尋晚又過了一個好歡欣的晚上...
一行五人相約去睇城城 "飛越舞林" 演唱會, 結果四個人遲大到, 害 MY 要响尖東呆等成個鐘, 好過份 !! 但 MY 一見到我, 就立即怒氣全消, 嬲唔落啦啩...
演唱會啲飛係 BB 同我哋買, 佢仲話幫我哋揀個正面位, 結果係對到正小美同城城個 pat pat , 係咪玩嘢呀?? 充當演唱會 Cam Man 的 NY 成晚都剩係影到城城個背脊, 有相為証架 !!
由於大家都唔係城城 fans, 難免覺得個 concert 有啲悶, 唯有互拍自娛... 最高興係當城城懶感性咁講嘢個陣, 竟然有人大嗌 "除衫", 好鬼正。
Concert 還算好睇 , 雖然城城唱快歌有少少甩咀, 但跳舞就真係好好睇, 最鍾意係佢個 "燈膽機械人" look 同 "半裸蠍子人" look, 型到爆 !!!
Extra Bonus : 無啦啦响尖東見到我個囡同 PP; 仲有, 三更半夜食咗一大兜好好味嘅格格薯...
8 comments:
最憎人遲到!!!
仲要只係得MK有合理解釋,
可惜嘥咗......
NY後join喎,都算合理...
係就係後join,
不過8:15pm 會唔會太後呢?
相信冇人個解釋係合理得過我,
後join唔係解釋, 係知會...
但係都唔好太早到...
唔計早到既時間,
都最少等咗45分鐘....
點解唔係城城fans都要去睇城城concert? 仲要咁多人去添? 就係為左睇佢除衫？
去睇係因為 BB 極力推介...唔可信
Post a Comment