近排晚晚煲碟, 一對熊貓眼現哂形...
《霍元甲》-
睇第二次都覺得好精彩, 順呀姐要求, 今次睇了廣東話版, 配音還算不俗。
《Fantastic 4》-
一早預咗係爛片, 但比想像中還要爛, 演員、特技、情節都唔 OK。
《死神再 3 來了》-
橋段和第一集如出一轍, 雖然新鮮感欠奉, 但精心設計的 "奪命" 場面確實震撼, 夜晚晚自己一個睇都幾驚。
《殺破狼》-
極力推介, 本人認為是 05 年最好看的港產片, 比嗰套所謂的 "最佳電影" 好看十倍, 不得不對葉偉信另眼相看。
全套戲拍得非常緊湊, 尤其是最後一場打鬥戲, 真係緊張到心都跳埋出來。六位男角表現出色, 入型入格, 睇完都不停 recall 啲情節, 感覺就好似當年睇完《無間道》一樣。
以前覺得甄子丹型, 依家覺得佢型到爆。
5 comments:
甄子丹真係型爆呀!
其餘個個都冇得頂
就算個個半新人張智堯都做得好好!!
你竟然而家先睇, 太弱啦!
係囉, 我都覺得自己弱 BB, 點解會無入戲院睇架!?
好似唔知邊次聚會我問有乜戲好睇
kk不斷咁推介殺破狼架啦喎!
有啲咁嘅事!?
咁應該係我當時覺得佢信唔過, 所以無去睇!!
我都係咁諗!!
但係之後發現有洪金寶同任達華
就仆到佢睇
Post a Comment