妙蓮

睇《飲食男女》得知南生圍有一個巨型蓮花池, 於是相約 WC 前往拍照。

約好兩點三在元朗等, 但三點仍未見 WC 蹤影, 原來搭錯車去了天水圍, 仲要轉乘慢過蝸牛的輕鐵返元朗, 不妙之極!!

四點鐘才到達目的地, 因為農場位置偏僻、交通不便, 所以只有小貓三幾隻。沿著池塘邊行邊拍, 差不多一小時才走完一圈。烈日當空, 汗流浹背, 唯有躲入有瓦遮頭的地方避一避, 還順便品嚐了農場豆腐花, 糖水有少少薑味, 味道不錯。

除了影妙蓮, 還拍了日落照, 邊餵蚊邊等日落, 等了半個鐘終於見到咸蛋黃, lucky!!

敬輝農場真是個拍照的好地方。