丟架

每次到姑姐家拜年, 總會發生丟架事...

去年, 懷疑我過度用力, 整壞了廁所門鎖, 我還事不關己地對姑姐說:「咦, 呀姑姐, 你哋廁所個鎖好似怪怪哋喎...」雀局中的表哥無奈要落街買新鎖, 因為廁門反鎖了, 累得一眾長輩要到老遠的公廁。

今年, 更丟臉...

直腸直肚的我晚飯後如廁, 但發現廁所沖水弱得很, 按第一次沖不盡, 按第二次水位開始上升, 穢物在廁內團團轉。心急如焚的我未待水位回復正常便按第三次第四次, 結果一觸即發, 水漲至距廁板一吋位置!!! 即時反應向後退了兩步, 手心冒汗。

已待在廁所差不多二十分鐘的我, 決定走出廁所, 硬著頭皮對姑姐說:「咦, 呀姑姐, 你哋個廁所好似塞塞哋喎...」姑姐揭開廁板, 先呆了一呆, 便到廚房拿膠桶沖水, 但塞了就是塞了, 再倒水也無補於事, 姑姐只好用鮑魚擦狂 "隊" 了幾下, 果然奏效。我想我的表情一定尷尬得要命, 姑姐回頭跟我說:「咁咪搞掂囉, 唔駛驚喎, 傻豬...」

出年, 還是不去姑姐家拜年為妙。