釘窿

終於都鼓起勇氣釘耳窿, 仲要一釘釘三個, 自己都覺得好厲害...

受死前仲要好似小朋友咁食 cone 雪糕定驚, 考慮咗成個鐘都猶豫不決, 總覺得釘嚟無乜意義, 又驚發炎, 下定決心只因 MY 一句 :「高興嘅時候可以帶呀嘛...」, 個樣好濕 !!

第一嘢竟然係釘耳骨, 痛到死, 再釘耳珠嘅時候已經無乜感覺。隻右耳紅哂, 雖則好痛, 但個樣依然鬆容...

唔可以打側瞓, 洗頭又要就住就住, 好唔慣。如我所料, 媽媽果然係最欣賞我耳骨嗰個窿, 真係好鬼開通 !!