真係好鬼開通 !!

無聊人

呢幾日响公司無所事事, 又整咗個公諸同好相薄, 今次嘅 Topic 係 "My Favourite Actors", 最鍾意係華仔個幾張 cover 相。

真係好鬼無聊, 我就係咁樣打發啲工作時間架啦...

認真

好耐都無試過咁認真去安排一件事, NY 確實係好 organized 同 efficient, 抵讚 !!

MY 都好好呀, 為咗我, 要你捱眼瞓, 真係唔好意思嘞...

麵包超人呀 !!

今晚响奧海城一間麵包舖, 竟然俾我見到麵包超人麵包呀!!! 新鮮出爐架, 入面仲有豆沙餡, 好鬼得意呀 !!!

"Siu Ki the Owl"

近排俾人質疑點解晚晚咁夜瞓, 個樣都仲可以咁精神...

實情係我玩緊嘅時候會好 energetic, 梗係要收埋瞓到成隻嘢嗰個樣啦...

突如其來

雖然只係 ICQ chatting, 但感覺依舊怪怪的... 熟悉的語氣、預計之內的答案、仲有突如其來的約會。

正如 KT 所講, 呢個約人食飯嘅籍口好無格調...

濕哂

今朝返工時候又落大雨, 倒水一樣, 有遮都無用, 對 converse 入哂水, 條褲濕到上膝頭 !!! 返到公司, 即刻借老板娘對拖鞋嚟著, 好鬼住家 feel...

好掛住太陽伯伯呀 !!!

王子的 message

今晚無啦啦收到王子的 offline message, 乜我唔係擺咗佢落 ignore list 架咩?? 成大半年無 contact 啦喎...

算罷啦, 今晚已經 add 番佢啦...

負離子民

實在係受不了自己把又厚又曲嘅頭髮, 今日決定做番個負離子民。

明明話修吓後面啲頭髮之嘛, 做咩又同我剪短前面啲頭髮呀 !!! 係咪玩我呀, 我留得好辛苦架...鳴鳴鳴...

Happy Saturday

尋日放工後, 立即相約好友們耍樂, 先飲茶, 後 MJ, 夜晚再同人慶祝生日, 好鬼充實...

KT 為咗克制我, 竟然用個橙嚟嚇我, 好嗱喳 !! 响呢個組合之下, KT 都無輸錢, 證明呢招好奏效... 發現自己真係好善忘, 完全唔記得自己有見過人妻 J 張帖, 諗咗 3 個幾鐘都諗唔到, 感覺好可怕 !!!

MJ 後, 趕頭趕命去買禮物, 正躊躇唔知去邊度包禮物之際, 竟然發現間新疆菜館為咗慶祝 3 週年, 每枱都會有一份包得好靚嘅神秘禮物, 啦啦聲放埋支香水入去, 真係好鬼勁 !!!

尋晚係自 WW 返新工後第一次見佢, 發脹咗好多, 仲同 KT 比併手臂添... 身為一個 PR, WW 果然可以 "一輪咀咁講嘢, 但又可以保持儀態", 抵佢咁鬼囂張...

晚飯後, 又來了 12 round MJ, 懷疑 KT 出咗邪術, 無理由可以食出清一色兼自摸十三么, 好過份 !! 知道自己神智不清, 於是打醒十二份精神, 以防小炸蒸現形...

騎呢病房

唔知點解, 護士 KM 所駐守的病房特別多騎呢事發生...

話說有個 houseman 半夜竟然大鬧病房, 唔單止掃哂藥車啲嘢落哋, 仲夠膽死用大大塊嘅藥水膠布封住呀婆個咀 !!! 過份咗, 但好好笑...

海鮮夜

今晚去咗 NY 推介的飯店食海鮮, 癩尿蝦同蟶子真係好好味, 最遜色係個薑蔥炒蟹, 個人認為太多薑蔥啦...

懷疑係因為唔收開瓶費嘅關係, CC 帶咗兩枝紅酒去飲, 顯得有啲格格不入。最估唔到係 206 原來可以咁豪、咁大膽, 勁 !!!

飯局期間, 無啦啦提起中學時代的三大絕招 : "拍胸掌"、"絕子絕孫斬" 同 "孽種拳", 本人最耍家始終都係 "絕子絕孫斬"。到底咩係 "嘩啦嘩啦稻草人" 呢?? 勞煩搵人幫我問吓 HH, 真係好想知...

當 MY 食緊薑蔥炒蟹期間, 送上精心炮製的 "金樽", 但 MY 好似有啲介意。呢個小玩意係我哋三個好俾心機整架, 連個樽底都有 design 架, 希望 MY 高抬貴手, 唔好毀咗個 "金樽" 呀...

好希望 NY 下次一發現唔對路, 就即刻撩我講嘢, 以免不必要的尷尬場面。

近期新聞

飯局前, 去咗葵芳會合 NY, 問及佢個呀姐上唔上鏡, 語帶相關, NY 兩樣都答哂, 好鬼好...

提到近期嘅新聞, 就梗係講緊 Michael Jackson 啦, 唔通 Donald Tsang 咩... 明明係報外電架嘛 !!!

久違了的...

原來同 hallmate 44 已經成 4 個月無見啦, 對上一次見面係年初三...

前幾日從橫丁口中先知原來呢位久違了的朋友去咗加拿大。換轉係以前, 應該一早就通知咗我, 仲可能要求送機添...

前晚收到佢的 MSN 問我個英文地址, 唔知點解, 嗰一刻感覺怪怪的... 睇番自己個網上相薄, 發現 44 好耐都無出現過...

我諗, 係時候要改變自己的態度...

甘拜下風

睇完戲同 KT 來了一個短聚, 不得不佩服 KT 的無聊小玩意及語文修養, 實在係甘拜下風。

乾蒸精 + 酥騷蒸 + 小炸蒸 = 三蒸

身為一個 solicitor, 點解可以諗埋啲咁無聊嘅嘢?? 雖則我好愛...

失望

啱啱睇完 Mr & Mrs Smith, 可能之前期望過高, 覺得有少少失望。Brad Pitt 俾 Angelina 搶哂鏡, 唉...

附近嘅人似乎都睇得好開心, 睇到笑哂, 但我真係笑唔出, 仲覺得有啲胡鬧, 睇到中段仲有少少 "恰" 眼瞓添。NY 睇第二次真係好好...

Thanks

多得各方好友鼎力相助, 終於都儲齊 "麥嘜串起你" 襟章啦...好鬼靚呀 !!

珀麗灣之旅

又去打攪 CC 的新居, 比兩星期前更似新屋入伙, 到處都封哂塵, 最嗱喳嘅係竟然無廁所用... 唯有成棚人去 club house 借廁所, 好彩大家都無肚痾啫...

送咗副木製嘅 Deluxe 版 Scrabble 俾 CC, 係可以供大家分享嘅新居入伙禮物, 一舉兩得, 好鬼好。

因為講錯咗個層數, 無啦啦硬食咗兩句粗口, 隻肥鬼好無禮貌呀, 心情唔好大哂呀? 搵我嚟出氣... 好嬲呀 !!! 整晚心情大起大落, 多得 MY 的支持同鼓勵, 決定加油加油 fighting...

發現 NY 真係太醒目兼太好記性, 起初打算殺佢滅口, 但同 MY 商量後, 決定留佢活口, 招攬佢成為 "新三小花", 恭喜哂 !!!!!

小炸蒸

行完山, 做完節, 利用僅餘嘅力氣去 KT 家 MJ。期間多次靈魂出竅, 頭腦遲鈍, 仲食咗一舖詐糊, 仲係好詐個隻, 結果被冠以 "小炸蒸" 之名, 好好聽...

相比起 NY 的 "卑鄙小子", KT 的 "小炸蒸" 實在係高班好多倍... NY 的口技仍然有待改進。

某君的 "乾"; MY 的 "酥"; 本人的 "炸"; 三人加埋就係 "乾酥炸", 好到極 !!!

P.S. 等緊 MY 提交 "乾蒸燒賣" 報告, 快 !!

大澳行山記

端午佳節, 一行 17 人去咗行山, 烈日當空之下, 由深屈道行去觀音山同靈會山, 目的地係大澳。上到第二個山頭時, 茶少响背囊攞出兩罐冰凍嘅紅毛丹, 實在係照顧周到...

沿途見到一碌刻咗 "蟻行者 - Ant's Walker" 嘅石柱, 好鬼 creative !!!

完成 4 個鐘頭上山落斜嘅路程, 兩邊膊頭曬得更燶, 兩條腿攰到軟弱無力...

Family Night

成個禮拜都無返過屋企食飯, 今晚決定推哂所有約會, 做個乖乖女。

為咗隆重其事, 媽媽準備咗我最愛嘅蟹粥, 比尋晚响 "池記" 食嘅蟹粥好味好多呀 !!!

旺角街頭

頻頻撲撲的一晚...

幸好最終都下定決心, 還有意外收獲, 好鬼好 !!

乾精

KT 又一出色之作 : 乾精。

佢竟然形容某君為 "乾精", 好過份...仲抵賴話自己其實想講 "乾蒸燒賣"...下流之極。

鼓舞

尋晚聽到啲好鼓舞嘅說話, 歡欣到傻咗...

已經盡量 hold 住自己嘅情緒架啦...

抱擁這分鐘

食完 buffet 諗住約 NY 睇《抱擁這分鐘》, 咁橋原來 BB 買咗同一場嘅戲飛, 於是諗住 4 個人一齊去睇。但最終兩個男伴都病倒放飛機, 最後得我同 BB 兩個去睇, 大家都無諗過今晚會同對方睇戲, 好好...

之前 KM 同我講話佢睇呢套戲個陣時由頭喊到落尾, 出名冷漠嘅 KM 竟然哭成淚人, 好緊要架喎... 睇完套戲, 無想像中咁好睇, 雖則有啲位係幾 "腰" 心, 但未至於感動到喊囉, 真係好難去投入個故事情節 !!

一見到個男主角就覺得好熟面口, 睇睇吓, 好鬼似 Nobu san 呀...大家都係咁不修邊幅。

Buffet

今晚 fairwell 同事 V, 去咗富豪酒店食 buffet。往酒店途中, 迎面而來一個高大型男, 即刻望多兩眼, 睇真啲, 原來係呀 Deep 嚟架, 真人型過上鏡 6 倍呀, 即時胃口大增 !!

雖然 buffet 啲嘢食好一般, 但都有食到想扣喉嘅感覺...

誠懇

好耐都無聽過咁誠懇嘅道歉...實情係根本就嬲唔落...

發覺自己真係好偏心, 如果換轉係第二個, 一早就黑咗面啦...

誤導

不嬲都覺得隱瞞係好好玩, 好刺激...

近排發現原來誤導仲好玩...

呵呵呵...

雖然有少少阻滯, 但都俾 MY 估中, 今日的確係好歡欣 !! 好耐都無試過由個心度笑出來, 感覺就好似知道 "邊次" 會同我哋一齊去珠峰一樣...

尋晚的不快事統統拋諸腦後...

蝕哂

避無可避, 今晚終於要同個紐西蘭客食飯...蝕哂呀, 蝕哂呀 !!!

明明講咗話响 lobby 等, 無啦啦又要人上佢間房, 無計可施之下, 唯有致電同事 J 求救, 但一啲都幫唔到我...一見到佢就俾佢攬住兼左右咀臉, 即時成個人亂咗, 仲要死頂扮大方...

唔好以為送隻手鐲同古古力俾我就可以亂嚟, 又掃我背, 又叫我落 bar, 又想灌我飲酒...想死呀 !! 即刻話自己之後約咗人, 同埋身體唔好, 唔可以飲酒。飯局期間, 佢竟然話我係佢其中一道 dishes, 實在下流得好緊要 !!!

臨走前仲要咀多兩嘢, 蝕呀, 蝕呀, 蝕呀... 走咗之後仲夠膽死 send SMS 再約我, 痴哂線呀 !!!!!!

為咗填補心靈上的創傷, 今晚忍唔住做咗一件大膽事逗自己開心...

城城演唱會

尋晚又過了一個好歡欣的晚上...

一行五人相約去睇城城 "飛越舞林" 演唱會, 結果四個人遲大到, 害 MY 要响尖東呆等成個鐘, 好過份 !! 但 MY 一見到我, 就立即怒氣全消, 嬲唔落啦啩...

演唱會啲飛係 BB 同我哋買, 佢仲話幫我哋揀個正面位, 結果係對到正小美同城城個 pat pat , 係咪玩嘢呀?? 充當演唱會 Cam Man 的 NY 成晚都剩係影到城城個背脊, 有相為証架 !!

由於大家都唔係城城 fans, 難免覺得個 concert 有啲悶, 唯有互拍自娛... 最高興係當城城懶感性咁講嘢個陣, 竟然有人大嗌 "除衫", 好鬼正。

Concert 還算好睇 , 雖然城城唱快歌有少少甩咀, 但跳舞就真係好好睇, 最鍾意係佢個 "燈膽機械人" look 同 "半裸蠍子人" look, 型到爆 !!!

Extra Bonus : 無啦啦响尖東見到我個囡同 PP; 仲有, 三更半夜食咗一大兜好好味嘅格格薯...

昆蟲

拒絕了莊友 A 的影昆蟲活動, 枉費咗佢一片苦心, 大人有大量, 下次一定唔會爽約。

剛剛收到莊友 A 的電話, 佢話今日風和日麗, 唔去嘥哂喎, 起初都有少少後悔無去, 但當我知道除咗蝴蝶同蜻蜓之外, 原來仲有四腳蛇、蜈蚣、毛毛蟲...

我最驚四腳蛇架嘛, 好彩無去啫, 如果唔係一定會手震到影唔到相 !!!

懶洋洋

好耐都無試過享受一個懶洋洋的星期日早上。

扭開收音機, 聽到陳奕迅的新歌《呀牛》, 同《夕陽無限好》一樣, 唔好聽...好懷念華星時代的陳奕迅, 忍唔住要聽番我最鍾意的專輯 - 《我的快樂時代》。

好期待今晚的郭富城演唱會...

6月4日

過了一個絞肚子的早上...

匿埋咗响廁所成半個鐘, 好死痛...搽完藥油, 堅持返工。

懷疑肚痾嘅主因係因為用咗夾生嘢 (仲要係鵝腸) 嗰對公筷食嘢, 好嗱喳!!

6月3日

過了一個好歡欣的晚上...

唯一美中不足係 BB 部 DV 機竟然夠膽死無電...離哂譜 !!!

教養

終於約到工作繁忙的 PP 食飯。

初次見到 NY 的新髮型, PP 竟然可以沉得住氣, 仲有禮地報以一個微笑, 真係好有教養...佢仲夠膽死話 NY gel 咗個碧咸型仔雞冠頭, 過份咗...

由於尋晚個餐食得太齋, 於是今晚愛咗好多肉食, 好飽肚。相約好三人的下一次活動係穿耳窿, 好緊張, 手心冒汗...

今晚發現 NY 的轉數慢咗好多, 建議多啲同 KT 切磋口技...

悠長假期

唔經唔覺响呢間公司做咗年半有多, 每日返工都好悠閒, 做自己嘢多過做公司嘢, 感覺放咗一個悠長假期...

中午同同事 J 撐枱腳食飯, J 都好佩服我點解可以留响呢間公司做咁耐, 好應該趁後生出去學多啲嘢、睇多啲嘢...絕對認同。但屋企人同身邊的朋友都眼紅我呢份工, 叫我打死都唔好 quit...好矛盾...

預計悠長假期會放到出年農曆新年, 我諗應該係極限。

嘥咗

今晚同 NY 傾咗成晚, 估唔到佢嘅忍耐力係咁驚人, 咁無理嘅要求都 fulfill 到, 好厲害...

同 HH 的感情無疾而終, 確係嘥咗...如果當時沉得住氣, 結局應該會唔同。冇辦法, 唯有汲取教訓, 下次一定會 handle 得好啲...

重溫了當年的嗱喳事件, 依然覺得心寒...

莊友 K

久違了的莊友 K 竟然 random search 到我個網上相薄, 仲留咗以下 comments :

"大家跟以前一樣, 只是欠了我的份兒! :( "

死, 好尷尬, 點回覆好?? 莊友 C 覺得突然約番佢又好似好專登咁...

咁點呀?? 不了了之呀??

Pinocchio

好懷念 "嗰個 Pinocchio" 的故事...

仲記得有一晚睡魔急 call, KT "哄"埋我隻耳仔度講咗呢個故事俾我聽, 頓時精神為之一振...

短短三句, 寓意深長。我相信無人可以比 KT 演繹得更精彩...

NY 佳句

以下係 NY 的佳句...忍唔住要 quote 落自己的 Blog度 :

"有人倒抽一口涼氣，之後口中唸唸有詞" - 真係忍唔住, sorry...

"不如四台聯播" - 串咗...

"同mk都一至 (致) 認為my與桌布之pantone一樣，好靚" - 係好鬼靚...

"發現下流招數對my會產生正面作用，立即打了個全中" - 但 MY 好似騷咗...

"「咩實左?」" - 一場誤會...

"千哩 (里) 尋腿" - best of the best, 好欣賞...

新面孔

平時返開 9 點 3 嘅我, 今朝搭早咗一班車返工, 9 點正就返到公司。早咗返工, 無論搭車、搭電梯都見到好多新面孔, 終於都俾我見到對面公司傳說中的大隻新同事...

不外如是之嘛...

P.S. 今朝收到 WW 的 e-mail, 佢竟然話我 stupid girl, 俾 WW 話 stupid girl 真係好侮辱呀 !!!

別字

今朝上咗 TVB 個網睇 "Desperate Housewives" 的劇情預告, 堂堂一個上市傳媒機構, 劇情譯得差都算啦, 但唔好有咁多錯別字嘛...

"Lynette的孖仔的老師堅持他們有過到活躍症，另Lynette非常憂心"

真係過份咗...

靚仔

晨咁早就收到 BB 的來電, 佢尋晚返家途中, 在巴士下層見到有個靚仔响隧道口等緊車, 仔細望清楚, 原來個靚仔係大家都識架...撞鬼 !!

痴得好緊要, 唔好嚇親人呀...

Bill's Night@CC's Home

碌完齡去咗 CC 的新居玩, 雖然唔就腳, 但環境好好...

估唔到玩 UNO 都可以玩通宵, NY 被譽為 "cut 牌王", 敏捷到痴咗線。可憐屋主 CC 要接受大懲罰, 無啦啦要洗濕個頭...

清晨同 BB 在露台談心, 非常認同 BB, 環境真係好好...

盃賽

尋晚一行 8 人去咗碌齡, 成年冇碌過, 生疏哂...但唔緊要, 因為大家都碌得好差 !!

Bill 提議玩盃賽, 最高分嗰 4 個先可以繼續玩, 贏咗嗰個仲唔駛俾錢添, 刺激死。於是大家都非常落力認真, 仲出埋好多好下流嘅招數, 大家都好 aggressive, 好好 !!

最終輸給 KK, 下次一定要碌好啲...

Comments

今個 weekend 又玩到通宵達旦...今朝 9 點半先瞓, 瞓醒已經係夜晚 7 點幾, 今個星期的 family day 又冇我份...

一開電視就見到華仔, 好好...

一 check e-mail 就發現大家留咗好多個 comments, 好鬼好...

Package

試用期 package : 管接管送、百般遷就、報告行蹤...仲包啲咩 service?

有啲睇唔過眼添, 受不了連做件事、講句話都要思前想後...明明是個口沒遮攔的人

還是覺得自己似率性而為的人馬座...

嬲

今晚原本高高興興同莊友 M 慶祝生日, 但好嬲呀, 莊友 A, B & M 都遲大到, 等咗佢哋成個鐘, 自己一個人坐响間餐廳度, 我最怕等人架嘛, 呢班友仔實在係太過份啦!!

好嬲呀, 真係好嬲呀....今次點氹都冇用架啦!!!

(P.S. 以上內容筆錄於 27/5 晚上 9:04, 地點 : 新羅寶餐廳, 當時莊友 B & M 都仲未蒲頭呀...)

"好好"

"好好" 確係一個好好的回應、好好的形容詞。本來係我、MY & KT 的口頭禪, 但身邊的朋友已經被我們感染, 開口埋口都話 "好好"...

請別濫用...

Family Day

對上一次見大姐同二姐係母親節, 原來差唔多成 3 個星期無見啦, 連咪咪豬有份做 "白雪公主" 話劇都唔知, 但佢竟然係飾演其中一個小矮人...好慘, 鬼叫佢生得矮咩 !! 希望佢唔係做最討厭的 Grumpy 啦...

今個星期日鐵定係 Family Day 啦...

幫手

Bill 果然係最幫得手嘅朋友, 遠行前都仲咁幫我, 真係好感動呀...下次見到你一定要大聲嗌你個名十次...

但明明我係扮演壞人嘅角色, 點解仲可以咁理直氣壯呢??

羨慕

好羨慕 KM 成日都放假, 無啦啦又飛咗去曼谷玩幾日, 等緊你返黎派手信呀!!

小故事

今晚相約好友食飯, 分享大家的小玩意, 重溫 48 格感人小故事。

每次提起, 總有想哭的衝動...

慶幸身邊總有人陪我笑、陪我喊, 永遠記得 "又一棧" 那一幕...

下一站...

不嬲都覺得書局係等人的好地方...

今晚趁住等人的空檔睇咗本 "一輩子一定要去的 50 個地方 - 中國篇", 50個中國地方之中原來我已經去咗 12 個, 覺得都幾威!!!

下一站好想去新疆...希望有人陪我癲啦...

唐英年

今晚晚間新聞又見到財爺唐英年, 不禁令人勾起絲絲回憶, 好友 GuGu 仲話側面最吸引喎...

估唔到 GuGu 近日無聊到翻看我的陳年絕版 online album, 唔止睇得好鬼開心, 仲強烈要求我唔可以 delete 個相薄添 !!!

驚告 : 唔淮再睇呀 !!!

Bill's Night Again

今晚原本相約咗 GuGu 食飯, 但佢下晝唔舒服, 臨時甩底, 結果今晚又變成 Bill's Night...

我哋今晚終於遠離旺角, 去咗尖沙咀食飯, 為咗配合呀 Bill 將會遠赴加洲, 於是去咗 California Pizza 度食嘢, 好味 !!!

冒住咳死嘅危機, 豁咗出去食埋 Gelato 雪糕, 好好味呀 !!!

巴結

上星期六老屈咗莊友 A 送咗個麥兜 "若你是花" 水晶球俾我, 隔咗成個幾禮拜先開封...嘩, 真係好靚呀!!

無辦法, 鬼叫我知道哂成件事嘅來龍去脈, 為咗掩住我把口, 你都係要落力巴結我架啦!!

誤會

尋晚同 KT 通電, 發現原來大家响溝通上出現好大問題, 有好多嘢都冇問清楚、講清楚, 我 suppose 佢知嘅嘢, 原來竟然係毫不知情, 結果誤會哂對方嘅意思!!!

概括近日所發生嘅事 : 亂

昏睡記

尋日又來了一場 MJP , 沒精打采地由下晝 2 點打到差不多夜晚 12 點, 返到屋企上床瞓覺已經係 2 點半。瞓醒時, 望一望床頭的鬧鐘, 原來只不過係 6 點鐘, 個天都仲未光。

但發現瞓响我隔離嘅媽媽唔見咗, 咁早佢去咗邊呢? 突然覺得唔對路, 於是出廳睇吓, 結果兩個呀姐都唔見埋, 望吓自己隻 Baby-G, 原來已經係 "18:06" !!! 唔係啩, 我竟然昏睡咗足足 15 個半鐘, 痴哂線!!!

根據腦袋的 database , 好似從來未試過 non-stop 咁瞓超過 12 個鐘, 我諗係時候要調校番正常嘅生理時鐘。下定決心, 未來 2 個星期都要 2 點前瞓覺 !!! (講住先啦...)

原先 plan 好今日下晝要做嘅嘢, 只好留待下一個 weekend...

後遺症

前晚瞓得 3 個幾鐘, 今朝又成 5 點先瞓, 仲要起身返工, 成個人都 function 唔到, 痴痴呆呆...

結果 9 點半先返到公司, 又要罰錢, 唉!! 截止今日, 今個月已經累積遲到咗 50 分鐘啦...咁都總好過上個月少少嘅...

爛玩後遺症 : 聲沙痰多, 行動遲緩, 眼袋浮黑, 心情煩躁, 胃口唔好......

最驟忌就係胃口唔好嘛 !!

週五例會

自上星期開始, 一連 9 個 Friday 都係 Bill's Night, 距離呀 Bill 遠赴花旗國不足 2 個月...好唔捨得呀!!

可怕女人

睇番本西藏日記, 原來我同 BB 小花作過以下首歌送俾 MY 小花 :

《可怕女人》 (原曲 : 可愛女人)

洗衣的讓我脫衣的可怕女人
買菜的和我講價的可怕女人
咀爛的讓我心寒的可怕女人
隨疴的讓我臭死的可怕女人

P.S. 我哋仲封咗 MY 做 "隨疴娃娃" 添呀!!

對質

今晚同 NY 的飯局, 無啦啦變咗同 KT 的對質大會。Tibet 之旅, 起碼有 2/3 的旅程都在埋怨 KT 和他女友, 但勢估唔到 KT 最不滿的竟然係 MY...

對質大會的 Conclusion : 各人對注重個人衞生方面有好大的分歧!!

P.S. 今晚食飯無俾番錢 NY 添...

痰上頸

從星期日晚開始痰上頸, 一直到依家都係咁,
我諗我真係要 hold 住自己嘅情緒...

小白臉

尋晚同 MY 一齊翻閱去西藏時寫的日記, 好鬼興奮, 決定要節錄在呢個 Blog 度, 所以應承了 MY 要開一個新題目 - "旅行手記", 但唔知做乜鬼, 尋晚竟然上唔到網, 真係激死我 !!!

P.S. 到底邊個係小白臉呢??

占卜夜

好友 KK 同 MY 相約今晚去占卜, 向來唔求神問卜嘅我, 基於八卦好奇, 決定去揍熱鬧。

MY 一直都唔知我今晚會出現, 所以就算我貼住佢個背脊嚟行, 佢都竟然察覺唔到我嘅存在, 笨得很!!

占卦結果係 MY 28 歲會有結婚運, 可喜可賀!! 其他都係講埋啲大路嘢, 即使 KK 同 MY 不停聳恿我一齊占卦, 因為覺得無意義同極級肚餓, 我都決定唔問...

今晚最大得著係學識原來個 "茹" 字嘅正確讀音係 "庶", MY 一直讀錯自己個名, 咁以後你個 initial 係咪應該改做 "MS" 呢??

被Trap

近排常被身邊的朋友 trap, 心都淡呀!!!

以後講說話都要小心啲...

稀客

今日臨收工竟然收到一個稀客的電話, 離咗職一年的舊 Manager 問我有冇興趣去幫佢手, 實在係太高興啦!!

如果個 offer 係好正的話, 我都會考慮下嘅...試問我又點捨得放棄依家呢份咁悠閒、咁適合退休人仕做嘅好工呢??

幫唔幫佢手係一回事, 有人賞識已經好開心架啦!!

曬燶咗

前日去行山, 雖然只係行咗 6.5km, 但暴曬咗幾個鐘頭, 結果兩邊膞頭曬燶咗, 依家痛到嘔, 等緊甩皮...

好後悔無聽馬田嘅忠告, 自討苦吃!!

必殺技

每人都會有自己的必殺技
某君的必殺技確實好吸引...愛死!!

金句

三小花金句 : 肥水不流別人田

好下流!!