魅力

再次證明 BB 深得印人歡心, 引得成群印人再三回望, 勁!!

大年初二

看了一場不妙的煙花匯演。最妙係 MY 突破警方防線, 俾呀 sir 指住嚟罵 :「喂!! 你呢個呀姐!!」

之後去了輝家打邊爐, 估唔到大年初二會同成群人一齊睇哂兩集《西遊記》, 睇到 5 點幾先走, 眼瞓到暈...

祝賀

今年最喜愛的賀年 SMS : "祝樣貌依然娟好, 身材依然葫蘆"

大年初一

狗年啦, 狗年啦~~

希望今年身體健康, 開開心心, 桃花當旺, 一索得男...

體育世界

一早知道基保做咗《體育世界》主持, 但一直無睇過。

今日睇哂一整集, 竟然覺得好好笑...

年廿九

今晚又出去同人迫, 竟然撞到蝦米和平坦先生, 好妙!!

今年一共行咗三個花市, 破哂紀錄...

年廿八

今年早了一晚去維園同人迫, 依然好多人...

為了支持舊同事, 花了三十個大洋 (友情價) 買咗隻變身狗狗, 好得意架!!

*** 廣告時間 : 維園 116 號舖 - 《財神到!》

1st Day

CNY 長假的第一日, 瞓到 12 點先起身, 好爽~

晏晝又做我最喜愛的新年工作 - 封利是 & 包禮盒。

放假啦

話咁快又開始我的 CNY 長假。

今日响公司呆足一日, 好彩有得早走啫...

甜到漏

得知旅友有拖拍, 好戥佢開心呀!!! no more 一支公...

輯相勁 sweet 呀!!!

旅行蟲

睇完網友的靚靚相片集, 我啲旅行蟲蟲又咬我啦!!!

尼泊爾, 台灣, 稻城, 青島, 布拉格... 度度都想去。最緊要係有錢同有伴...

秃 M 額

又一創意新詞, 仲要係 "360 度秃 M 額", 不得不佩服《便利》的造字技巧。

但最鍾意的新詞依然係 "barcode hair-style", 形象化得嚟又好鬼貼切...

P.S.: "barcode hair-style" - 條碼髮型 (童山濯濯的男子將他們最後僅剩的幾撮稀疏的頭髮梳理, 以掩飾禿頭的髮型, 看起來有如條碼) -- From Yahoo! Dictionary

桔陣

太得人驚啦, 屋企樓下和商場大堂都擺咗個桔陣, 仲要係好大盤添呀呀呀!!!!!

點解要放盤桔响密碼鎖下面!? 搞到我要彈開三步, 伸直隻手先按到密碼, 年年都係咁, 可惡到極!!!

紅

為了迎接新年的來臨, 噚晚又去整紅個頭, 先染後漂再 highlight, 足足坐了四個鐘, 好攰。

今次 highlight 了紫紅色, 都係鍾意上次個鮮紅色多啲...

得果定潤喉糖

個廣告真係無格調之極, 醫神個造型簡直慘不忍睹...

Ending

一直對側田的 concert 無乜興趣, 但當知道個 ending 會好似 "The Big Fish", 所有故事的主人翁都會現身, 忽然有衝動想撲飛。

但為咗個 ending 而入場又好似好無聊咁喎, 不如睇多次 "The Big Fish"罷啦...

大事不妙

弊, 開口中添...

比較

因為有比較, 才會發現原來好唔 match...

圖書證

終於攞咗 HKU library card, 以後去內地旅行, 可以 "名正言順" 咁扮學生。

一場去到 HKU, 梗係要影幾張相留念, 兼且幫襯吓有七折優惠的 Starbucks。

搶$$

又到公司食團年飯的大日子, 一如以往去了鯉魚門食海鮮, 一圍十七人, 埋單要八千六百個大洋!!

有乜理由張單無 breakdown, 得一個大數!? 雖則唔駛我俾錢, 但都有少少俾人搶錢的感覺...

印人

BB 果然不同凡響, 短短一個 lunchtime 就可以勾到一個印人, 佩服到五體投地!!!

exhausted...

今晚又去了隱秘小店食咖哩, 杯 mango lassi 真係好正呀!!

相信因為體力透支, 我同 KM 整晚都詞不達意...

帥哥

今日又返灣仔, 約了 BB 和 KT 食 lunch, 吃了一頓不太妙的午餐。食完 lunch, 又去了飲白酒, 遇上 "陽光版竹野內豐", 仲醒神過靚仔老外, 當堂呆咗...

為了一睹老外的風采, BB 放工後竟然扮 buyer 踩場, 我仲俾咗張入場證 BB, 方便佢聽日單拖踩場。

Surprise

噚日企足一日, 企到腳都痺埋, 好彩對面 booth 有個靚仔老外坐陣, 即時醒神。

之後仲發現有個地方竟然有免費芝士食, 仲有紅、白酒任飲, 結果我同同事 J 面紅紅, 滿身酒氣咁離開會展。聽日要試吓其他牌子...

企 booth

聽日又開始企 booth 的日子, 難捱...

新腦

有新電腦用確係好好, 但做足一日電腦技工。

有同事竟然連 MS office 都唔識裝, 有無搞錯!? X$%^Y#X%&Z&#...

維港遊

原先剩係去尖東影夜景, 結果即興搭船去咗中環, 第一次在港島睇 "幻彩詠香江", 都 OK 靚喎!!

今晚發現一個絕佳的偷情地點 -- IFC 四樓平台。

賀歲片

今年熱切期待的賀歲片 -

第一位 : 梗係《魔幻王國》啦, 睇佢點樣勁得過《魔戒》...
第二位 : 《霍元甲》, 其實我幾鍾意李連杰架...
第三位 : 《斷背山》, Jake Gyllenhaal 咁有型, 一定要捧場啦!!

齋鹵味

噚晚聽 "她他她打到嚟", 聽到首好搞笑嘅歌, 起初以為係小苦妹的新歌, 原來係《春田花花同學會》的主題曲 - "齋鹵味"。

齋 - 鹵 - 味　散發著鹵味味
齋 - 鹵 - 味　夠似舊鹵味未

明明係鹵味　明明係舊齋
明明係舊鴨　原來係麵筋
明明係切雞　原來係腐竹
明明係舊腩　原來都只不過　齋鹵味

齋 - 鹵 - 味　細個就已經食
齋 - 鹵 - 味　至正係拜山食

平底人

晏晝落街食飯, 行行吓連鞋碼都甩埋, 嗱嗱聲去買對平底鞋頂住檔。

對鞋著咗一次咋, 好不妙...

high heel

只不過著咗對兩吋高跟鞋, 就覺得寸步難行, 仲 PK 添...

天生著唔到 high heel。

蛇

今日下晝去了機場的博覽館行春交會, 以睇場為名, 蛇王 shopping 為實。

同事 J 仲買咗成幾百蚊嘢, 好似行年宵一樣...

Audiologist

散紙包一直放了好幾張友人的咭片, 之前無留心睇, 今日先發現原來莊友 C 的 title 係 "Audiologist" !!

嘩, 好型喎...

作病

死, 喉嚨劇痛, 左面的扁桃腺仲腫腫哋, feel 到又開始作病...

盡量唔講嘢。

羅渣麻雀館

今日超過份, 返工時間竟然同 KT 上羅渣麻雀館搓日本 mj, 仲要搓到放工都唔捨得走。

要諗諗一個勁啲嘅綽號...

旺

都係紅色頭髮旺我多啲, 決定擺完 booth 要變返紅魔女...

狠心

忽然狠下心腸, 又少了兩個, 無奈...

飲食情報

放工後, 與舊同事去了新都會廣場的 "潮館" 飲下午茶, 食得飽飽, hea 足兩個鐘, 每人都只係 $50。

免茶、免芥、免加一, 真係好妙...

Natalie Portman

原來 Natelie Portman 係以色列出生的猶太人, 還是哈佛大學畢業生。

估佢唔到喎...

夜拍

噚晚去了尖東影夜景, 好好玩呀!! 學曉好多嘢, 一餐晚飯當學費都抵。

但吹風吹足兩個鐘, 凍到傻...

不幸

今朝聽收音機得知一個不幸的消息, 唉...

返到公司, 第一時間睇《蘋果日報》。

被罵

被人責罵唔聽電話、唔覆電話。

駛唔駛咁惡喎, 咁我真係唔想接嘛...

作嘔

見到張 poster 就唔想入場睇嘞, 最頂唔住歐錦棠個樣, 真係殺死人呀!!!

Posters

最鍾意韓國版嗰張 poster...

托兒

最後一日假期, 諗住留响屋企休息同執衫, 點知竟然要幫手托兒!!

點解啲小朋友咁鍾意玩 "扮家家酒" 遊戲呢? 我今日要扮演一條海豚同一對新婚 Hello Kitty...

誘心人

舞台劇《誘心人》即將公演, 原本諗住買飛捧場, 但得知焦媛飾演 Alice (有無搞錯!?), 鄭文雅飾演 Anna (會唔會太老?), 完全打消買飛呢個念頭。

歡快元旦日

元旦日去了西門家, 播珍藏親筆簽名 CD、聽陳年搞笑廣播劇、睇肥姐扮大金魚, 當然少不了品嚐西門親自炮製的元旦大餐。

睇完台慶睇叱吒, 大家一齊為 Eason 攞奬而歡呼, yeah~~ 落到街都仲 "夕陽無限好", high 咗!!

Where is my parcel?

己經寄出超過一個月, 無理由仲未收到架, 到底份件游咗去邊? 白費我一番心意...

好後悔無寄掛號。

Open伯母

多謝伯母關心, 可惜我哋真係唔啱路架, 辜負伯母一番美意...

睇怕今年都係要上去拜個年。

Happy 2006

避開人多擠迫的尖沙咀和銅鑼灣, 最終去了朗豪坊同四人幫倒數。今晚的活動竟然男多女少, 好少有喎...

倒數完, 仲有小白車返屋企, 唔駛同人迫, 真好!!

Harry Potter 4

呢集最好睇? 唔係啩, 個故事無謂之極, 都係上一集好睇啲。幾個主角愈睇愈唔順眼...

想睇特技, 不如睇《呀鼻》仲好啦!!