邂逅力力

今天在旺角的石磨坊邂逅聞名已久的力力, 身為阿力腦電波的忠實 fans, 見到其真人不禁有點兒興奮, 還立即致電 KT 告知。

可惜, 在其身旁的不是猛男 "檸檬" 或 "蔡大狀", 而是一名不美的中女。

P.S. 晚上被家人嚇一嚇, 耗了一半心血, 好彩大步檻過...

小菜王

今晚去了堂友 W 家族經營的小菜王, 因為堂友 W 是太子女, 所以一行十一人可以安坐有電視有冷氣的 VIP 房晚飯 + 雀局。

點了巨型瀨尿蝦、黑椒炒蟶子、黃金蝦 (美味過金潮小廚好多倍)、荀殼魚、鰻魚炒飯, 還有七八道小菜, 埋單才一千多 (估計剩係碟瀨尿蝦的正價已過三百), 真的要同 uncle 說聲多謝!!

原來 "殘酷一叮" 第二輯已播出, 喪笑女主持加一大群騎呢參賽者, 看了幾眼已想轉台; 之後播優秀選, 明顯挑起眾人的唱 K 癮, 慨嘆 Eason 到今時今日仲上台做馬騮戲; 最後, 當然少不了悶場連連的 "白色巨塔"。

其實, 一班人圍埋一齊睇電視, 即使節目不堪入目, 都依然好開心。

Checklist

五年沒有去長達一個月的旅行, 心情異常興奮緊張, 還有九天便起程, 出發前要做的事還很多 -

1. 兌換英磅/歐羅
2. 買旅遊保險
3. 訂 hostel
4. 取背囊/memory card/插頭
5. 續借旅遊書
6. 寫手信 list
7. 剪髮
8. 相約各方好友見面
9. 買電話咭
10. 買 eye cream/潤唇膏/toner
11. 睇 "Spiderman 3"
12. 查各地氣溫
13. 執行李
14. 影印證件/信用咭副本
15. ......

敬啟者

我不會幫你購買 Burberry Polo-shirt, Burberry 的生產線已移至神州大地, 而且香港的專門店也有此款式, 不要為了節省一百幾十而為難一個揹背囊歐遊的女生!!!

此致
某莊友
===============================================

我不會幫你購買最新款的 LV 和 Gucci 袋, 逛名店絕對不會被列入行程的一部份, 更別妄想 join 我遊西班牙一星期!!!

此致
老闆娘
===============================================

謝謝你放我七星期大假, 亦很感激你願意借出袖珍 Sony Notebook, 但人家是去遊歷嘛, 得鬼閒 check email 咩!!!

此致
王老闆

"Happyness"

十萬個不願意入戲院看金牌出品的 "十分愛" (寧願返屋企睇 "溏心風暴"), 自把自為買了上映已一個月的 "The Pursuit of Happyness" 的戲票。

Will Smith 出品的發人深省勵志故事, 沒有高潮起伏, 沒有煽情位, 但絕對感動人心。Will Smith 演技固然好, 沒想到連其親生囝囝亦交足戲。

一向表演堅強的男主角, 抱著兒子躲進廁所, 最終忍不住流下男兒淚, 是最難忘的一幕; 男主角最後順利過關, 獲得證券公司聘用, happy ending 令人睇到眼濕濕...

南丫島美食之旅

週末遊南丫島, 除了行家樂徑外, 今趟主打環節是食食食。雖然去過多次, 但還是第一次幫襯 Bookworm, 晚餐點了 Beanburger 和我至愛的 classic pizza, 超級好味!!! 第二朝又在這間店醫肚, 點了份量很大的 Brunch, 兩人 share 剛剛好。

在 Openrice 好評如潮的 Shelly Cake Express, 當然不會錯過, homemade 豆腐芝士蛋糕又香又滑, 連餅底都好味過人。

當然少不了例牌要幫襯的 Thai Thai food 串燒和呀婆豆腐花, 還有久違了的孖條。

夜遊HKU

巴依餐廳位於水街, 與 HKU 只兩街之隔, 晚飯後決定夜遊 HKU。

Pret A Manager 進駐莊月明 canteen; 月明泉流水不再; 古色古香的 main building 空無一人; 豬達的巨型海報依舊高高掛在莊月明樓...

校園四周貼滿不知是怎麼學會的競選 poster, 兩位候選人非常 "七" (沒有其他更貼切的形容詞), 競選口號是 "你敢投 我敢做", KM 提議回他們一句 "我唔投 你咪做"。

新疆菜食評

昨晚去了 KM 推介的巴依餐廳食新疆菜, 上菜前滿心期待, 希望可以重拾兩年前嚐過的地道新疆口味。

餐前的果肉酸奶, 當然比不上在大西北嚐過的口味, 而且也太稀了; 冷盆選了冰鎮西蘭花, 原來只是雪凍了的白灼西蘭花配 wasabi 豉油; 再來的牛肉簿餅, 我只嚐了一塊, 因為那片薄餅完全不合我胃口; 羊肉餃子還可以, 酥味剛剛好; 大盆雞的味道可算是最 "新疆" 的了, 如果再辣一點點便更好; 壓軸主菜是烤羊鞍, 又韌又無肉香, 是全晚最最最失望的一道菜。

(以上菜式全是老闆娘推介, 我們連餐牌也沒看一眼, 完全錯哂!!)

評完食物, 再談服務, 後生待應先打瀉我杯茶; 當我正想啜我杯酸奶沙冰之時, 呢位後生待應一手擋開我隻手同支飲管 (係咪針對我先!?); 最驚人的是薄餅上菜時, 後生待應隻右手手指公竟然緊緊壓在薄餅上, 三人當場呆著!!!

真不明白為何此餐廳會大排長龍...

張羅

近日忙於為兩牙之旅張羅, 向各方友好借 memory 咭、adaptor、背囊, 亦買了一張超高速的 2gb CF 咭, 只需 $278, 下次去半個月旅行都不用問人借咭了。

花了差不多五天, 終於定了葡萄牙的行程, 交通網絡亦有初步了解, 但 book 唔到心儀的 youth hostel, 失策!!!

Next task 要鑽研地大物博的西班牙之行程, 景點太多, 很難取捨, 頭痛中...

My Lovely Ms Lam

面對著一對痴男怨女, 胃口再好也食不下咽, 白白浪費了一頓任食放題。

男的跟平日不一樣, 女的矯揉造作得過火, 一句 :「呢塊三文魚好可愛吖...」簡直想攞我命!!! 若不是俾面 44, 真的好想即時離場。

很難想像復合才兩個月, 便打得如此火熱, 不會真的和林小姐拉埋天窗吧...

悠長假期

今早又和老闆商討辭職/放假事宜, 還未開口, 老闆已經溫柔地對我說:「唔好走啦... 真係唔好走啦...」有點像情侶講分手。

最終決定留低, 老闆慷慨答應放我七星期大假 (當然是 no pay leave), 由 5/5 放到 24/6, 相信好少老闆會讓員工如此放肆。

妙旅伴

今早 check email, 收到橫丁 send 來的行程表, very nice!!

以往通常是獨自一人 plan 路線和 prepare 行程表, 今次有人一齊搵資料、互相研究行程, 好感動啊~

膠框男

敵不過我的野蠻攻勢, 終於不甚情願地配了一副 esp. for me 的膠框眼鏡, 好嘢~

做乜鬼嘢 lasik, 做膠框男咪幾好囉...

緣慳一面

下午行經荃灣地鐵站外的天橋, 霎眼見到身穿草綠色上衣、類似 MY 的物體迎頭經過, 但因為視力不佳, 加上視線被身旁巨物遮擋, 所以未能確認。

其後查證此女子真的是 MY, 還有 MBS 在身邊!!! 與 MBS 緣慳一面, 真可惜...

思念

今天又是拜祭爸爸的日子。

想當年還是個唸中二的小女生, 曾經衝入學校廁所, 摟著好友痛哭...

原來轉眼間已經十四年。

頻撲週六

週六放工後連踩三場, 先到葵芳食 lunch, 再去旺角會合橫丁開旅行茶會, 夜晚再到尖沙咀和莊友 A & 豬達晚飯。

第一次幫襯 "一壽司", 花甲麵豉湯鮮甜, 雞軟骨、蟹捧和帶子加了海膽後又真係好味啲, 但燒鰻魚始終比不上 "板前", 手握壽司店又多一選擇。

原來莊友 A 和我大半年無見過豬達, 甫見面當然要互相推撞一下, 兩位男生傾到雞啄唔斷, 粗口橫飛, 好耐好耐無聽過如此低俗的對話, 還要暗罵隔離枱的四眼男是 "毒男", 笑鬼死我...

日韓樣

近排個個都玩 MyHeritage - face recognition, 試了兩張相, 一張有化粧, 另一張無化粧, 個 result 都話我似上戶彩!!!

除了呀 Sa 外, 全部 results 都係日妹 or 韓妹, 個 game 都幾好玩。

放棄

這幾天一放工便回家, 希望趕得及週六前看完本 900 頁的 Lonely Planet, 結果當然是 mission failed...

次次打開本書, 翻不到 20 頁便恰眼瞓, 決定放棄了, 還是到 www.packpackers.com.tw 找旅遊攻略比較實際和有趣。

把手上三本旅遊書全交給橫丁就好了...

Wii

Wii 明恰左撇子, 萬料不到會敗給 PP, 真丟架!!!

我最叻是玩沒技巧可言的跨欄遊戲, 呵呵呵...

Mr Bean's Holiday

向來喜歡穿老土西裝、吊腳褲加表情古怪的戇豆, 還有他的啡色熊 bear bear (但 bear bear 今次沒亮相)。

電影前半部一貫的胡胡鬧鬧, 笑位雖然似曾相識, 但仍然笑得出; 比較欣賞電影的後半部, 擺明諷刺康城影展, 康城大導演段 "Playback" 同戇豆的 DV 短片令人會心微笑, 原來一開始俾戇豆贏部 DV 機已經埋下伏筆。

據聞這套電影是戇豆系列的最終回, 提議男主角開拍《Johnny English 2》, 我一定捧場!!

珠海遊

難得的長假期, 去了三日兩夜珠海遊, 一手包辦住宿、交通、行程和餐飲。

住 - 豪庭商務酒店:
《新假期》推介的新酒店, 位置近圓明新園, 房間一般, 附近無食店, 亦無巴士站, 但 $480 住兩晚, 仲可以有咩要求?

交通 - 珠海客運:
全船滿座, 被迫分開坐, 由中港城到九洲港只需 1 小時 10 分鐘; 舊事重提, 退車票換船飛, 蝕了 $230。

行程 -
Day 1: 到達下塌酒店稍作休息便出發到中藥谷, 天氣有點冷, 還下著微雨, 是泡溫泉的好日子, 最愛粉紅色的玫瑰花池, 足足玩了四個鐘才離開。

Day 2: 因為賴床, 睡至中午才願起身, 結果放棄了海泉灣的神秘島, 只去了偏僻的竹仔山莊、海邊的珠海漁女和悠逛情侶路。

Day 3: 乘公車市內觀光, 去了九洲城和拱北一帶, 沒景點的一天。

餐飲 -
海月灣 : 位於海邊, 食客不多, 羊肉串和燒牛仔骨都非常惹味, 二人點了四人份的食物, 浪費得很...

竹仔山莊 : 因為下午兩點才到達, 馳名的炭燒乳豬經已售罄 (超失望), 幸好炭燒排骨和走地雞也甚有水準。

灣仔海鮮街 : 自挑海鮮, 再交由食店烹調, 選了四海鮮 (扇貝、瀨尿蝦、海膽、花甲) 加一湯一菜, 只需 $170, 抵食!!

Bad news

剛從珠海回來, 晚間新聞正播放一則壞新聞... 求神庇佑我班機唔好 delay!!!

甘泉航機延誤16小時乘客鼓譟　280人呆坐機艙5小時缺水缺糧

開業近半年, 經常發生航班延誤的甘泉航空, 一班原定於昨日凌晨由本港飛往倫敦的航機, 疑因機轆漏氣緊急維修, 卻嚴重延遲 16 小時, 280 名乘客呆坐機艙缺水缺糧 5 小時後, 才獲安排入住酒店度宿, 至昨日傍晚再度啟程。

8.4.2007 -- 蘋果日報

辭職

一如所料, 老闆唔肯收辭職信, 仲話當放我一個長假, 我想放到幾時返工都得... 點算點算!?

我話復活節後再傾, 回覆竟然係:「唔駛傾啦, 你收番封信, 當放假囉, 後生去多啲旅行好架, 結咗婚無機會去咁耐旅行架啦...」「但我放兩個月假, 對其他同事好唔公平喎, 佢哋又要幫我 handle 我啲嘢...」「得架啦, 無問題架, 我話得就得啦!!」

最終, 辭職信仍在我手。

My 2nd 歐遊

八年前, 約好橫丁在 26 歲前要重踏歐洲, 足足遲了兩年才成行。

今次主打葡萄牙和西班牙, 因為要在倫敦轉機, 也會順道重遊倫敦幾天。之前因為橫丁猶豫不決, 一直擔心今次歐遊不能成事, 如今機票落實, 米已成炊, 一百個安心。我們選擇了頗冒險的 flight schedule, 清晨到倫敦, 即日黃昏要到另一機場轉機去葡萄牙, 希望 Oasis 生生性性, 唔好 delay。

四程機 total 加埋不用 $5000, 便宜到極點!!! 有人應承接我機, 請留意我會搭 Oasis O8 707 回港, 抵港時間為 6 月 2 日 15:30。

Next step : 遞辭職信
Next next step : book 火車票, shuttle bus & hostel

笨

復活節打算到珠海耍樂, 一直以為搭直通車由旺角到拱北只需兩個鐘, 買完車票先知道原來由皇崗出發到拱北至少也要兩個半鐘, 加上長假第一天, 連塞車時間起碼要搭四個鐘頭車才到達目的地!!!

因為這個愚笨的決定, 耿耿於懷了一整天, 最後還是決定退車票, 改乘航程只需一個鐘的飛航船, 花 $230 換回六個鐘頭時間 (二人份), 唉...

P.S. to 橫丁: 近排神智不清, 判斷力弱, 最好不要旨意我訂火車票...